سۇنۇق ئاغرىقلىرى سۆڭەكنىڭ تۇتۇپ ئەسلىگە كېلىشى ئۈچۈن، ئوزۇقلۇقنىڭ تەڭپۇڭلۇقىغا ئەھمىيەت بېرىپ ئىلمىي ئوزۇقلانسا، توقۇلمىلارنىڭ ئەسلىگە كېلىشىنى تېزلىتەلەيدۇ. بىلىش كېرەككى، سۆڭەك سۇنغاندىن كېيىن ئېنېرگىيە ھەسسىلەپ خورايدۇ، شۇڭا بەدەن ئېھتىياجلىق ئاقسىل، ياغ، كاربون-سۇ بىرىكمىسى، ۋىتامىن ۋە مىنېرال ماددىلارنىڭ سۈمۈرۈلۈشىگە كاپالەتلىك قىلىنسا، بولۇپمۇ ئاقسىلنىڭ قوبۇل قىلىنىشى تېزلىتىلسە، بەدەنگە كېرەكلىك ئېنېرگىيىنىڭ تولۇقلىنىشىغا كاپالەتلىك قىلغىلى بولىدۇ.

ئەمەلىيەتتە سۇنۇق ئاغرىقلىرىغا ماس كېلىدىغان يېمەكلىك ناھايىتى كۆپ، شۇنداقتىمۇ كالتىسى، ۋىتامىن ۋە مىنېرال ماددىلاردىن مىس، سىنىك، تۆمۈر، مانگان قاتارلىقلارنى تولۇقلايدىغان، تالا ماددىسى كۆپ يېمەكلىكلەردىن كۈنجۈت، سۈت ۋە پۇرچاق ياسالمىلىرى، ئارپا، تۇخۇم سېرىقى، دېڭىز مەھسۇلاتلىرى، ھەسەل يەنە مېۋە ۋە كۆكتاتلاردىن دولانا، ئاپېلسىن، بانان، كەرەپشە، كۈدە، شوخلا، مۇچ، كاۋىلارنى تاللاپ يەپ سۆڭەكنىڭ تۇتۇشىغا تەسىر يەتكۈزىدىغان تۇز ۋە شېكەرنى ئاز يېسە، ھاراق ئىچمىسە ھەم تاماكا چەكمىسە، سۇنۇقنىڭ تېز ساقىيىشىغا تۈرتكە بولغىلى بولىدۇ.

»ئۈرۈمچى كەچلىك گېزىتى»دىن ئېلىندى