بويىغا يەتكەن قىزلار-يىگىتلەرنىڭ ھەممىسى كۆڭۈلدىكىدەك جورا تېپىپ توي قىلىشنى ئويلايدۇ. بىراق بەزىدە ئىشلار ئادەمنىڭ ئويلىغىنىدەك بولماي قالىدۇ، مەيلى قانداقلا بولمىسۇن، ھەرگىزمۇ
تۆۋەندىكى سەۋەبلەر ئۈچۈنلا توي قىلىشنى قارار قىلماڭ، بەلكىم بۇ سەۋەبلەر سىزنى نىكاھ ئوڭۇشسۇزلىقىغا دۇچار قىلىشى مۇمكىن:
ئولتۇرۇپ قالماسلىق ئۈچۈن. بىلسىڭىز،سىز ئولتۇرۇپ قالغان ياكى ئېشىپ قالغان ئەمەس، بەلكى سىزنىڭ مۇھەببەتكە بولغان تەلىپىز باشقىلارنىڭكىدىن يۇقىرى خالاس.
توي قىلىپ بېقىش ئۈچۈن. بەلكىم باشقىلاردەك توي كۆڭلىكى كىيىپ بېقىشنى ئويلايسىز،بىراق يەنىلا نىكاھنىڭ مەنىسىنى چۈشىنىپ، كېيىنكى مەسئۇلىيەت ۋە بۇرچلارنى بىلىۋېلىڭ.
ئاتا-ئانىغا قارشى چىقىش ئۈچۈن. ئاتا-ئانىنىڭ رازىلىقىنى ئالغان نىكاھنىڭ بەرىكىتى بولىدۇ،ئەلۋەتتە. لېكىن ئاز بىر قىسىم قىز-يىگىتلەر ئاتا-ئانىسى قارشى تۇرغانسېرى شۇنچە ئىرادىلىك بولۇپ كېتىدۇ. بۇ ئۇلارنىڭ كېيىنكى بەختلىك تۇرمۇشىنىڭ ئەڭ زور يوشۇرۇن ئاپىتى بولۇپ قالىدۇ.
يالغۇزلۇقتىن قۇتۇلۇش ئۈچۈن. بەزى ئېھتىياجلار ئۈچۈن، بەزىلەر تۇرالغۇ ئۆي، نوپۇس مەسىلىسى، خىزمەتتىكى قولايلىقى ئۈچۈن دېگەندەك سەۋەبلەر بىلەن توي قىلىدۇ، ئەمما بۇنداق نىكاھ ھەقىقىي پاناگاھى بولالمايدۇ.
كۆڭۈل يارىسىنى ساقايتىش ئۈچۈن. ئىلگىرىكى مۇھەببىتىدىن قالغان يارىسىنى ساقايتىش ئۈچۈن ياكى ئۆچ ئېلىش ئۈچۈن قىلغان توينىڭ نېمىمۇ مەنىسى بولسۇن.
