ئەسسالامۇئەلەيكۇم قەدىرلىك قېرىنداشلار!
تۈركىيەدە دوختۇرلۇق كەسپىدە ئۆرلەپ ئوقۇشقا ئوقۇغۇچى قوبۇل قىلىش ۋە ئوقۇتۇش شەرتلىرى، باشقا كەسىپلەرگە ئوخشاش بولمىغانلىقى ئۈچۈن، توغرا ۋە ئىشەنچلىك مەلۇمات بېرىش مەخسىتىدە، دوختۇرلۇق كەسپىدە ئوقۇش پۈتتۈرۈپ ھازىر تۈركىيە دۆلەتلىك دوختۇرخانىدا ئىشلەش بىلەن بىرگە، مۇتەخەسىسلىك ئېمتىھانغا تەييارلىق قىلىۋاتقان دوختۇر ئەخمەتجاننىڭ تەۋسىيىسىنى سىزلەرگە سۇنماقچىمىز.
ۋەتەندە دوختۇرلۇق كەسپىدە ئوقۇش پۈتتۈرگەن، ئىشلەۋاتقان دوختۇر ۋە چىش دوختۇرى قېرىنداشلاردىن، تۈركىيەدە دوختۇرلۇق ساھەسىدە كەسىپلەر بويىنچە مۇتەخەسىسلىكتە ئوقۇش ياكى تۈركىيەگە كېلىپ ئىشلەشنى ئويلاۋاتقانلارغا پايدىسى بۇلۇشى ئۈچۈن بىلگەنلىرىمنى قىسقىچە يازدىم.
1. تۈركىيەدە دوختۇرلۇق ئوقۇش ئۈچۈن، 1 يىل ئېنگىلىزچە تەييارلىق ۋە 6 يىل كەسىپ جەمىئىي 7 يىل ۋاقىت كېتىدۇ. ئوقۇش پۈتتۈرگەندە مېدىكال دوكتور دىپلومى بېرىدۇ. بۇ دىپلومنىڭ دەرىجىسى ماگىسترلىق بىلەن ئوخشاش بولغانلىقتىن، دوختۇلۇق كەسپىنى پۈتتۈرگەنلەر قايتىدىن ماگىستىرلىق ئوقۇشىنىڭ ھاجىتى يوق.
2. تۈركىيەدە ئالىي مەكتەپتە دوختۇلۇق كەسپىدە ئوقۇپ، مۇۋاپپەقىيەتلىك ھالدا ئوقۇشىنى پۈتتۈرگەنلەر مەكتەپ ھاياتىدىن كېيىن، تۆۋەندىكى ئۈچ خىل يولنى تاللايدۇ.
1. ئوقۇش پۈتتۈرۈپلا مەلۇم بىر دوختۇرخانىدا ئىشلەيدۇ.
2. كلىنكىلىق ياكى ئاساسىي پەنلەردە مۇتەخەسىسلىكتە ئوقۇش ئۈچۈن، مۇتەخەسىسلىك ئېمتىھانىغا قاتنىشىپ ئۆتكەندىن كېيىن، ئۆزى تاللىغان كەسىپلەر بويىنچە مۇتەخەسىسلىكتە ئوقۇيدۇ. ئوقۇش مۇددىتى كەسىپلەرگە قاراپ 4 – 6 يىلغىچە بولىدۇ.
3. ئاساسىي پەنلەردە ( فىزىئولوگىيە، دورىگەرلىك گە ئوخشاش) ئۈچۈن ئېمتىھان بېرىپ ئوقۇيدۇ. ئوقۇش مۇددىتى 4 يىل بولىدۇ.
يۇقىرىدا يېزىلغانلار تۈركىيەدە ئوقۇغان دوختۇرلار ئۈچۈن بولۇپ، ۋەتەندە ئوقۇپ كەلگەنلەر ئۈچۈن ئىشلار تۆۋەندىكىچە بولىدۇ:
1. دوختۇرلۇق كەسپىنى ۋەتەندە ئوقۇپ كەلگەنلەر، تۈركىيەدە ئىشلەش ياكى كەسپىي پەنلەر بويىنچە مۇتەخەسىسلىكتە ئوقۇش ئۈچۈن، ئالدى بىلەن تۈركىيەگە كەلگەن چەتئەللىك دوختۇرلاردىن ئېلىنىدىغان سەۋىيە سىناش ئېمتىھاندىن ئۆتىشى كېرەك. بۇنىڭ ئۈچۈن تۈركىيەگە كېلىپ 7-8 ئاي تۈركچە ئۆگىنىشى؛ بۇ جەريانىدا دىپلوم ۋە ئۇنۋاننى بېيجىڭدىكى مائارىپ مىنىستىرلىكى تەستىقلاش ئورنىدىن تەستىقلىتىشى؛ ( تور ئادرېسى http://www.cdgdc.edu.cn ئۇنىڭدىن كېيىن تۈركىيە پايتەختى ئەنقەرەدىكى ئالىي مائارىپ ئىدارىسىگە ئىلتىماس (www.yok.gov.tr) سەۋىيە سىناش ئىمتىھانىغا كىرىش ئۈچۈن قىلىشى كېرەك. ئىلتىماس نەتىجىسى 1-2 ئاي ئىچىدە چىقىدۇ.
