يېمەكلىك تالاسى «ئېرىمەيدىغان ۋە ئېرىيدىغان» دەپ ئىككى خىلغا ئايرىلىدۇ، بۇ ئىككى خىل يېمەكلىك تالاسىنىڭ ساغلاملىققا پايدىسى بار، لېكىن پايدىلىق تەرەپلىرى ئوخشىمايدۇ. ئېرىمەيدىغان يېمەكلىك تالا دانلىق زىرائەت ۋە پۇرچاق پوستى، ئۆسۈملۈكنىڭ غولى ۋە يوپۇرمىقىدا بولىدۇ، بۇ ئۈچەينىڭ لۆمۈلدىشىنى تېزلىتىپ، تويۇنۇش تۇيغۇسىنى كۈچەيتىپ، ھەزىمنى ياخشىلاپ، قەۋزىيەتنى پەسەيتىدۇ، تاماقتىن كېيىن قاندىكى قەنتنىڭ ئۆرلىشىنى تۆۋەنلىتىدۇ.
ئېرىشچان يېمەكلىك تالاسى ئاساسلىق ئۆسۈملۈك ھۈجەيرىسىنىڭ ئىچكى قىسمىدا بار ماددا ۋە ئاجراتمىنى كۆرسىتىدۇ، شۇڭا بىر قەدەر يۇمشاق؛ ئاساسلىقى پۇرچاق، مېۋە، لامنارىيە، كاسىنە(كۆك چېچەك) دە كۆپ؛ بولۇپمۇ كاسىنەنىڭ يىلتىزىدىن ئېلىنغان كاسىنە تالقىنى ھازىر بەدەندىكى يېمەكلىك تالاسىنى تولۇقلىغۇچى قاتارىدا ئىشلىتىلىۋاتىدۇ، چۈنكى ئېرىشچان يېمەكلىك تالاسى ھەزىم يولىدىن سىلىق ئۆتىدۇ، شۇڭا ئاشقازان ۋە ئۈچىيى ياخشى بولمىغانلارغا باب كېلىدۇ.
«قانۇنچىلىق گېزىتى»دىن ئېلىندى
