قەدىرلىك ساۋاقداشلار،
تۈركىيەگە دۇنيانىڭ ھەرقايسى دۆلەتلىرىدىن نۇرغۇنلىغان ئوقۇغۇچىلار كىلىپ ئوقۇۋاتىدۇ. بەزى ئوقۇغۇچىلار «دۆلەتلىك مۇكاپات» پۇلى بىلەن ئوقۇۋاتقان بولسا، بەزى ئوقۇغۇچىلار ئوقۇش جەريانىدا ياخشى ئوقۇپ، ئوقۇغۇچىلارغا بىرىلىدىغان ئالاھىدە ياردىمىدىن بەھرىمان بولىۋاتىدۇ. ھەتتا بەزى مەكتەپلەر ئەڭ ياخشى ئوقۇغۇچىلارنى جەلپ قىلىش ئۈچۈن، خىلمۇ-خىل مۇكاپاتلارنى بېرىۋاتىدۇ. بۇنداق مۇكاپاتلارنى بېرىشتىكى مەخسەتلىرى بولسا، ياخشى تەتقىقاتلارنى قىلىپ مەكتىپىنىڭ نامىنى چىقىرىشى، ياخشى تەتقىقات تېمىلىرىنى ئىلىپ تۈركىيە ۋە دۇنيادا تونۇلۇش . مۇكاپات ئالالمىغان ئوقۇغۇچىلار بولسا، ئوقۇش پۇلىنى تۆلەپ ئوقۇۋاتىدۇ.
تۈركىيەدىكى ئالىي مەكتەپلەرنىڭ چەتئەللىك ئوقۇغۇچىلارنى تىزىملاش، قوبۇل قىلىش ئۇسۇللىرى ۋە شەرتلىرى بىر-بىرىگە ئوخشىمايدۇ. بەزى ئالىي مەكتەپلەر،ئىلتىماس قىلغۇچىلار تۈرك تىلى بىلمىگەن ياكى چەتئەللىك ئوقۇغۇچىلاردىن ئالىدىغان ئىمتىھانغا قاتناشمىغان ئەھۋالدىمۇ، ئوقۇغۇچىلارنىڭ تەتقىقات تېمىسى، بۇرۇن قىلغان تەتقىقاتلىرى، ئوقۇماقچى بولغان كەسىپلىرىگە قاراپ، ئوقۇغۇچىلارنى قوبۇل قىلىۋېرىدۇ.
مۇشۇنداق ئەھۋاللاردا، سىزلەرگە ۋاقتىدا خەۋەر ۋە مەسلىھەت بىرىش ئۈچۈن، سىزلەرنىڭ ئوقۇشلىرىڭىز بىلەن مۇناسىۋەتلىك ئۇچۇرلار بىزدە بولسا تىخىمۇ ياخشى نەتىجە ئالغىلى بولىدۇ دەپ ئويلايمىز.
تۈركىيدە ئالىي مەكتەپلەر ئىلتىماس قىلغاندا، تۆۋەندىكى ماتىرياللار تەلەپ قىلىنىدۇ.
1. مۇناسىۋەتلىك دپىلومالار ( ئەگەر بۇ يىل تولۇق كۇرس ياكى ئاسپىرانتلىقنى پۈتتۈرۈش ئالدىدا بولغان بولسىڭىز، ئەسكەرتىپ قويۇڭ)
2. ئوقۇش نەتىجىلىرىڭىز
3. بىلىدىغان چەتئەل تىللىرى، بولسا ئىمتىھان نەتىجىسى
4. باشقا جەھەتتە ئالغان ئالاھىدە نەتىجە ياكى مۇكاپاتلار
5. ئوقۇماقچى بولغان كەسىپلەر
6. بۇرۇن ئېلان قىلغان تەتقىقات ماقالىلىرىڭىز ( شەرت ئەمەس، ئامما بولسا ياخشى) ۋە قىلماقچى بولغان تەتقىقات تىمىڭىز.
