ئۈرۈمچى كەچلىك گېزىتى خەۋىرى:

يېمەك ئىچمەك ئادىتى جەھەتتە ئاددىي ۋە ئەمەلىي ئۆزگىرىشلەرنى قىلىپ كۆرسىڭىز سالامەتلىكىڭىزنى ئاسراشتا ئويلىمىغان ئۈنۈمگە ئېرىشىشىڭىز مۇمكىن.

1.بۇغداي ئۇنى ئىستىمال قىلماي، ئارىلاشما ئۇننى كۆپرەك ئىستېمال قىلىپ بېرىڭ.بۇ، ھەزىم قىلىش سىستېمىسىنىڭ ئىقتىدارىنى تەڭشەشنىڭ ئەڭ ياخشى ئۇسۇلى. شۇنداقلا زىيادە سېمىزلىك، خولېستېرىن ئېشىپ كېتىش، قان تومۇر قېتىشىش ۋە يۈرەك قان تومۇرى توسۇلۇش قاتارلىق كېسەللىكلەرنىڭ ئالدىنى ئېلىشنىڭ ئۈنۈملۈك چارىسى.

2.ئاق شېكەر،قارا شېكەر ۋە ساخارېننىڭ ئورنىغا ئازراق ھەسەل ياكى تەبىئىي تاتلىق يېمەكلىكلەرنى يەپ بېرىڭ.

3. تاماق يەۋېتىپ ئىچىملىك ئىچمەڭ، بولمىسا ئاشقازان سۇيۇقلۇقىنى سۇيۇلدۇرۇپ، ھەزىم قىلىشقا توسالغۇ پەيدا قىلىدۇ. شۇڭا ئەڭ ياخشىسى تاماقتىن يېرىم سائەت ئىلگىرى ياكى كېيىن ئىچىملىك ئىچىش مۇۋاپىق.

4.كۆك چاي، جۈخۇا گۈلى چېيى ۋە يالپۇز چېيى قاتارلىقلارنى كۆپرەك، قەھۋەنى ئازراق ئىچىڭ. چاي ئىچكەندە شېكەر سالماسلىق، زۆرۈر تېپىلغاندا ئازراق ھەسەل قوشۇپ ئىچىش لازىم.

5. تۇزنى ئىمكانقەدەر ئاز ئىستېمال قىلىڭ.

6.كالا سۈتى ۋە پۇرچاق سۈتىنى كۆپرەك ئىچىپ بېرىڭ.