1. جىددىي ئەمگەكتىن كېيىنلا يۇيۇنماڭ

    مەيلى جىسمانىي ئەمگەكتىن كېيىن ياكى ئەقلىي ئەمگەكتىن كېيىن بولسۇن، چوقۇم بىر ئاز ئارام ئېلىۋېلىپ ئاندىن يۇيۇنۇش كېرەك، بولمىسا ئاسانلا يۈرەك ۋە مېڭىگە قان يېتىشمەسلىكنى كەلتۈرۈپ چىقىرىدۇ، ھەتتا ئادەم ئايلىنىپ كېتىشى مۇمكىن.

    2. قىزىپ قالغاندا يۇيۇنماڭ

    ئادەمنىڭ بەدەن تېمپېراتۇرىسى ئۆرلەپ ℃83قا چىققاندا، بەدەننىڭ ئىسسىقلىق سەرپىياتى% 20 ئېشىپ، بەدەن ئاجىزلىشىپ كېتىدۇ، ئەگەر مۇشۇنداق چاغدا يۇيۇنسا، ئاسانلا كۈتۈلمىگەن ھادىسىلەر يۈز بېرىدۇ.

    3. قان بېسىم بەك تۆۋەن چاغدا يۇيۇنماڭ

    يۇيۇنغاندا سۇنىڭ تېمپېراتۇرىسى يۇقىرىراق بولۇشى سەۋەبىدىن قان تومۇرلار كېڭىيىپ قالىدۇ، شۇنىڭ بىلەن قان بېسىمى تۆۋەن كىشىلەردە ئاسانلا كۆڭلى ئاينىش، بېشى قېيىش، نەپىسى قىسىلىش، ماغدۇرسىزلىنىش، تاتىرىش، ھەتتا يىقىلىپ چۈشۈش قاتارلىق خەتەرلىك ئەھۋاللار يۈز بېرىدۇ.

    4. ھاراق ئىچىپلا يۇيۇنماڭ

    ھاراق ئىچىپلا يۇيۇنغاندا، قان قەنتى دەل ۋاقتىدا تولۇقلىنالماي ئاسانلا باش قېيىش، كۆز تورلىشىش، ماغدۇرسىزلىنىش قاتارلىق ئەھۋاللار يۈز بېرىدۇ، ئېغىرراق بولغاندا قان قەنتى تۆۋەنلىك سەۋەبىدىن ھوشسىزلىنىش كېلىپ چىقىدۇ.

    5. بەك تويۇنغان ۋە ئاچ قورساق ھالەتتە يۇيۇنماڭ

    بەك تويۇنۇپ يۇيۇنغاندا، سىرتقى قان تومۇرلار كېڭىيىپ كۆپرەك قان سىرتقى بەدەنگە قاراپ ئاقىدۇ، شۇنىڭ بىلەن قورساق بوشلۇقىنىڭ قان بىلەن تەمىنلىنىشى نىسبەتەن ئازىيىپ، ھەزىم قىلىش ۋە قوبۇل قىلىشقا تەسىر يېتىدۇ، ئاچ قورساق يۇيۇنغاندا، ئاسانلا قان قەنتى تۆۋەنلەش، كۆڭلى ئاينىش، بېشى قېيىش، نەپىسى قىسىلىش، ماغدۇرسىزلىنىش، تاتىرىش، ھەتتا يىقىلىپ چۈشۈشتەك خەتەرلىك ئەھۋاللار يۈز بېرىدۇ.