دانىخورەك ئادەتتە ياشلىق بەلگىسى دەپمۇ ئاتىلىدۇ، دانىخورەك پەقەت ياشلاردىلا بولمايدۇ، 25 ياشتىن ئاشقانلاردىمۇ بولىدۇ. ئەلۋەتتە ياشنىڭ چوڭ-كىچىكلىكى ئوخشاش بولمىغاندەك، ئۇنىڭ چىقىش ئۇسۇلىمۇ ئوخشىمايدۇ. دانىخورەك-ئەرلىك ھورمۇننىڭ تەڭپۇڭسىزلىقىدىن، باكتېرىيەلەرنىڭ ئۇششاق تۆشۈكچىلەرگە كىرىشى ئارقىلىق پەيدا بولىدىغان يىرىڭلىق ھالەت.

بۇنىڭدا دىققەت قىلىدىغان ئىشلار:

ھاراق، قەھۋە، پېچىنە، شاكىلات قاتارلىق مايلىق، قۇۋۋەتلىك، تاتلىق يېمەكلىكلەرنى ئاز ئىستېمال قىلىش كېرەك. غىدىقلىغۇچى يېمەكلىكلەر، ئاچچىق يېمەكلىكلەردىن پەرھىز تۇتۇش، كۆكتات، مېۋىلەرنى كۆپ ئىستېمال قىلىش لازىم. ئەگەر قەۋزىيەت سەۋەب بولغان بولسا ئىچىدىن سوغۇقلۇق چاي ئىچىپ، سىرتىدىن مۇۋاپىق بىر تەرەپ قىلغان ياخشى. ناۋادا مۇۋاپىق بىر تەرەپ قىلىنمىسا، تەر تۆشۈكچىلىرى كېڭىيىپ كېتىپ، تېرىدە چوقۇر پەيدا بولۇپ، دانىخورەكنىڭ دېغى قالىدۇ. شۇڭا كېيىنكى ئاۋارىچىلىكتىن قۇتۇلۇش ئۈچۈن دانىخورەكنى بىر تەرەپ قىلىشتا ناھايىتى ئېھتىياتچان بولۇش، تېرىنى پاكىز تۇتۇش، ھەرگىز ئۇنى ياللۇغلاندۇرۇپ، يىرىڭلىتىپ قويماسلىق كېرەك.

شىنجاڭ ياشلىرى ژۇرنىلىدىن ئېلىندى.