دىققەت قىلدىغان ئىشلار: ئىلتىماس قىلغاندا ئۇنۋان ۋە دىپلوم بىلەن بىرلىكتە سىزنىڭ ئوقۇش نەتىجىڭىزنى تەلەپ قىلىدۇ. ئالغان دەرس سائېتى ۋە پراكتىكا سائېتى توپلام 5500 سائەتنى توشقۇزغان بولىشى كېرەك. بۇنىڭ ئۈچۈن مەكتەپتىن نەتىجىڭىزنى ئالغاندا پراكتىكا سائېتىنىمۇ قۇشۇپ ھېسابلىتىشىڭىز كېرەك.
2. سەۋىيە سىناش ئېمتىھانىغا كەلسەك, بۇ ئېمتىھان 2013-يىلدىن بۇرۇن يىلدا بىر قېتىم ئېلىناتتى (ھەر يىلى 3-ئايدا ئاساسىي پەنلەر. ئەگەر ئاساسىي پەنلەردىن ئۆتەلىسىڭىز 5-ئايدا كلىنكىلىق پەنلەر) ۋە بۇنىڭ ئۈچۈن مەخسۇس سەۋىيە سىناش ئېمتىھان بار ئىدى. لېكىن، 2013 يىلى 1-ئايدا يېڭى بەلگىلىمە چىقىپ، بۇ ئېمتىھاننى تۈركىيەدە دوختۇرلاردىن ئېلىنىدىغان مۇتەخەسىسلىك ئېمتىھانى بىلەن بىرلەشتۈرۈۋەتتى. سەۋىيە سىناش ئېمتىھانىغا كىرىدىغانلار، بۇ يىلدىن باشلاپ مۇتەخەسىسلىك ئېمتىھانىغا كىرىدىغان بولدى.
مۇتەخەسىسلىك ئېمتىھانى 4-ئايدا ۋە 9-ئايدا بولۇپ، يىلدا ئىككى قېتىم ئېلىنىدۇ. ئىمتىھان چۈشتىن بۇرۇن ئاساسىي پەنلەردىن، چۈشتىن كېيىن كلىنكىلىق پەنلەردىن ئېلىنىدۇ. بۇ ئېمتىھاندا ئاساسىي پەنلەر ۋە كلىنكىلىق پەنلەردە 40 نومۇر ئالالىسا سەۋىيە سىناش ئېمتىھانىدىن ئۆتكەن بولىدۇ.
ئەسكەرتېش: ( سەۋىيە سىناش ئېمتىھانىغا ئىلتىماس قىلغاندا، ئالىي مائارىپ ئىدارىسىدىن سىزگە ئېمتىھانغا كىرىش رۇخسىتى چىققاندا، ”پەقەت كلىنكىلىق پەنلەردە كىرسىڭىز بولىدۇ“ دەپ چىقىشى مۇمكىن. ياكى ”ھەم كلىنكىلىق ھەم ئاساسى پەنلەرگە كىرىسىز“ دەپ چىقىشى مۇمكىن. ئەمما، يېقىنقى ئىككى يىلدىن بۇيان ۋەتەندىكى ياكى ئىچكىرىدىكى تىببى ئۇنىۋېرسىتېتلارنى پۈتتۈرۈپ كەلگەنلەرگە ، توپلام دەرس سائېتى 5500 سائىتىنى توشقۇزغان بولسا, ”پەقەت كلىنكىلىق پەنلەر ئېمتىھانىغا قاتناشسىڭىز بولىدۇ“ دەپ قارار چىقماقتا. بۇ قارار دوختۇر قېرىنداشلىرىمىزنىڭ ئېمتىھان يۈكىنى خېلىلا يەڭگىللەتتى ).
سەۋىيە سىناش ئېمتىھاندىن ئۆتكەندىن كېيىن، شەخسىي دوختۇرخانىلارنىڭ جىددى قۇتقۇزۇش بۆلىمى ياكى جىددى قۇتقۇزۇش مەركەزلىرىدە ئىشلىگىلى بولىدۇ.
3. ئەگەر سىز تۈركىيەدە دوختۇرلۇقنىڭ ھەر قايسى كەسىپلىرىدە مۇتەخەسىسىلىكتە ئوقۇيمەن دېسىڭىز، ئالدى بىلەن تۈركىيەدىكى ئېنگلىزچە سەۋىيە ئېمتىھانىدىن 50 تىن يۇقىرى ئېلىشىڭىز كېرەك ( بۇ ئېمتىھاننىڭ سەۋىيەسى جۇڭگۇدىكى 5-6 دەرجىلىك ئېمتىھان بىلەن ئوخشاش. ئەگەر نۇمۇرىڭىز TOEFL بولسا ئۇنىمۇ ئىتىراپ قىلىشى مۇمكىن ). مۇتەخەسىسلىك ئېمتىھانىدا 45 تىن يۇقىرى نومۇر ئالسىڭىز، سىز ھەم سەۋىيە سىناش ئېمتاھاندىن ۋە مۇتەخەسىسلىك ئېمتىھانىدىنمۇ ئۆتكەن بولىسىز، سىز خالىغان كەسىپتە ( مەسىلەن: ئىچكى كېسەللىكلەر، بالىلار كېسەللىكلىرى، تاشقى كېسەللىك…..دېگەنگە ئوخشاش)
مۇتەخەسىسلىك ئوقۇش جەريانىدا، تۈركىيە دۆلىتى ئوقۇش مۇكاپات پۇلىغا ئېرىشەلىشىڭىزمۇ مۇمكىن. ھەر ئايدا 1000 لىرا ( 550 دوللار ئەتراپىدا) ئەگەر ئۇنىڭغا ئېرىشەلمىسىڭىز مۇتەخەسىسلىكنىڭ 1-يىلىنى تۈگەتكەندىن كېيىن، 2-يىلىدىن باشلاپ بوش ۋاقىتلاردا شەخسىي دوختۇرخانىلاردا ئىشلەش ئارقىلىق ئۆزىڭىزنىڭ تۇرمۇشىنى قامدىيالايسىز.