بۇ ماتىرياللارنى، بىز ئېلان قىلغان ئالىي مەكتەپلەرنىڭ ئوقۇغۇچى قوبۇل قىلىش ئىشخانىسىغا بىۋاسىتە ئىۋەتسەڭلار بولىدۇ. ياكى بىزنىڭ ئېلخەت ئادرېسىمىزغا ئىۋەرتساڭلارمۇ بولىدۇ. ئامما ئالاقىلىشىشى تېلېغون نومۇرلىرى، ئېلخەت ئادرېسلىرىنى تولۇق ۋە توغرا يېزىڭلار. ئىلتىماسلار مەكتەپكە كەلگەندە، ئالىي مەكتەپلەرنىڭ ئوقۇغۇچى قوبۇل قىلىش ئشخانىسىدىكى كىشىلەر سىزلەر بىلەن بىۋاسىتە ئالاقە قىلىدۇ.
بىزنىڭ ئىلتىماس قىلغان ئوقۇغۇچىلارنىڭ تاللىنىشى، قوبۇل قىلىنىشى ۋە تۈركىيەگە تەكلىپ قىلىنىشى بىلەن ھېچقانداق مۇناسىۋىتىمىز يوق. بۇنى ئالىي مەكتەپلەر ئۆزلىرى قارار قىلىدۇ. بۇ جەھەتتىن ئوقۇغۇچىلارنى ئالاھىدە ئەسكەرتىپ قويىمىز ۋە خاتا چۈشۈنۈپ قالماسلىقىنى تەلەپ قىلىمىز. بىزنىڭ خىزمىتىمىز پەقەتلا خالىسانە ھالدا، توغرا ۋە ئېنىق ئۇچۇر بىرىش.
بىزگە ماتىريال ئەۋەتمەكچى بولساڭلار، تۆۋەندىكى ئۇلىنىشىتىكى جەدۋەلنى تولدۇرۇپ ماتىرياللارغا قوشاپ: uyguroku@gmail.com ئېلخەتكە ئەۋەتىڭلار. ئېلخەتنىڭ: تېما ياكى ”subject ” دىگەن يېرىگە،
”ئىسمىڭىزنى“ ۋە ئوقۇماقچى بولغان ”ئوقۇش تۈرىنى“ يېزپ قويۇڭ.
تولۇق كۇرۇس ئۈچۈن: BS
ئاسپىرانت ئۈچۈن: MS
دوكتورلۇق ئۈچۈن: DR
مەسىلەن، ئىسمىڭىز ئالىمجان بولسا، ۋە ئاسپىرانتلىقتا ئوقۇماقچى بولسىڭىز: «ئالىمجان- MS» شەكلىدە يازسڭىز بولىدۇ.
بۇنداق بولغاندا سىزلەر بىلەن ئالاقىلىشىشى ئاسان ۋە توغرا بولىدۇ. مۈمكىن بولسا، gmail, yahoo دىگەنگە ئوخشاش ئېلخەت ساندۇقى ئىشلىتىڭلار.
تىزىلىتىش جەدۋىلى: Uygur-Okughuchilar-Jedvili
ئەسكەرتىش: ئۆز خىراجىتى بىلەن ئوقۇش ھەققىدە بەزى سۇئال جاۋابلارنى تۆۋەندىكى توردىن كۆرەلەيسىلەر. سۇئال سوراشتىن بۇرۇن بۇ تورنى تەپسىلى كۆرۈپ چىقىڭلار.
سىزلەرگە ئۇتۇق تىلەپ:
ئەسسالاممۇ ئەلەيكۇم . تولۇق كۇرسقا ئىلتىماس قىلماقچى بولغان ئەمما پاسپورتى يوق ئوقۇغۇچىلار ئىلتىماس قىلالامدۇ؟؟
مەن تولۇق ئۇتتۇرنىڭ2-يللىقدا ئوقۇۋاتىمەن تۈركىيەدە ئوقۇشى بەكمۇ ئارزۇ قىلىمەن مەن تىزىملاتسام بولامدۇ؟
ئىستانبۇل شەھەر ئۇنۋىرسىتىنىڭ تولوق كۇرس خەلقارالىق ئوقوغۇچى قوبۇل قىلىشى باشلاندى. بولسا چىقىرىپ قويساڭلار بوپتىكەن بۇنىمۇ.
http://www.sehir.edu.tr/en/Pages/Admissions/InternationalStudentAdmissions/InternationalStudentAdmissions.aspx?PageID=57&MenuID=1641
توردىن تىزىملىتىش ئادرىسى
http://sap.sehir.edu.tr/webdynpro/resources/demo.sap.com/undergraduatestudentrecord/UnderGraduateStudentRecord#
رەھمەت، بۇگۈن كەچكىچە تورغا چىقىرىپ قويىمىز.
