يىراقتىن ياد ئېتىپ تۇرغىن ئەزىزىم


يىراقتىن ياد ئېتىپ تۇرغىن ئەزىزىم،
مەنمۇ ھەم سېغىنىپ تۇرارمەن سېنى.
مۇھەببەت ئالدىدا پۈكۈلگەن تىزىم،
سۆيۈملۈك قولۇڭدا يۆلىگىن مېنى.

يىراقتىن ياد ئېتىپ تۇرغىن ئەزىزىم
ۋە لېكىن مەندىن بەك يىراقلاپ كەتمە.
ھىچ خاتا چىقمىسۇن مېنىڭ پەرىزىم،
ئېسىڭدىن چىقىرىپ مېنى خار ئەتمە.

يىراقتىن ياد ئېتىپ تۇرغىن ئەزىزىم.
مەيلى مەن غازاڭدەك ساغىرىپ كېتەي.
باھار كەلسە يەنە كۆكلەيدۇ ئىزىم،
شۇ چاغدا مەن سېنىڭ ۋەسلىڭگە يېتەي.