4. مۇشۇ ئىشلارنى غەلبىلىك قىلىش ئۈچۈن، ئالدى بىلەن سىز ئۆز خىراجىتىڭىز بىلەن تۈركىيەگە كېلىپ تىل ئۆگىنىسىز ۋە بۇ جەرياندا ئالىي مائارىپ مىنىستىرلىكىگە ئىلتىماس قىلىسىز. ئەڭ مۇھىمى سەۋىيە سىناش ئېمتىھانىغا (دىققەت: بۇ يەردىكى سەۋىيە سىناش بىلەن مۇتەخەسىسلىك ئېمتىھانى ئوخشاش ئېمتىھاندۇر) تەييارلىق قىلىش. بۇ ئېمتىھانغا تەييارلىق قىلىش بىراز جاپالىق ۋە ئۇزۇن ۋاقىت ئالدىغان بىر ئىش بولۇپ، تۈركىيەدە دوختۇرلۇقتا قوللانغان ئاتالغۇلارنىڭ ھەممىسى ئېنگىلىزچە ۋە لاتىنچە بولغاچقا، ۋەتەندە ئوقۇپ كەلگەن قېرىنداشلار دوختۇرلۇققا ئائىت ماتېرىياللارنى كۆرگەندە خېلىلا قىينىلىدۇ. بۇنىڭ ئۈچۈن ئېنگىلىزچىڭىز چوقۇم ياخشى بولىشى كېرەك. تۈركىيەدە بۇ ئېمتىھانغا تەييارلىق قىلدىغان پۇللۇق كۇرسلار بولۇپ، ئەگەر ئىمكانىيىتى يار بەرسە ئەڭ ياخشىسى بۇ كۇرسلارغا قاتنىشىپ تەييارلىق قىلىش كېرەك. كۇرس يىلدا ئىككى قېتىم بولۇپ، 5- ۋە 10- ئايدا باشلايدۇ. كۇرس مۇددىتى تەخمىنەن بەش يېرىم ئاي ئەتراپىدا بولۇپ، دەرسلەر ھەر ھەپتە ئاخىرىسىدا شەنبە، يەكشەنبە كۈنى ئۆتىلىدۇ. كۇرس ھەققى تەخمىنەن 4000 دوللار ئەتراپىدا.
5. دىققەت قىلدىغان مۇھىم نۇقتا : مەن يۇقىرىدا دەپ ئۆتكەن سەۋىيە سىناش ئېمتىھانى ياكى مۇتەخەسىسلىكتە ئوقۇش قاتارلىق ئىشلارنى، تۈركىيە دۆلىتىنىڭ ھەر يىلى قوبۇل قىلىدىغان مۇكاپاتلىق ئۇقۇشىغا ئىلتىماس قىلىش ئارقىلىقمۇ ھەل قىلغىلى بولمايدۇ. چۈنكى مۇكاپاتلىق ئوقۇش بۇ ساھەنى ئۆز ئىچىگە ئالمايدۇ. ئەگەر سىز مۇكاپاتلىق ئوقۇشنىڭ دوختۇرلۇققا ئائىت ماگىستىرلىقتا ئۇقۇشنى تاللاپ ( مەسىلەن: بىيوخېمىيە، فىزىئولوگىيە، دوختۇرخانا باشقۇرۇش دېگەنگە ئوخشاش) بۇ يەرگە كەلگەندىن كېيىن، ئۆزىڭىزنىڭ تاللىغان كەسپىدە ماگىستىرلىقتا ئوقۇش بىلەن بىرگە، سەۋىيە سىناش ئېمتىھانىغا تەييارلىق قىلىپ قاتناشسىڭىزمۇ بولىدۇ.
ئەگەر شۇنداق قىلالىسىڭىز بىر چالمىدا ئىككى پاختەكنى سوققان بولىسىز. سىزگە ھېچقانداق ئىقتىسادى بېسىم بولماي ئېمتىھانغا تەييارلىق قىلالايسىز.
6. ۋەتەندىكى ۋە ئىچكىردىكى چىش دوختۇرلۇق تولۇق كۇرستا ئوقۇش پۈتتۈرگەنلەر ئۈچۈن، بۇ يەردىكى ئىشلەش ۋە مۇتەخەسىسلىكتە ئوقۇش ئىشى، دوختۇرلۇق بىلەن ئاساسەن ئوخشاپ كېتىدۇ. ئوخشىمىغان يەرلەر تۆۋەندىكىچە:
(1). سەۋىيە سىناش ئېمتىھانىغا قاتنىشىش ئۈچۈن ئىلتىماس قىلغاندا، ئوقۇش نەتىجىسىدىكى توپلام ئوقۇش سائىتى 3600 سائەتكە تولغان بولىشى كېرەك.
