كەتتىڭىز
ئابدۇقادىر مەتسىدىق
ئۇچتىڭىز ئەرش كۆكسىدە، ئاسمانىلارگە كەتتىڭىز،
بەك يىراق، بەكمۇ يىراق ئاستانىلەرگە كەتتىڭىز.
خوش دېبان قالدىم ساياق چۆللەردە ئۇسسۇز، لەۋدە چاك،
ئىنتىزار ئەيلەپ قويۇپ، بوستانىلەرگە كەتتىڭىز.
نەزمىدىن چۈشمەس تىلىم زەخمەك ئۇرۇپ جۈپ تارىغا،
مەن قوشاق قاتسام بىھۇش، داستانىلەرگە كەتتىڭىز.
قاي زامان بولدى كېتىپ، ھېچبىر خەۋەرسىز يۈرگىلى،
مەن جۇدا بۇندا غېرىب، مەستانىلەرگە كەتتىڭىز.
ئىنتىزار بۇندا كۆزۈم قايتارغا پۇرسەت يوقمىدۇ؟
ساقلىتىپ پالانىنى، پۇستانىلەرگە كەتتىڭىز.
