يازدا ھاۋا نىسبەتەن قۇرغاق بولغاچقا، نەپەس يولىنىڭ كېسەلگە قارشى تۇرۇش كۈچى ئاسانلا تۆۋەنلەپ كېتىدۇ. شۇڭا، سوزۇلما خاراكتېرلىك كاناي ياللۇغى بارلار كېسەل قوزغىلىشنىڭ ئالدىنى ئېلىش تەدبىرلىرىنى قوللىنىپ، ئۆزىنى ئاسراشقا ئەھمىيەت بېرىش لازىم. ئادەتتە، ئەتىگەن ۋە كەچتە كاناي ياللۇغى بارلاردا بەلغەم كۆپىيىدۇ. بۇنداق ئەھۋال كۆرۈلگەندە دوختۇرنىڭ كۆرسەتمىسى بويىچە، ياللۇغلىنىشنى كونترول قىلىپ، ئانتىبىئوتىك دورىلارنى ئىچىش لازىم. ياشانغانلارنىڭ تېنى ئاجىز، يۆتەل ئارقىلىق بەلغەمنى چىقىرالمايدۇ بۇنداق كېسەللەرگە نىسبەتەن بەلغەم چىقىرىشنى ئاساس قىلىش، بىراق كۈچلۈك تىنچلاندۇرۇش دورىسى ئىچمەسلىك كېرەك. بولمىسا مەركىزىي نېرۋا سىستېمىسى تورمۇزلىنىپ، ياللۇغ ئېغىرلىشىپ كېتىدۇ.
كېسىلى ئېغىر بولغانلارنىڭ مەيدىسى ۋە دۈمبىسىنى يىنىك ئۇۋىلاپ بەرسە بەلغەمنى چىقىرىۋېتىشكە ياردىمى بولىدۇ. ئۆينى پاكىزە تۇتۇش، ھاۋا ئالماشتۇرۇپ تۇرۇش، چاڭ - توزانلىق مۇھىتتا تۇرماسلىق، تاماكا چەكمەسلىك، ئۇنىڭدىن باشقا، ھەر كۈنى سەھەردە سوغۇق سۇدا يۈزىنى يۇيۇش، ئۇخلاشتىن بۇرۇن تاپان ۋە ئالقاننى ئۇۋۇلاش لازىم.
ھاۋا ئۆزگەرگەندە قېلىنراق كىيىنىپ، زۇكامنىڭ ئالدىنى ئېلىش، ئەگەر نەپەس قىيىنلىشىش، كالپۇك، تىرناق كۆكىرىش، پۇت ئىششىش، ئۇيقۇسىزلىق ئالامەتلىرى كۆرۈلسە، دەرھال دوختۇرغا كۆرۈنۈش كېرەك.(مۇتەللىپ ياقۇپ)