(2). سەۋىيە سىناش ئېمتىھانى، بۇرۇن چەتئەللەردىن كەلگەن چىش دوختۇرلىرى ئۈچۈن ئايرىم ئىدى. يېڭى چىققان بەلگىلىمە بىلەن، تۈركىيەدە ئوقۇپ ئوقۇش پۈتتۈرگەن چىش دوختۇرلىرىدىن ئالدىغان مۇتەخەسىسلىك ئېمتىھانى بىلەن بىرلەشتۈرۈۋېتىلدى.ئېمتىھاندا 40 تىن يۇقىرى نۇمۇر ئالسا ئۆتكەن بولىدۇ. ئەگەر ئېنگىلىزچە ئېمتىھانىدا 50 نۇمۇر، سەۋىيە ئېمتىھانىدا 45 تىن يۇقىرى نۇمۇر ئالسا، مۇتەخەسىسلىكتە ئوقۇيالايدۇ. ئوقۇش مۇددىتى 5 يىل.
7. ۋەتەندە ھازىر ھەر قايسى كەسىپلەردە ئىشلەۋاتقان دوختۇر قېرىنداشلىرىمىز ، مەسئۇل ۋىراچ دوختۇر ياكى مۇئاۋىن پروفېسسور ياكى پروفېسسورلۇقىنى ئالغان بولسا، بۇ يەرگە كېلىپ ئىشلەش ئۈچۈن:
(1). سەۋىيە سىناش ئېمتىھانىدىن ئۆتىشى ( 40 نومۇر ئېلىشى) كېرەك.
(2). سەۋىيە سىناش ئېمتىھانىدىن ئۆتكەندىن كېيىن، ئۆزى قايسى كەسىپتىكى مۇتەخەسسىس دوختۇرى بولغان بولسا، شۇ كەسىپتىن يېزىقچە ۋە ئېغىزچە ئېمتىھانغا قاتنىشىدۇ، ئەگەر ئۆتەلىسە تۈركىيەدە مۇتەخەسىس دوختۇر بولۇپ ئىشلىيەلەيدۇ.
8. ۋەتەندە ياكى ئىچكىرىدە جوڭگۇچە داۋالاش كەسپىدە ئوقۇغان قېرىنداشلار ئۈچۈن، تۈركىيەدە بۇ كەسىپلەر بولمىغاچقا بۇ يەردىكى ئىشلەش ياكى ئوقۇش ھەققىدە ھازىرچە دۆلەتنىڭ ئېنىق بىر بەلگىلىمىسى يوق. ئەگەر بۇ ھەقتە ئېنىق بەلگىلىمە چىقسا، تور ئارقىلىق سىلەرنى خەۋەردار قىلىمىز.
ئاخىردا تۈركىيەگە كېلىپ ئوقۇماقچى بولغان ھەممە دوختۇر قېرىنداشلارنىڭ ئىشلىرىغا ‘ئاللاھ’ دىن ئاسانلىق ۋە ئۇتۇق تىلەيمەن.
ئەگەر باشقا سورايدىغان سۇئالىڭلار بولسا، ئېلخەت ئادرېسىمغا خەت يازساڭلار بولىدۇ. 7 كۈن ئىچىدە جاۋاب قايتۇرىمەن.
ئېلخەت: dr_ahmetcan@hotmail.com
در.ئەخمەتجان پولات. 2013.03.10 ئىستانبۇل
ئەخمەتجاننىڭ خىزمىتى ئالدىراش ۋە ۋاقتى قىس بولسىمۇ، تەلىپىمىزنى قوبۇل قىلىپ ۋاقىت ئاجىرتىپ تەپسىلى بىلگى بەرگەنلىكى ئۈچۇن رەھمەت ئېيتىمىز.
ھۆرمەت بىلەن: ئۇيغۇر ئوقۇغۇچىلار ئىشلىرى كومىتېتى
ئەسسالامۇ ئەلەيكۇم!ئاللاھ رەخمەت قىلسۇن،قېرىنداشلىرىم!
ئەسسالامۇ ئەلەيكۇم،،سىزدىن تىمىغامۇناسىۋەتسىز بىرگەپ بارتى سورسام،،مەندە300-400يىللىق تارىخقا ئىگە20دانە تۇرۇك،،پارىس،ئەرەپ يىزقىدايىزىلغان تىبابەت كىتاپلىرى بارتى،،ئازراق ئقدىساد تۇپەيلىدىن كىتاپلارنى ساتماقچىتڭم،،بۇكىتاپلارغا قىزىقىدىغانلارنى تاپقىلى بولارمۇ.
