يېقىندا مۇتەخەسسىسلەر بالىلار دوختۇرخانىلىرىدا بالىلار ئويۇن ئويناش مەركىزى قۇرۇپ، تۇغما يۈرەك كېسىلى ئېغىر ياكى جاننى ئالىدىغان كېسەلگە گىرىپتار بولغان نامرات ئائىلىنىڭ بالىلىرىنى داۋالاشقا ياردەمچى ۋاسىتە قىلىشنى تەشەببۇس قىلدى.
بېيجىڭ بالىلار دوختۇرخانىسىنىڭ باشلىقى يېن شىڭ مۇنداق دېدى:«ئىككى پەرزەنتلىك بولۇش دەۋرىدە بالىلارنىڭ ئومۇميۈزلۈك ساغلاملىقىنى تەرەققىي قىلدۇرۇش ئىنتايىن مۇھىم، شۇنداقلا ئىنتايىن ئېغىر خىزمەت. ئاغرىق بالىلارنىڭ ئۆگىنىش، بىلىش ئىقتىدارى كېسەلنىڭ تەسىرىدە توسالغۇغا ئۇچرايدۇ، ئويۇن ئويناش بالىلارنى جىسمانىي ۋە مەنىۋى جەھەتتە داۋالاش ۋە ساغلاملىقىنى ئەسلىگە كەلتۈرۈش جەريانىدا ئىنتايىن مۇھىم رول ئوينايدۇ».
»ئۈرۈمچى كەچلىك گېزىتى»دىن ئېلىندى
