Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

سىزنىڭچە  ھاياتىڭىزدىكى ئەڭ ياخشى ياش باسقۇچى قايسى؟
 پروگرامما رىياسەتچىسى بۇ سوئالنى ھەرخىل ياش باسقۇچىدىكى كىشىلەردىن سورىغاندا :
  بىر كىچىك قىزچاق :« ئىككى ئايلىق مەزگىلنى ئەڭ ياخشى كۆرىمەن. چۈنكى بۇ مەزگىلدە سىزنى ئاتا- ئانىڭىز كۆتۈرۈپلا باقىدۇ، ناھايىتى كۆپ ئادەملەرنىڭ كۆيۈنىشى بىلەن ئېتىبارىغا ئېرىشىسىز.»دېگەن.
 بىر كىچىك ئوغۇل بالا :« ئۈچ ياش ئەڭ ياخشى مەزگىل.چۈنكى بۇ ياشتا بالىلر باغچىسىغا بارىدۇ،ھەر خىل ئويۇنچۇقلارنى ئوينايدۇ، قىلىمەن دېگىنىنى قىلالايدۇ.»دېگەن.
  بىر ئۆسمۇر بالا :«18 ياش .بۇ باسقۇچتا ئوتتۇرا مەكتەپنى پۈتتۈرۈپ ماشىنا ھەيدەششنى ئۆگىنىپ ،بارماقچى بولغان ھەر قانداق جايغا بىمالال بارغىلى بولىدۇ.»دەپ جاۋاب بەرگەن.
 43 ياشلىق بىر ئەر : « 25 ياش .بۇ مەزگىلدە ئادەمدە ئالغا ئىنتىلىدىغان غايەت زور كۈچ ئۇرغۇپ تۇرىدۇ. مەن ھازىر ئاجىزلاپ قالدىم،ئېگىزرەك داۋانلارغا چىقالمايمەن. 15 يېشىمدا كېچىچە ئۇخلىمىساممۇ  ھېچنېمە بولمايتتىم. ھازىر سائەت توققۇز بولا- بولمايلا ئۇيقۇغا كېتىمەن.» دېگەن.
 ئۈچ ياشلىق بىر قىزچاق :« ئەڭ ياخشى ياش باسقۇچى 29 ياش. چۈنكى سىز بۇ مەزگىلدە بىمالال سوزۇلۇپ ياتالايسىز .نېمە ئىش قىلغۇڭىز كەلسە شۇنى قىلالايسىز » دېگەن. رىياسەتچى ئۇ قىزچاقتىن:«ئاپىڭىز قانچە ياشقا كىردى؟» دەپ سورىغاندا ، ئۇ «29 ياشقا » دەپ جاۋاب بەرگەن.
  بەزى كىشىلەر :40 ياش ئىنساننىڭ ئەڭ ياخشى مەزگىلى. چۈنكى بۇ مەزگىلدە ئادەمنىڭ ئەقىل- پاراسىتى بىلەن كۈچ -قۇۋۋىتى تولۇق يېتىلىدۇ، دېيىشكەن.
  45 ياشلىق بىر خانىم :«بالا تەربىيىلەشتىكى ۋەزىپىمىزنى ئورۇنداپ بولدۇق. ئەمدى نەۋرىمىزنىڭ تاتلىق قىلىقلىرىدىن ھوزۇرلىنىدىغان ۋاقتىمىز كەلدى »دېگەن.
  بىر ئەر :«65 ياش ئىنساننىڭ ئەڭ ياخشى ياش باسقۇچى. چۈنكى بۇ باسقۇچتا پىنسىيە تۇرمۇشىدىن  بەھرىلەنگىلى بولىدۇ»دېگەن. ئاخىرىدا بۇ سوئال ياشانغان بىر ئايالدىن سورالغاندا ، ئۇ :« ھەر بىر ياش باسقۇچى سىز ئۈچۈن ئىنتايىن مۇھىم.شۇڭا سىز ھازىقى ياش باسقۇچىڭىزنى قەدىرلەشنى ئۆگىنىۋېلىشىڭىز كېرەك » دەپ جاۋا ب بەرگەن.

سالام ئۈرۈمچى ئونۋىرسال توربېكىتى