مەن ئۇيغۇر كىتابلىرىنى يىغىپ ساقلىغۇچى ھەۋەسكار ، ئەگەر ماڭا سېتىپ بەرسىڭىز توغرا تاللىغان بولاتتىڭىز . مەن بىلەن ئالاقىلىشىڭ. چ چ 1146671907
ئەسسالامۇ ئەللەيكۇم ياخشىمسىز ئۇيغۇر تىبابەت كەسىپى ۋە غەرىپ تىبابىتى كەسىپلىرىنى قۇشۇپ باكلاۋۇر كەسپىدە پۈتۈرگەن ئۇغۇغۇچىلارمۇ ئاشۇ جوڭيى تىبابىتى كەسىپى ئۆقۇغان بالىلار غا ئوخشاش بىر تەرەپ قىلىنارمۇ ياكى تۇركىيەدە بۇ كەسىپ قارىشى ئېلىنارمۇ ؟ ئۆرلەپ ئۇقۇش پۇرسىتى بارمىدۇ ؟
ۋە ئەلەيكۇم ئەسسالام. سىز دىگەن جوڭگوچە ۋە غەرىپچە داۋاش كەسپى تۇركىيەدە يوق. يانى سىز ئوقۇغان ئاساسى پەنلەر ۋە كلىنكىلىق پەنلەر توپلام 5500 سائەتنى توشقىزىشى كىرەك. ئەگەر ئۇنىڭ ئىچىدە جوڭگو تىبابىتىگە ئائىت دەرسلەر بولسا ئۇنى قۇبۇل قىلماسلىغى مۇمكىن. بۇ ھەقتە ئىنىق بەلگىلىمە يوق .ئەمما ئۇ ھەقتە بىر ئۇچۇرغا ئىگە بولساق تور ئارقىلىق سىلەرنى خەۋەردار قىلىمىز.
ھئەسسالامۇئەلەيكۇم مەن ۋەتەندە ئوقۇپ دولەتلىك دوختۇرخانىدا ئئشلەۋاتقان دۇرىگەر ئىدىم .ئوزۇندىن بۇيان ئورلەپ ئوقۇش ۋە چەتئەلگەچىقىش ئارزۇيۇم بار ئىدى.چۇشۇمدىمۇ چەتئەلىك بالىلار بىلەن بىللە ئوقۇپ چۇشەيتىم.شۇڭىمىكن بۇرۇندىن باشلاپ مەندە ئاللا خالىسا چۇقۇم چەتئەلدە ئوقۇپ ئىشلەيمەن دەيدغان بىر ئىدئيە كاللامغا سېىڭىپ كەتكەن.شۇڭا نەچچە يىل ئىلگىرې تۇركىچە كېتاپنى سىتۋئلىپ ئۈزۇم ئازراق ئوگەنكەنتىم.بۇرۇنلا شۇنداق بىر ئوتتەك قىزغىلىق بارئىدىكى لىكىن مەن ئوتتورا تىخنكۇمنى پۇتكۇزگەچكە بىلەلىمگەن ئىدئم .شۇنداق تاسادبى پۇرسەتتە بۇ قىتملىك تۇركىيدە ئوقۇش،ئىشلەش ئوقتۇرېشنى تۇردىن كورۈپ قالدىم. 2004يىلى ئوتتۇرا تىخنىكۇمنى پۇتتۇرگەن.ئەگەردا شەرتىم تۇشۇپ قالسا ماگا ياردەم قىلساگلار.ئولۇغ ئاللا ئىشلرئمزنى ئاسان قىلغاې.
ۋەئەلەيكۇم ئەسسالام!
سىز uyguroku@gmail.com گە تەپسىلى بىر خەت يېزىڭ، بىز ئىزدىنىپ سىزگە جاۋاپ بىرەيلى.
ئەسسالامۇئەيكۇم،مەن تولۇق كۇرۇسنى شىنجاڭدا ئالدىنى ئىلىش كەسپىدە ئوقىغان،مىنىڭ تۈركىيەدە كىلنىكىلىق داۋالاش كەسپىدە تولۇق كۇرۇستا ئوقۇشۇم ئۈچۈن قايسى ئىمتاھاننى بىرىمەن ؟مىنىڭ ۋەتەندە ئوقىغان كەسپىمنى ئىتىراپ قىلامدۇ ؟بىلگىنىڭلارنى ئايىمىغان بولساڭلار!
ۋەئەلەيكۇم ئەسسالام!،
ئەگەر مۇكاپاتلىق ئوقۇشتا ئوقۇماقچى بولسىڭىز، بۇنىڭغا ئالاھىدە ئىمتاھان ئېلىنمايدۇ. تولۇق ئۇتتۇرا نەتىجىڭىز يەتەرلىك. بۇنىڭ ئۈچۈن 1992-1-1 دىن كېيىن تۇغۇلغا بولىشىڭىز كېرەك.
ئەگەر ئۆز خىراجىتڭىز بىلەن ئوقۇماقچى بولسىڭىز، ھەمدە كىلىنكىلىق داۋالاشتا ئوقۇماقچى بولسىڭىز، تۈركىيەدىكى ئوقۇغۇچى تاللاش ئىمتاھاندى يۇقىرى نومۇر ئېلىشىڭىز كېرەك.
ئۆرنەك سۇئاللارنى كۆرەپ بىقىڭ. ۋەتەندە ئوقۇغان كەسپىڭىزنى داۋامالاشتۇرۇپ ئوقۇيالمايسىز. يا ئىمتاھانغا كىرىپ يىڭىدى باشلاپ ئوقۇيسىز، ياكى ۋەتەندە تاماملىغاندىن كېيىن ، ئۆرەلپ ئوقۇيسىز. بۇ ھەقتە تورىمىزدا مۇناسىۋەتلىك بىلگىەلەر بار.
/?p=964
ئۇلىنىشلار
بۇ نىمە دىگەن گەپ؟
تەپسىلى يازسىڭىز، بىز نىمە دىمەكچى بولغانلىقىڭىزنى ياخشى چۈشەنگەن بولاتتۇق.
