ئاياللار بالدۇر قېرىشتىن قورقىدۇ. بەدەننىڭ قېرىشىنى ئاساسلىقى ئاكتىپ ئوكسىدلار كەلتۈرۈپ چىقىرىدۇ، كۈنجۈتنىڭ ئوكسىدلىنىشقا تاقابىل تۇرۇش، قېرىشنى كېچىكتۈرۈش رولى بار. كۈنجۈت تېرىنىڭ ساغلاملىقىنى قوغداپ، يوقۇملىنىشنى ئازايتىدۇ. تېرىنىڭ ئېلاستىكىلىقىنى ئاسرايدۇ، شۇنىڭ بىلەن بىر ۋاقىتتا، تېرىدىكى قان ئايلىنىشنى ئىلگىرى سۈرىدۇ.
ئادەت خاراكتېرلىك قەۋزىيەت بولىدىغان ئاياللارنىڭ ئۈچىيىدە ئۇزاق تۇرۇپ قالغان توكسىن جىگەرنى زەخىملەندۈرىدۇ، شۇنداقلا يىرىكلەشتۈرۈۋېتىدۇ. كۈنجۈت ئۈچەينى راۋانلاشتۇرۇپ، قەۋزىيەتكە شىپا قىلىدۇ. تاماقتىن پەرھىز تۇتۇپ ئورۇقلاۋاتقان ئاياللاردا ئوزۇقلۇقنىڭ قوبۇل قىلىنىشى يېتەرلىك بولمىغاچقا تېرە قورغاقلىشىپ،يىرىكلىشىپ كېتىدۇ. كۈنجۈت تەركىبىدە سەمرىپ كېتىشنىڭ ئالدىنى ئالىدىغان ماددىلارمۇ بار.
