ئۈرۈمچى كەچلىك گېزىتى خەۋىرى:

بەزى ئادەملەر دائىم قۇلىقىنى كوچىلايدۇ، بۇ، ئۇلارنىڭ تازىلىققا رىئايە قىلىدىغانلىقىدىندۇر ياكى قۇلىقىنى كوچىلىسا راھەت ھېس قىلىدىغانلىقىنىدۇر. ئەمىليەتتە، قۇلاقنى كوچىلمىسىمۇ بولىدۇ. چۈنكى قۇلاقنىڭ ئەسلىدىنلا بىر خىل ئۆزىنى تازىلاش ئىقتىدارى بولغانلىقتىن، ئاجرالمىلار تەبئىي ھالدا قۇلاقتىن چىقىپ كېتىدۇ.

بەزى ئادەملەرنىڭ قۇلىقى قىچىشسا پەلكۈچ،سەرەڭگە، كولىغۇچ قاتارلىق نەرسىلەر بىلەن قۇلىقىنى كوچىلايدۇ، بۇنداق قىلىشنىڭ زىيىنى ئىنتايىن كۆپ. ئادەمنىڭ تاشقى قۇلاق قانالچىلىرىنىڭ سىرتىدىكى كۆمۈرچەك سۆڭەكنىڭ يۈزىدىكى تېرىدە قۇلاق كىرى بېزى بولۇپ، ئۇ بىر خىل سۇس سېرىق رەڭلىك ماددا ئىشلەپچىقىرىدۇ، بۇ قۇلاق كىرى دېيىلىدۇ. ئۇ قاراۋۇلغا ئوخشاش تاشقى قۇلاق قانالچىسىدىكى دەرۋازىنى ساقلايدۇ، بۇخىل ماددا ھاۋا بىلەن ئۇچراشقان ھامان قۇرۇپ پارچىلىنىدۇ، بەزىلىرى يېپىشقاق مايلىق ماددا ھاسىل قىلىدۇ. بۇ خىل ماددا قۇلاق سۇپرىسىدىكى ئېرىقچىلارغا ئورۇنلىشىۋېلىپ، تاشقى قۇلاق قانالچە تېرىسىنى قوغداش ۋە سىرتتىن كىرگەن ماددىلارنى، مەسىلەن: چاڭ توزان، ئۇششاق ھاشاراتلارنى چاپلاشتۇرۇۋېلىش رولىنى ئوينايدۇ.