ئەسسالامۇ ئەلەيكۇم
مەن ئىچكىرىدە ئېغىز بوشلۇقى مېدىتسىنىسىدە ئۇقۇۋاتىمەن. يەنە ئىككى يىلدىن كېيىن ئوقۇش پۈتتىرىمەن. مېنىڭ ئاسپىرانتلىقنى چەت ئەلدە ئوقۇغۇم بار ئىدى. پاسپورتنى بىجۈرەلمىدىم. توفۇل ئىمتىھانىنىمۇ بەرمىدىم.سىلەردىن سوراپ باقسام، بۇ ئىككى يىلدا قانداق تەييارلىق قىلسام بولىدۇ؟ چەت ئەلگە چىقىپ ئوقۇش ئۈچۈن قانداق تەييارلىقلار كېتىدۇ؟ ئۇ يەردە قانچە يىل ئوقۇيمەن؟ ئوقۇش پۇلى قانچىلىك بولار؟ ئاتا_ ئانامنى قىيناپ قويارمەنمۇ؟ دۆلەت تىلى ئېنگىلىز تىلى بولغان دۆلەتلەر قانداق بولۇر؟
سىلەرگە كۆپ تەشەككۈر، ئاللاھ سىلەرگە رەھمەت قىلغاي
بىز سىزگە تەپسىلى ئىزدىنپ جاۋاپ بىرەيلى
سىلەرگە كۆپ رەھمەت
.ئەسسالامۇ ئەلەيكۇم!مەن شىنجاڭ تىببى ئۇنۋېرسىتىتى كېلىنكىلىق داۋالاشتا ئوقۇيمەن.تېخى پاسپورتنى بىجۈرەلمىدىم. توفۇل ئىمتىھانىنىمۇ بەرمىدىم بىراق ئايلىتىس ئىمتىھانىغا تەييارلىق قىلۋاتىمەن.سىلەردىن سوراپ باقسام، بۇ ئىككى يىلدا قانداق تەييارلىق قىلسام بولىدۇ؟ چەت ئەلگە چىقىپ ئوقۇش ئۈچۈن قانداق تەييارلىقلار كېتىدۇ؟ ئۇ يەردە قانچە يىل ئوقۇيمەن؟ ئوقۇش پۇلى قانچىلىك بولار؟ ئاتا_ ئانامنى قىيناپ قويارمەنمۇ؟ دۆلەت تىلى ئېنگىلىز تىلى بولغان دۆلەتلەر قانداق بولۇر؟
سىلەرگە كۆپ تەشەككۈر، ئاللاھ سىلەرگە رەھمەت قىلغاي
ئەسسالامۇ ئەلەيكۇم ! ماڭا جاۋاپ كەلمىدىغۇ؟
ئەسسالامۇ ئەلەيكۇم مەن شىنجاڭدا تىتابەتچىلىك بىلەن شۇغۇللىنىۋاتقان تۇركىيەگە چىقىپ بىلىم ئاشۇرۇپ شۇ يەردە بىرەر دۇختۇرخاندا ئىشلەي دىگەن ئۇنىڭغا قانداق ماتىرىياللار كىتىدۇ
ۋەئەلەيكۇم ئەسسالام ، ئامىنە ئىنگىلىزتىلىنى ياخشى ئۆگىنىپ كىرەكلىك ئىمتىھان كېنىشكىلىرىنى تەييارلىغاچ تۇرۇڭ ، ئالى مەكتەپتىكى نەتىجىلىرىڭىزنى تېخىمۇ ياخشى قىلىشقا تىرىشىڭ ، ئاندىن ۋاقتى كەلگەندە مۇشۇ خەلقئارالىق مۇكاپاتلىق ئوقۇشقا تىزىملىتىپ باقسىڭىز تاللانسىڭىز ئۆتۈپ قالسىڭىز تۈركىيەگە چىقىپ ئۆرلەپ ئوقۇرسىز، ئاندىن پاسپورنى ۋاقتىدا كەلگەندە بىجىرەرمەن دەپ ئولتۇرماي بالدۇرراق مىدىرلىغاچ تۇرۇڭ، ئۇنىڭ قاچاندا قانچىلىك ۋاقىتتا چىقىشىغا ھېچكىم بىرنىمە دېيەلمەيدۇ، پاسپورتىڭىز تەييار بولسا بىر ئىشىڭىز بولسىمۇ بالدۇراق پۈتكەن بولىدۇ، شۇ چاغدا مۇكاپاتلىق ئوقۇشقا تاللىنالمىسىڭىز ئۆز خىراجىتى بىلەن ئوقۇشنىڭ يولىنى قىلاسىز، ياكى تىل ئۆگىنىش چاقىرقى بىلەن بىر يىل تىل ئۆگىنىپ ئاندىن ئىمتىھان بىرىپ مەكتەپلەرگە ئىمتىھان بېرىپ كىرەرسىز.
كەسپىڭىزنى داۋاملىق ئۆرلەپ ئوقۇش نىيىتىڭىز بولسا تۈركىيەگىلا قاراپ ئولتۇرماي ، تىببى ساھە تەرەققى قىلغان باشقا دۆلەتلەرنى كۆزلەڭ، تۈركىيەدە دوختۇرلۇققا ئۆتۈش بىر قەدەر تەسقۇ دەيمەن…
ئىككى يىلدا قىلىدىغان تەييارلىقىڭىز ئىمتىھانلارنى ياخشى بېرىپ 4 يىللىق ئالى مەكتەپ ئىمتىھان نەتىجە قەغىزىڭىزنى ئادەم پەخىرلەنگۈدەك ھالەتتە چىقىرىشقا تىرىشسىڭىز بولىدۇ.
