ئۈرۈمچى كەچلىك گېزىتى خەۋىرى:

كۆمۈر گازى تەركىبىدىكى كاربون(2)ئوكسىدنىڭ ئادەمگە بولغان زەھەرلەش تەسىرى ئەڭ كۈچلۈك بولۇپ، زەھەرلىنىش باشلانغاندا باش قايىدۇ، ئاغرىيدۇ، قۇلاق غۇڭۇلدايدۇ  كۆزى قاراڭغۇلىشىپ، پۇت قول ماغدۇرسىزلىنىدۇ. ۋاقىت ئۆتكەنسېرى قۇسۇش، يۈرەك سېلىش تېزلىشىش، ئېسىنى بىلمەي ئۇخلاش، ھوشىنى يوقىتىش، نەپەس ئېلىش قىيىنلىشىش، قان بېسىمى تۆۋەنلەش قاتارلىق ئالامەتلەر كۆرۈلىدۇ. 

كۆمۈر گازى بىلەن زەھەرلەنگەنلەر بايقالغاندا، دەرھال ئىشىك-دېرىزىلەرنى ئېچىپ، ئۆينىڭ ھاۋاسىنى ئالماشتۇرۇش، بىمارنى ھاۋا ئۆتۈشۈپ تۇرىدىغان ھەم ئىسسىق جايغا يۆتكەش، ئەگەر بىمارنىڭ يۈرىكى ۋە نەپىسى توختاپ قالغان بولسا، دەرھال سۈنئىي نەپەس ئالدۇرۇپ جىددىي قۇتقۇزۇش، تېزدىن دوختۇرخانىغا ئېلىپ بېرىش كېرەك. 

كۆمۈر گازى بىلەن زەھەرلىنىشنىڭ ئالدىنى ئېلىش ئۈچۈن مەشنىڭ كانايلىرىنى ئوڭ ھەم ھىم كىرىشتۈرۈش، كانايلىرىنى پات-پات قېقىش، ھەر كۈنى ئۇخلاشتىن ئاۋۋال مەش ۋە كانايلىرىنى تەپسىلىي تەكشۈرۈش ئارقىلىق ئۆيگە ئىس چىقىپ كەتمەسلىككە كاپالەتلىك قىلىش كېرەك. مەش ئۈستىگە چېلەك ياكى داستا سۇ قويۇپ قويۇشمۇ كۆمۈر گازى بىلەن زەھەرلىنىشتىن ساقلىنىشنىڭ تەدبىرى بولۇپ ھېسابلىنىدۇ.