ئالىي خەلق سوت مەھكىمىسى، ئالىي خەلق تەپتىش مەھكىمىسى، ج خ مىنىستىرلىقى، ئەدلىيە مىنىستىرلىقى 4-مارت «ئائىلە زۇلۇمى جىنايى دېلولىرىنى قانۇن بويىچە بېجىرىش توغرىسىدىكى پىكىر»نى ئېلان قىلدى.

    «پىكىر»دە، جىددىي قۇتقۇزۇش زۆرۈر بولغان زىيانكەشلىككە ئۇچىرىغۇچىنى دەرھال دوختۇرخانىغا ئاپىرىپ قۇتقۇزۇش، داۋالاش؛ ۋاقىتلىق ئورۇنلاشتۇرۇش زۆرۈر بولغان زىيانكەشلىككە ئۇچرىغۇچى ۋە قۇرامىغا يەتمىگەنلەرنى مۇۋاپىق ئورۇنلاشتۇرۇش؛ زىيانكەشلىككە ئۇچرىغۇچىغا قانۇن ياردىمى بېرىش سالمىقىنى زورايتىش، خورلاش جىنايىتى بىلەن تاشلىۋېتىش جىنايىتىنى ئېنىق بېكىتىش؛ كەڭچىلىك بىلەن قاتتىق جازالاشنى ئېنىق ئايرىپ، جازا ئۆلچىگەندە جىنايەت خاراكتېرى بىر قەدەر يېنىكرەك ۋە پۇشايمان قىلىش ئىپادىسى ياخشى بولغان ھەمدە زىيانكەشلىككە ئۇچرىغۇچىنىڭ كەچۈرۈمىگە ئېرىشكەن جاۋابكارلارغا يېنىكلىتىپ جازا بېرىش ئوتتۇرىغا قويۇلدى.