ئەلۋەتتە ئىقتىسادمۇ كېتىدۇ، ھەممىزنىڭ كاللىسدا چىقسام بىر تەرەپتىن ئوقۇپ بىر تەرەپتىن ئىشلەيمەن دەيدىغان ئاڭ بار، شۇ خىزمەتمۇ تېپىلسا ئىشلەيدىغان گەپ، خىزمەت بىلەن بوپ كېتىپ ئوقۇشقا تەسىر يېتىدىغان ئىشلار كۆپ ، شۇڭا بىر تەرەپتىن ئىشلەش دېگەن خىيالنى نەزەردىن ساقىت قىلىپراق تۇرغان ياخشى…
ئەڭ ياخشىسى تىرىشىپ ئوقۇپ ، مۇكاپاتلىق ئوقۇشقا تالىنىشنىڭ غېمىنى قىلىڭ.
ئۇنىڭدىن باشقا كېتىدىغان ماتىرياللىرىڭىز ئوقۇشىڭىز پۈتەي دېگەندە چىقىدۇ ئۆزلىكىدىن…
تەۋپىق ئەپەندىنىڭ ئورنىدا جاۋاپ بېرىپ قويدۇم، سۇئالىم جاۋاپسىز قالدى دەپتىكەنسىز…
ئاللاھ ئىشلىرىڭىزنى ئاسان قىلسۇن ئامىيىن
ماڭا جاۋاپ كەلمىدى
ئەسسالامۇ ئەلەيكۇم ! ماڭا جاۋاپ بەرسەڭلار بوپـتىكەن.
ماڭا ئەتراپلىق جاۋاپ بەرگىنىڭىزگە كۆپتىن كۆپ رەخمەت.ئاللاھ رەھمەت قىلسۇن!
ئەسسالامۇ ئەلەيكۇم قېرىنداشلار مەن بۇ يىل تۇلۇق ئوتتۇرىنى پۈتتۈرگەن تۇلۇق كۇرۇسنى تىبابەت كەسپىدە تۈركىيەدە ئۇقاي دېگەن ،قانداق ئىلتىماس قىلسام بۇلىدۇ؟ قايسى مەكتەپنىڭ تىبابەت كەسپى ياخشى ؟ھەقسىز ئۇقۇشقا ئىلتىماس قىلغىلى بۇلامدۇ؟
خاپا بولماي سۇئالىمغا جاۋاپ بەرگەن بولساڭلار چەكسىز مىننەتدار بولغان بۇلاتتىم .
سىلەرگە كۆپ تەشەككۈر، ئاللاھ سىلەرگە رەھمەت قىلغاي.
ۋەئەلەيكۇم ئەسسالام،
تۈركېيەدە بۇ يېل ھەقسېز تېبابەتتە ئوقۇشقا تېزېملاتقانلارنې قوبۇل قېلمېدې.بۇندېن كېيېنمۇ ئالماسلېق ئھتېماللېقې يۇقرې. ئەگەر بەك ئوقۇغېڭېز بولسا پۇل تۆلەپ ئوقۇسېڭېز بولېدۇ.(پۇلې ۋەتەندېكېدېن ئازراق جېق…)ئاۋۋال كېلېپ بېر يېل تۈرۈكچە ئۆگېنېسېز(ئۆزېڭېز پۇل تۆلەپ) ۋە ئمتاھانغا تەييارلېق قېلېسېز،ئاندېن قايسې مەكتەپتە ئوقېماقچې بولسېڭېز شۇ مەكتەپنېڭ ئوقۇغۇچې تاللاش ئمتاھانې بېرېسېز.ئمتاھان سېزنېڭ تۈرۈكچە،ماتېماتكا،ئەدەبېيات ۋە سوتسېيال بېلېملېرېڭېزنې سېنايدۇ.شۇ مەكتەپكە ئمتاھان بەرگەن چەتەللېك ئوقۇغۇچېلار ئېچېدە ئەڭ يۇقرې نۇمۇر ئالغان 5 بالا ئېچېدە سېز بولسېڭېز تېبابەت كەسپېگە ئۆتەلېيسېز ،ئەگەر ئۆتەلمېسېڭېز نۇمۇرېڭېزغا لايېق باشقا ئقدېساد دېگەندەك كەسېپتە پۇل تۆلەپ ئوقېيالايسېز.ئەڭ ياخشې تەكلېپ تۈركېيەگە كەلگەندېن كېيېن ھەم ئمتاھانغا تەييارلېق قېلېپ ھەم ھەقسېز ئوقۇشقا تېزېملاتسېڭېز بولېدۇ.
قېرىندىشىم سۇئالىمغا شۇنداق ياخشى جاۋاپ بىرىپسىز سىزگە كۆپتىن كۆپ رەھمەت.
ئاللاھ سىزگە رەھمەت قىلسۇن.
شۇنداقلا بىزمۇ رەخمەت ئەيتىمىز.
