ئۈرۈمچى كەچلىك گېزىتى خەۋىرى:

1.يۈرەك مۇسكۇل تىقىلمىسى ھەمدە سەكتە بىمارلىرى شاپتۇل، ئاپېلسىن، باناننى كۆپ يەپ بېرىشى، ھالۋابىدىت، نېلۇپەر ئۇرۇقى قاتارلىقلارنى يېمەسلىكى كېرەك. چوڭ تەرەتنىڭ راۋانلىقىنى ساقلاپ قەۋزىيەتنىڭ ئالدىنى ئېلىشقا دىققەت قىلىشى لازىم. 

2. يۈرىكى زەئىپلەشكەنلەر ھەمدە سۇلۇق ئىششىق بىمارلىرى ئالما قاتارلىق تەركىبىدە كالىي نىسبەتەن كۆپ، شۇنداقلا سۇ مىقدارى ئاز مېۋىلەرنى كۆپ يەپ بەرسە بولىدۇ؛ سۇ مىقدارى كۆپ بولغان تاۋۇز، ئاپلىسىن قاتارلىق مېۋىلەرنى يېمەسلىكى كېرەك. 

3. ئىچى سۈرۈپ كەتكەنلەر ئانار، بۆلجۈرگەن، ئالما، ئۈزۈم قاتارلىق مېۋىلەرنى كۆپرەك يەپ بېرىشى، بانان، شاپتۇل، نەشپۈت قاتارلىقلارنى يېمەسلىكى كېرەك. 

4. قىزىپ قالغانلار تەركىبىدە كالىي مىقدارى، سۇ مىقدارى كۆپ بولغان ئامۇت، ئاپلېسىن قاتارلىقلارنى يېسە بولىدۇ.

5. جىگەر ياللۇغى بىمارلىرى ئاپلىسىن، يېڭى چىلان قاتارلىق قان بېسىمنى چۈشۈرۈش، قان تومۇرلار قېتىشىشنىڭ ئالدىنى ئېلىش رولىغا ئىگە مېۋىلەرنى كۆپرەك يەپ بېرىشى كېرەك. 

6. نەپەس يولى يۇقۇملۇق كېسەللىكلىرى ھەمدە زىققا بىمارلىرى ئامۇت، چارتال، ئاپلىسىن قاتارلىق بەلغەم بوشىتىش، ئۆپكىنى ھۆلدەش، يۆتەل توختىتىش رولىغا ئىگە مېۋىلەرنى كۆپرەك يەپ بېرىشى كېرەك؛ زىققا بىمارلىرى چىلاندىن پەرھىز تۇتۇشى لازىم. 

7. دىئابىت بىمارلىر تەركىبىدە قەنت مىقدارى يۇقىرى بولغان بانان، ئامۇت، لىجى، قوغۇن-تاۋۇز قاتارلىقلاردىن پەرھىز تۇتۇشى كېرەك. 

8. بۆرەك ياللۇغى بىمارلىرى ئاپېلسىن، بانانغا ئوخشاش تەركىبىدە كالىي نىسبەتەن كۆپ بولغان مېۋىلەردىن پەرھىز تۇتۇشى كېرەك، بولمىسا بۆرەكنىڭ يۈكىنى ئېغىرلاشتۇرۇۋېتىدۇ.