تەتقىقاتچىلارنىڭ بايقىشىچە، بېشى يوغان ئوغۇللارنىڭ تەنھالىق كېسىلىگە گىرىپتار بولۇش ئېھتىماللىقى يۇقىرى بولۇپ، ئىچ مىجەز بولۇپ قالىدىكەن، لېكىن قىزلاردا بۇ خىل ئەھۋال كۆرۈلمەيدىكەن.

    كالىفورنىيە ئۇنىۋېرسىتېتىدىكى تەتقىقاتچىلار ماگنىتلىق رېزونانسلىق تەسۋىر ئارقىلىق 180 بالىنىڭ ئوڭ مېڭىسىنى باھالاپ چىققان. بۇ بالىلار ئىككى ياشتىن تۆت ياشقىچە بولۇپ، بۇنىڭ ئىچىدە 61 بالىدا تەنھالىق كېسىلى كۆرۈلگەن. بۇ كېسەللىك بالىلار 18 ياشتىن 24 ياشقىچە بولغان ئارىلىقتا ئىنتايىن كۆرۈنەرلىك بولىدىكەن. بۇ بالىلارنىڭ ئەقلىي ئىقتىدارى ۋە ئالاقە تۇرمۇشىغا تەسىر كۆرسىتىدىكەن. بۇ خىل تۈرگە مەسئۇل باشقا مۇتەخەسسىسلەرنىڭ بايقىشىچە، تەنھالىق كېسىلىگە گىرىپتار بولغان ئوغۇللارنىڭ بېشى تەڭ ياشتىكى باشقا بالىلارنىڭكىدىن چوڭ چىققان، لېكىن مۇتەخەسسىسلەر تەنھالىق كېسىلىگە گىرىپتار بولغان قىزلارنىڭ بېشىنىڭ باشقا قىزلار بىلەن پەرقلەنمەيدىغانلىقىنى بايقىغان.

 ـــــ ماتېرىيالدىن

مەنبە : تەڭرىتاغ ئۇيغۇرۋچە تورى

http://uy.ts.cn/life/content/2015-12/30/content_484128.htm