دۆلەت يېمەكلىك ۋە دورا نازارەتچىلىكى باش ئىدارىسى يېقىندا مۇنۇلارنى ئاشكارىلىدى: ئاۋسترىيىدىكى «ئېۋېت» دورا چەكلىك شىركىتى قاتارلىق تۆت كارخانا ئىشلەپچىقارغان مېڭە ئاقسىلى ھىدرولىز ئوكۇلى(施普善) قاتارلىق تۆت خىل دورا ئالاقىدار بەلگىلىمىلەرگە خىلاپ ئىشلەپچىقىرىلغانلىقتىن، بۇ دورىلارنى ئىمپورت قىلىش چەكلەندى.

ئۇقتۇرۇشتا مۇنۇلار كۆرسىتىلدى: بۇ دورىلار تۆۋەندىكىچە: ئاۋسترىيىدىكى «ئېۋېت» دورا چەكلىك شىركىتى ئىشلەپچىقارغان مېڭە ئاقسىلى ھىدرولىز ئوكۇلى؛ ياپونىيە يۈرەك ساغلاملىقى دورا شىركىتى ئىشلەپچىقارغان يۈرەك كۇمىلىچى؛ ئىتالىيە «بېسىدى» دورا زاۋۇتى ئىشلەپچىقارغان باكتېرىيە ئېرىتكۈچ(兰菌净)؛ ھىندىستان «ئارابىندۇ» دورا ياساش چەكلىك شىركىتى ئىشلەپچىقارغان سېفالو(头孢) كاپسۇلى قاتارلىقلاردۇ.

«ئۈرۈمچى كەچلىك گېزىتى»دىن ئېلىندى