Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

ئۆمەرجان  مۇھەممەدئىمىن 1974=-يىلى 1-ئاينىڭ 30- كۈنى غۇلجا شەھىرىنىڭ توغراق يېزىسىدا دېھقان ئائىلىسىدە تۇغۇلغان . باشلانغۇچ ۋە تولۇقسىز ئوتتۇرا مەكتەپنى ئۆز يېزىسىدا ئوقۇغان. 1992-يىلى سابىق ئىلى ۋىلايەتلىك 2- دارىلمۇئەللىمىن مەكتىپىنىڭ ئومۇمىي پەن سىنىپىنى پۇتتۇرۇپ، شۇ يىلى 9-ئايدىن  1998-يىلى 5- ئايغىچە توغراق يېزىلىق مەركىزى باشلانغۇچ مەكتەپتە ئوقۇتقۇچىلىق بىلەن شۇغۇللانغان .( بۇ جەرياندا 1995-يىلىدىن 1997- يىلىغىچە شىنجاڭ مائارىپ ئىنىستوتىدا ئۇيغۇر تىل ئەدەبىياتى كەسپىدە مەخسۇس كۇرس بويىچە بىلىم ئاشۇرغان).1998-يىلى 5-ئايدىن 2004-يىلى 9- ئايغىچە غۇلجا شەھەرلىك ئوقۇتۇش –تەتقىيقات،تەربىيىلەش مەركىزىدە باشلانغۇچ مەكتەپ تىل ئەدەبىيات تەتقىقاتچىسى بولۇپ ئىشلىگەن. (بۇ جەرياندا 2000- يىلى ئۇيغۇر تىلى ئەدەبىياتى كەسپىدە    ئۆزلىكىدىن ئۆگىنىپ تولۇق كۇرس مەلۇماتىغا ئىگە بولغان ).
2004-يىلى 9- ئايدىن 2011- يىلى 8- ئايغىچە غۇلجا شەھەرلىك ئايخان ئانا باشلانغۇچ مەكتىپىدە مەكتەپ مۇدىرىلىق ۋەزىپىنى ئۆتىگەن. بۇجەرياندا مەكتەپ نامىنى ئەسلىگە كەلتۈرۈش، مەكتەپنى كېڭەيتىپ قۇرۇش، ئوقۇتۇش شارائىتىنى ياخشىلاش ، ئوقۇتۇش سۈپىتىنى يۇقۇرى كۆتۈرۈش جەھەتتىكى خىزمەتلىرى كۆرىنەرلىك بولغان. 2011-يىلى 9- ئايدىن باشلاپ غۇلجا شەھەرلىك 3- باشلانغۇچ مەكتەپتە مەكتەپ مۇدىرى بولۇپ ئىشلەپ كەلمەكتە.
ئۆمەرجان مۇھەممەدئىمىننىڭ 1995- يىلىدىن باشلاپ ئىجاىيەتكە قەدەم قويان بولۇپ  ، ئۇنىڭ بىر قىسىم شېئېر ۋە ئىلمىي ماقالىلىرى «ئۇرۇمچى كەچلىك گېزىتى »،«ئىلى كەچلىك گېزىتى» قاتارلىق مەتبۇئاتلاردا ئېلان قىلىنغان. ئۇ تۈزگەن باشلانغۇچ ۋە تولۇقسىز ئوتتۇرا مەكتەپلەرنىڭ ئەدەبىيات دەرسلىكى يانداشما مەشق ماتىرىياللىرى«شىنجاڭ مائارىپ نەشرىياتى» تەرىپىدىن نەشىر قىلىنىپ ، ئوتتۇرا باشلانغۇچ مەكتەپلەردە ئىشلىتىلمەكتە.