ئەسسالامۇ .ئەلەيكوم ، مەن 2013.8 ئايدا ئىستانبۇل شەھەر ئۇنۋىرسىتىنىڭ تولوق كۇرس چاكىرىكىنى تاپشۇرۋالگان . لىكىن بەزى سەۋەپلەر بىلەن بارالمىدىم. بۇيىل 2014.9 كايتا شۇ2013.8 ئاينىك چاكىرىكىنى ئىلىپ بارسام بولامدۇ ؟
ياق. قايتا ئىلتىماس قىلىڭ
ۋەئەلەيكۇم ئەسسالام،
قايتا ئىلتىماس قىلىشىڭىز كېرەك.
ئەسسالامۇ ئەلەيكۇم قېرىندىشىم!
سىز چىقارغان بۇ تىزىملاش ئۆز خىراجىتى بىلەن ئوقۇشمۇ ياكى مۇكاپاتلىق ئوقۇشمۇ مۇشۇ ھەقتە بىر چۈشەنچە بەرگەن بولسىڭىز؟
رەھمەت!
مەن تۈركيەدە ئۆزخىراجتىم بىلەن ئۇقۇغۇم بار ئدى .ئالى تېخنكومنى بۇيل 7-ئايدا پۈتتۇرمەن .بۇ تور بەتتن مۇناسۋوتلك خەۋەرلەرنى كۆردۈم .مەن قايسسغا تىزملاتسام بۇلار؟؟؟
سىز ئالىي تىخنىكومنى پۈتتۈرگەن بولسىڭىز، تولۇق كۇرسقا تىزىملىتىسىز.
ئەسسالامۇ ئەلەيكۇم قېرىندىشىم!
تۈركىيەدە تۇلۇق كۇرۇسنى مۇكاپاتلىق ئوقۇشقا تىزىملىتىش قاچان باشلىنىدۇ ؟
ئەسسلاممۇ-ئەلەيكۇم.مەن بۇ يىل ئالىي مەكتەپنى پۈتتۈرتىتىم،ھازىر تىزىملىتۋاتقان ،لىكىن تۈركىچە تور بەتتىن ئەڭ ئاخرى 27 -چىسلا ئاخرلىشىدۇ دىگەندەك خەۋەرنى كۆرۈپ قالدىم، سوراپ باقسام راسلا بۈگۈن تۈگەمدۇ؟مەكتەپ تالىغاندا ئىككى يەردە قايتىلىنىپ قالسىمۇ بولىۋىرەمدۇ؟
ۋەئەلەيكۇم ئەسسالام،
تىزىملاش 31- چىسىلا ئاخىرلىشىدۇ.
مەكتەپ قايتىلىنىپ قالسا ھېچقىسى يوق
ئەسسالاممۇ ئەلەيكۇم،بۇ تىزىملىكنى بىسىپ چىقىرىپ قولدا يىزىپ ،ئاندىن سىكەنلەپ ئەۋەتسەكمۇ بولامدۇ؟
بۇنىك ياش چەكلىمىسى بامۇ ؟
يوق
پاسپورت يوق ىەھۋال ىاستىدا قانداك كىلىش كىرەك ….ياردەم كىلغان بوسىڭىز …
سىز ئالدى بىلەن بىرەر مەكتەپكە ئىلتىماس قىلىڭ. ناۋادا تاللىنىپ قالىسىڭىز، ئو ئىسپات بىلەن ، پاسپورتقا ئىلتىماس قىلسىڭىز بولىدۇ.
ئەسسالاممۇ ئەلەيكۇم،مەن بۇ يىل ئالىي مەكتەپنى پۈتتۈرتىتىم ،ئاسپىرانتلىققا تىزىملاتقان، باشقا يەرلەرنى ئاساسى جەھەتتىن تولدۇرۇپ بولغان ئدىم.لېكىن تولۇق ئوتتۇرا دېپلۇمامنى تاپالمايۋاتىمەن،ئۇ چوقۇم بولۇشى كېرەكمۇ؟ مەسلىھەت بەرگەن بولساڭلار رەخمەت.
