ئۈرۈمچى كەچلىك گېزىتى خەۋىرى:
ئامېرىكىلىق مۇتەخەسىسلەر 2006-يىلىدىن 2008-يىلىغىچە توپلانغان قۇرامىغا يەتكەن 28مىڭ ئادەمگە ئالاقىدار سانلىق مەلۇماتلارنى ئانالىز قىلغاندىن كېيىن مۇنداق يەكۈن چىقاردى: كۈندە يەتتە سائەتتىن ئاز ئۇخلايدىغانلار تاماقنى كۆپ يەيدىكەن، بولۇپمۇ بىر ياقتىن تېلېۋىزور كۆرۈپ بىر ياقتىن ئۇششاق يېمەكلىك يېيىشكە ئادەتلىنىپ قالىدىكەن. ئەمما بۇ ئادەت ئادەمنى ئاسانلا سەمىرتىۋېتىدىكەن.
مۇتەخەسىسلەر يەنە مۇنداق دېيىشتى: ئۇيقۇسى يېتەرسىز كىشىلەر كۈندە ئۇششاق-چۈششەك نەرسىلەرنى يېيىشكە توققۇز مىنۇت سەرپ قىلىدىكەن، ئىچىملىك ئىچىش ۋاقتىمۇ يېرىم سائەت كۆپ بولىدىكەن. بىز ئىلگىرى سەمرىپ كېتىشكە سەۋەب قىلغان ئىرق، جىنىس، ئىقتىسادى ئەھۋال قاتارلىقلارنى تەھلىل قىلغاندىن كېيىن ئۇيقۇسىزلىقنىڭ سەمىرىپ كېتىشنىڭ مۇھىم سەۋەبى ئىكەنلىكىگە ئىشەندۇق.