بۇ ئالدىراشچىلىقتا، بەزى سۇئاللارغا ۋاقتىدا جاۋاپ بىرەلمەيۋاتىمىز.
«قەشقەر» قىرىندىشىمىزغا ئوخشاش توغرا «ئىنكاس» يازىدىغان ئوقۇغۇچىلار بولسا، ئوقۇغۇچىلارغا ياردەم قىلىشىنى قارشى ئالمىز. ئەگەر ئېنىق بولمىغان ئىنكاسلار بولسا، بىز تۈزىتىپ قويىمىز ياكى ئەسكەرتىشى بىرىمىز.
ئەسسالامۇ ئەلەيكۇم! مەن شىنجاڭ تېببىي ئۇنۋىرسىتىتىنى پۈتتۈرگەن، ئاسپرانتلىققا تەييارلىق قىلىۋاتىمەن، تۈركىيەدە ئاسپرانتلىقتا ئوقۇغۇم بار ئىدى،قانداق تەييارلىق قىلسام بولار؟ بۇ يەردە باكلاۋۇرلۇق ئۇنۋانى ئالغانلار مېدىتسىنانى يەنە 0دىن باشلاپ ئوقامدۇ ياكى ئاسپراتلىق بويىچە تەربىيلەش ئېلىپ بېرىلامدۇ؟ رەھمەت.
ۋەئەلەيكۇم ئەسسالام،
تىببى ساھەدە ئاسپرانتلىقتا ئوقۇش باشقا كەسىپلەردە ئوقۇش بىلەن سەل ئۇخشىمايدۇ. تۆۋەندىكى تورنى تەپسىلى كۆرۈپ چىقىڭ.
/?p=964
ئەسسالامۇ ئەلەيكۇم!مەن ئاللاھ بۇيرىسا كىلەر يىلى شىنجاڭ تىببىي ئۇنۋىرسىتىتىنىڭ كىلىنكا ئاسپىرانتىنى پۈتتۈرىمەن،تۈركىيەدە ئۆرلەپ دوكتۇرلۇققا ئوقۇغۇم بار،قانداق شەرتلەرنى ھازىرلىشىم كىرەك؟مېنىڭ ھازىرقى ئۇنۋانىم ئېتراپ قىلىنامدۇ؟
ئەسسالامۇ ئەلەيكۇم ،مەن ۋەتەندە تىببىي ساھەدە ئالي تېخنىكۇم پۈتتۈرگەنىدىم .ئىككى يىللىق خىزمەت تارىخىم بار.تۈركىيەدە تىببى ساھەدە يۇقۇرىلاپ ئوقۇغۇم بار ئىدى،تۈركىيەدە قانداق بولار .ئالىي مەكتەپنى قايتا ئوقۇيمەنمۇ ياكى ،ئىمتىخاندىن ئۆتەلىسەم ئاسپىرانتلىققا كىرەلەمدىم.چۈشەنچە بەرگەن بولساڭلار ،رەخمەت،
تۆۋەندىكى تورنى تەپسىلى كۆرۈپ چىقىڭ.
/?p=964
ئەسسالامۇ ئەلەيكۇم ،تور بېتىڭلارنى كۆرۈپ سىلەردىن خۇرسەن بولدۇم، ئىشلىرىڭلار ئوڭۇشلۇق،يولۇڭلار ئاق بولسۇن.
شۇ قاتاردا ماڭىمۇ بىر مەسلەھەت بەرسەڭلار،گەرچەخىياللىرىم خېلىلا خىيالى بولسىمۇ ئەمما ئەمەلگە ئېشىپمۇ قالار دېگەن ئۈمىدتىمەن.
مەن ۋەتەندە تېبابەت دۇكىنى ئاچىمەن،بۇ يىل 28گە كىردىم، ئوقۇش تارىخىم تۇلۇقسىز.ئۆزۈمنىڭ ئەنئەنىۋى تېبابەت ساھەسىدە يۇقىرىلاپ ئۇقۇغۇم بار.
بۇ يەردە تېبابەت مەكتەپلىرىگە كىرىپ ئوقۇش ئىمكانىيىتىم ئاساسەن يوق ئىكەن، شۇڭا چەتئەلدە ئەنئەنىۋى تېبابەت ساھەسىدە ئوقۇشقا ئىمكان بولارمۇ؟ئىمكان بولسا قانداق شەرتلىرى بار؟ئەگەر ئىمكان بولسا ئاندىن پاسپورت ۋە شۇنىڭغا ئوخشىغان ئىشلارنىڭ يولىنى ماڭسام ، ئىمكان بولمىسا دۇكىنىمنى ئېچىۋەرسەم دېگەن ئۈمىدتىمەن، رەنجىمەي مۇشۇ ھەقتە ياخشىراق ئۇچۇرلار بىلەن تەمىن ئەتسەڭلار.
مېنىڭ ئويلىغان دۆلەتلىرىم ئىران،سەئۇدى ئەرەبىستان،پاكىستان،ھىندىستان،مىسىرغا ئوخشىغان ئەنئەنىۋى تېبابەت (خىيالىمدا)گۈللەنگەن دۆلەتلەر بولدى، تۈركىيەنى ئويلاشمىدىم،چۈنكى بىلىشىمچە تۈركىيەدە تېببى ساھەدە ئۇقۇشنىڭ ئۆلچىمى بەكلا يۇقىرى ئىكەن.