ئەسسالاممۇ ئەلەيكۇم تەۋپىق ئاكا ياخشىمۇ سىز ؟ مەن بۈگۈن تۈركىيەدە ئۆز خىراجىتى بىلەن ئوقۇش تىزىملىتىش قەغىزىنى تولدۇرۇپ ئەۋەتتىم ، كەم قالغان يەرلىرى بولسا ئەسكەرتىپ قويغان بولسىڭىز، ئاۋارە قىلدىغان بولدۇم.
ئوقۇماقچى بولغان مەكتەپنى بىز تاللامدۇق ياكى سىلەر تاللاپ بەرسەڭلەرمۇ بولامدۇ؟
ئەسسالامۇ ئەلەيكۇم باشقۇچغۇچىلار ! ھارمىغايسىلەر . مەن بۇ يىل 26 ياشقا كىرىمەن . بۇرۇندىن تۈركىيەگە چىقىپ ئوقۇش ئارزۇيۇم بولسىمۇ خىزمىتىم سەۋەپلىك چىقىپ ئوقۇيالماي قالدىم . شۇنداقتىمۇ يېشىم سەل چوڭلاپ كەتسىمۇ ، چىقىپ ئوقۇغۇم بار . خاندەلەك ئوقۇش مۇكاپاتىغا نىسبەتەن يېشىم چوڭلاپ كېتىپتۇ . ئىنكاسلارنى ئاختۇرسام بۇنىڭغا ئۆز خىراجىتى بىلەن ئوقۇماي باشقا ئامال يوقكەن . شۇڭلاشقا ئۆز خىراجىتىم بىلەن ئوقۇشنى ئويلىدىم . مەن تولۇق ئوتتۇرا ۋە مەخسۇس كۇرۇسنى پۈتتۈرگەن . پاسپورت شۇنداقلا تۈركىيە ۋىزىسىغا كېتىدىغان بارلىق ماتېرىياللىرىمنى تەييارلاپ بولغان . ئەمما تور بەتلەردە بەزى قېرىنداشلىرىمىزنىڭ دېگەن گەپلىرى بەزى قېرىنداشلىرىمىزنىڭكىگە ئوخشىمىغاچقا ، توردىن قايسى خىل ئۇسۇلدا تىزىملىتىشنى بىلمەي قالدىم . تۈركىيىگە چىقماي تۇرۇپ بىۋاستە توردىن تىزىملاتسا ياخشىراقمۇ ياكى تۈركىيىگە چىقىپ تۈرك تىلى ئۆگەنگەچ ( مەن ئىستانبۇل ئۇنىۋېرستېتى تىل كۇرسىدىن چاقىرىق ئەكەلدۈرگەن ) شۇ مەزگىلدە تۇرۇپ ئالىي مەكتەپتە ئىلتىماس قىلسام ئەۋزەلرەكمۇ ؟ ناۋادا شۇنداق بولسا ئەڭ كىچىككەندە قانچىنچى ئايدىن بۇرۇن تىزىملىتىپ بولۇشۇم كېرەك ؟ تەپسىلىي چۈشەنچە بەرگەن بولساڭلار . رەھمەت !
Assalamu alaykum agar toluk ottura bolamda ixkilip toluksiznigkidin baxka diploma yoklanig , turkiyada okux pursiti yokma ozhirajiti bilan bolamdu ixkilip ulaga pursat yokma?
ئەسسالامۇ-ئەلەيكۇم قىرىنداشلار!مەن 2007-يىلى تولۇق كۇرۇسنى پۈتتۈرگەن.تۈركىيەدە ئاسپىرانتلىقتا ئوقۇي دىگەن،ئوقۇش مۇكاپاتىغا ئىلتىماس قىلاي دىسەم يېشم چۇشمەيدىكەن،شۇڭائۆز خىراجىتىم بىلەن ئوقۇي دىگەن .سورايدىغان مەسلەھەتېم:
1.ئاۋۋال تۈركىيەدە بىر يىل تىل ئۆگېنىپ ،ئاندىن ئىمتھانغا قاتنىشپ مەكتەپ ئىلتېماس قىلامدۇق؟
2.ئسلام دىنغا ئائىت كەسىپلەردە ئوقۇي دىگەن،ئۆزۈم ئىلېكتىر ئاپتۇماتلاشتۇرۇش كەسپىدە ئوقوغان،دىنغا ئائىت كەسىپلەرگە ئىلتىماس قىلسام تالىنىشىم تەس بولارمۇ؟ ئەگەرتاللىنىپ قالسام ئوقۇشتا قىينىلىپ قالارمەنمۇ؟(بەزى تورداشلىرمىز دىننى كەسىپلەردە ئاسپىرانتلىقتا ئوقۇش بەك تەس دەپتۇ).
