تارىم تور بېكىتى

 ئۆلۈم رەزىل ئەمەس،ماشىنا رەزىل

د.خ.لاۋرېنىس (1885-1930) {ئەنگىلىيە}

پەقەت ئىنسان،سۆيۈش ھەم ماجىرادىن خالىي
ئالغا باسالىدى، ئازماستىن زىنھار
ماڭدى ئۆزلۈكنىڭ ئوقىنى بويلاپ
گاڭگىراپ قالمىدى،ئاداشماي ماڭدى
دوزاخنىڭ مىھرى ھەق،كۈل رەڭ،بەتبەشرە
بىغۇبار،ساپ تۈستە تۇردى ئايلىنىپ
دوزاخ مىھرى كۈل رەڭ،كۆرمىگەن دانتى
بىراق،ئۇنىڭ جىسمىدا ئازراق بار ئىدى.
بىل ئۆزۈڭنى ، چۈشەن ئاددىي ئىنسانلىقىڭنى
بىل لېكىن،ئىنكار قىل ئاددىيلىقىڭنى:
مۇجەسسىمى سۆيۈش بىلەن ماجىرانىڭ
تۇتۇشۇپ ئوت ئالغان يامغۇرنىڭ ئوقى
توۋلاۋاتقان قان تۈۋرۈكى

تىكەنلىك ھەم مىس رەڭ ئەتىرگۈل شېخى
ھۆكۈم بىلەن ئىنكارنىڭ ئارىلاشمىسى
مۇھەببەت ھەم نەپرەتنىڭ ھەسەن-ھۈسەنى
كېلىپ-كېتىپ تۇرغان بىر ئوچۇم شامال
گۈزەل جىملىق مەھسۇلى ئېقىن كەبىي
توقۇنۇشنىڭ مەھسۇلى شارقىراتمىدەك
بىل ئۆزۈڭنى ،ئىنكار قىل بارچە-بارچىنى.

بويلا يىرگىنچىلىك ئۆزلۈك ئوقۇڭنى
كۈل رەڭ داشقاللارنى گاڭگىراپ يۈرگەن
ئاشۇ ماشىنىلارنى قۇرۇق،ئەرزىمەس
شۇ رەزىل دۇنيانىڭ قاپ مەركىزىنى .

ئابدۇقادىر جالالىدىن تەرجىمىسى،«ئۆلۈم رەزىل ئەمەس»ناملىق كىتاپتىن ئېلىندى.