ئۈرۈمچى كەچلىك گېزىتى خەۋىرى:
مۇتەخەسسلەر مۇنداق دېيىشتى: تەتقىقاتلاردىن ئايان بولۇشىچە، باشقا ئاغرىقلارغا سېلىشتۇرغاندا دىئابىت ئاغرىقلىرنىڭ ئاشقازان ئاستى بېزى راكىغا گىرىپتار بولۇش نىسبىتى يۇقىرى بولىدىكەن. بۇ دىئابىت كېسىلى بىلەن ئاشقازان ئاستى بېزى راكىنىڭ بىر ئەزادا يۈز بەرگەنلىكىنى ھەمدە نۇرغۇن كېسەللىكلىرىگە چېتىشلىق ئىكەنلىكىنى بىلدۈرىدۇ.
كىلىنىكىلىق كۈزىتىش ۋە ھايۋانلارنى تەجرىبە قىلىش ئارقىلىق مۇتەخەسسلەر مۇنداق يەكۈن چىقاردى: ئۇزاق مۇددەت دىئابىت كېسىلى ھالىتىدە تۇرغاندا، ئاشقازان ئاستى بېزى غىدىقلىنىشقا ئۇچراپ، ئاشقازان ئاستى بېزى راكىنى كەلتۈرۈپ چىقىرىدۇ. دىئابىت كېسىلىگە گىرىپتار بولۇش ۋاقتى ئۇزۇنغا سوزۇلغانسېرى، ئاشقازان ئاستى بېزى راكىغا گىرىپتار بولۇش خەۋپىمۇ شۇنچە يۇقىرى بولىدۇ. شۇڭا دىئابىت ئاغرىقىنى داۋالىنىش جەريانىدا ئاشقازان ئاستى بېزىنى تەكشۈرتۈپ تۇرۇشقا ئەھمىيەت بېرىشى كېرەك.