3.ئۆز خىراجىتى بىلەن ئوقوغانلارنىڭمۇ كىيىنچە ئوقۇش مۇكاپاتىغا ئىرىشىش ئىمكانىتى بارمۇ؟
مۇشۇ توغۇرسىدا مەسلەھەت بەرسەڭلار! ئاللاھ ئەجرىڭلارنى بەرسۇن!
ئەسسالامۇ ئەلەيكۇم باشقۇرغۇچىلار ~
ھارمىغايسىلە ~~~
مەن ماتىريالىمنى يوللىۋەتكەنتىم ، تاپشۇرۇپ ئالغانسىلەمۇ ؟
Abdukerim – MS
ئەسسىلامۇ ئەلەيكۇم قېرىنداشلا مەن ھازىر ئالىي مەكتەپنىك بىرىبچى يىللىقدا ئۇقۇيمەن مەن تىزىملىتالايمەنمۇ
ئەسسالامۇ ئەلەيكۇم بىز ئۈچۈن خالىسانە ياردەم قىلىۋاتقان ئۇيغۇر ئوقۇغۇچىلار ئىشخانىسىدىكى قېرىنداشلار؟ مەن تۈركىيە ئوقۇش مۇكاپاتى ئۈچۈن تىزىملاتقان ئىدىم. بۇ خېتىڭلارنى كۆرۈپ سىلەردىن ياردەم سوراپ سىلەرگە ماتىرىيالىمنى ئەۋەتكەن ئىدىم . خېلى بولدى جاۋاپ كەلمىدى. ماتىرىياللىرىمنى بىر كۆرۈپ قايسى مەكـتەپكە ئىلتىماس قىلىش توغرىسىدا مەسلىھەت بەرگەن بولساڭلار.
مەن بۇيىل تولۇق ئوتتۇرىنىڭ ئىككىنچى يىللىقىدا ئوقۇۋاتىمەن، مىنىڭمۇ تۈركىيەدە ئوقۇش ئارزۇيۇم بار. سىلەردىن سوراپ باقسام، مەنمۇ ئوقۇشقا ئىلتىماس قىلسام بولامدۇ؟ ئەگەر ئۆز خىراجىتىم بىلەن ئوقۇماقچى بولسام يىلىغا قانچىلىك پۇل كىتەر.
ئەسسالامۇ ئەلەيكۇم!
ھۆرمەتلىك ئۇيغۇر ئوقۇغۇچىلار كومتېتىدىكى خادىملار:
ئالدى بىلەن تېنىڭىزلارنىڭ سالامەت، تۇرمۇشىڭىزلارنىڭكۆڭۈللۈك، خىزمىتىڭىزلارنىڭ ئوڭۇشلۇق بولىشىنىى چىن دىلىمدىن ئۈمىد قىلىمەن ۋە ئۇلۇغ ئاللاھ دىن تىلەيمەن. مەنمۇ مۇناسىۋەتلىك ماتىرياللىرمنى ئەۋەتتىم ، مالال كۆرمەي كۆرۈپ مەسلىھەت بەرگەيسىزلەر! قوشۇمچە بىر قانچە سۇئاللىرىم بار ئىدى:
1. ماسترلىقتا ئوقۇشتا ياش چەكلىمىسى بارمۇ؟(مەن ۋەتەندە ماستېرلىقىنى تاماملاپ بولغان، تۈركىيەدە باشقا كەسىپتە ماسترلىقتا ئوقۇماقچى ئىدىم)
2. ماستېرلىقتا ئوقۇش پۇرسىتىنى مۇناسىۋەتلىك مەكتەپتىكى يېتەكچى ئوقۇتقۇچىلار بىلەن ئالاقە قىلساقمۇ بۇلامدۇ؟
3. بەزى مەكتەپلەر تەلەپ قىلىغان مۇناسىۋەتلىك ئېنگىلىز تىلى كېنىشكىلىرنى تۈركىيەگە بېرىپ تىلى ئۆگۈنىش جەريانىدا تۇلۇقلىساق بولامدۇ؟
چەتئەلدە ئوقۇش ئىستىكى بىلەن مۇناسىۋەتلىك ماتىرياللارنى تەييارلاپ سىزلەرگە يوللاپ بەردىم، مومكىن بولسا بىر كۆرۈپ قىممەتلىك تەكلىپ پىكىر بېرىشىڭىزلارنى چىن دىلىمدىن ئۈمىد قىلىمەن.
