ئۈرۈمچى كەچلىك گېزىتى خەۋىرى:
ۋىتامىنEئوكسىدلىنىشتىن ساقلىغۇچى ناھايىتى كۈچلۈك ماددا بولۇپ، تېنىمىزدىكى ئەركىن رادىكالنى تازىلاپ چىقىرىشقا ياردەم قىلىدۇ. تەتقىقاتچىلارنىڭ «ۋىتامىنE دىئابىت كېسىلىنىڭ ئالدىنى ئالىدۇ» دېيىشنىڭ سەۋەبى دەل مۇشۇ بولۇشى مۇمكىن.
ئۇنىڭدىن باشقا ۋىتامىنE يەنە تاجىسىمان ئارتېرىيە ۋە قىل قان تومۇرلىرىنىڭ مىكرو ئايلىنىش ئەھۋالىنى ياخشىلايدۇ ھەم مېڭە ھۈجەيرىسىدىكى «لىپوفوسېن» دېگەن ماددىنى ئازايتىدۇ. بۇ ئۇنىڭ قېرىشقا تاقابىل تۇرۇش رولىنىڭ بارلىقىنى ئىسپاتلايدۇ، ئەمما مۇتەخەسسلەر مۇنداق دەيدۇ: بۇ ۋىتامىنEنى قانچە كۆپ ئىستېمال قىلسا، شۇنچە پايدىلىق دېگەنلىك ئەمەس، قىسقا مۇددەت ئىچىدە كۆپ مىقداردا ئىستېمال قىلسا قان پلاستىنكىلىرىنىڭ نورمال ئىقتىدارى تىزگىنلىنىپ قېلىپ، قان ئۇيۇپ قېلىپ توسالغۇ پەيدا قىلىدۇ.