دىلىمدىى ئۈمىد قىلىمەن.
ئۆز خىراجىتى بىلەن ئوقۇيدىغان مەكتەپلەر ئاسپىرانتلىققا تىزىملاشنى قاچان باشلايدۇ ؟چىققانلىرىنى بۇيەگە چىقىرىپ قويساڭلا بوپتىكەن ،رەھمەت.
ئەسسالاممۇ ئەلەيكۇم، ئۇيغۇر ئوقۇغۇچى ئىشلىرى كومتېتىدىكى قېرىنداشلار :
اللاتىن تۆككەن ئەجرىڭلارغا ساۋاپ تىلەيمەن، ھەممىڭلارغا كۆپ تەشەككۈر…
ھەممە سوئال جاۋاپنى كۆرۈپ تۆۋەندىكى بىر قانچە نۇقتىدا سىلەرنىڭ جاۋابىڭلارغا ئىھتىياجىم چۈشۈپ قالدى، ياردىمىڭىزلارنى ئايىمىغايسىلەر .
مەن ئىككى يىل بۇرۇن مەخسۇس كۇرۇستىكى كەسپىمنى (كومپىيوتېر ئۈچۇر تېخنىكىسى) ياخشى نەتىجە بىلەن پۈتتۈرۈپ شېركەتتە تېخنىك بولۇپ ئىشلەپ كېلىۋاتىمەن Cisco CCNA تور ئېنژىنىرلىق كېنىشكا بار. (خەنچە كۇرۇستا ئۆزلىكىمدىن ئۈگەنگەن، ئىنگىلىزچە سەۋىيەم يوق دىيەرلىك). تۈركىيەگە چىقىپ بىلىم ئاشۇرۇپ ئوقۇش ئىستىكىم كۈچلۈك، پاسپورت بار.
1. شەخسى مەكتەپلەردە مەخسۇس كۇرۇستىن ماگىستىرلىق ئىمتاھانىغا تاللانغىلى بولامدۇ؟ تاللىنىش نىسبىتى قانچە؟
2. ئۆز خىراجىتى بىلەن ئوقۇيدىغان چەتئەللىك ئوقۇغۇچىلار مائارىپ سىستېمىسىدىن كۆرسىتىپ بەرگەن كەسىپ تۈرى بويىچە ئوقۇغۇچى قوبۇل قىلامدۇ؟ ۋە ياكى ئۇنۋېرىستىتلارنىڭ ئۆز ئالدىغا ھەممە كەسىپتىن ئوقۇغۇچى قوبۇل قىلالامدۇ؟ (تور تېخنىكىسى ياكى سىمسىز تور ئالاقىسى دېگەن كەسىپلەر ئوقۇش ئارزۇيۇم بار ئىدى.)
ۋەئەلەيكۇم ئەسسالام،
مەيلى شەخسى مەكتەپ بولسۇن ياكى دۆلەت ئىگىلىكىدىكى مەتەپەلەر بولسۇن، ئاسپىرانتلىقاتا ئوقۇش ئۈچۈن، چوقۇم تولۇك كۇرۇسنى تاماملىغان دىپلوم بولىشى كېرەك. مەخسۇس كۇرۇس دىپلۇمى بىلەن ئاسپىرانت ئوقۇشىغا كېرەلمەيسىز.
ئاسپىرانت ۋە دوكتور ئوقۇغۇچىلار سانىنى، ئاساسەن ئالى مەكتەپلەر ئۆزلىرى بەلگىلەيدۇ.
يۇقۇرىدا خاتا يېزىپتىمەن، مەخسۇس كۇرۇستىن ئاسپىرانتلىققا دەپ يازماقچى ئىدىم. (ئۇچۇر تەھرىرلەش ئىقتىدارى يوقكەن)