Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

ئامېرىكىنىڭ مالىيە تارماقلىرىنىڭ ژورنىلى ھېسابلىنىدىغان فوربس (Forbes) بۇ قېتىمقى سانىدا 2011- يىلىنىڭ مىليارتنېرلار تىزىملىكىنى ئاشكارىلىدى.   
بۇ تىزىملىكتە ئەڭ كۆپ مىليارتنېرى بولغان دۆلەت ئامېرىكا بولۇپ، ئۆتكەن يىلى ئامېرىكىدا 403 مېليارتنېر بار بولۇپ، بۇ يىل بۇ سان 413 كە يۇقىرىلىغان. بۇ تىزىملىكتە ئامېرىكىدىن كېيىن برازىلىيە، رۇسيە، ھىندىستان، جوڭگۇ ۋە تۈركىيە قاتارلىق دۆلەتلەر يەر ئالغان.  
ئۆتكەن يىلى، برازىلىيىنىڭ 18 مىليارتنېرى بولۇپ بۇ يىلقى مىليارتنېر سانى 30 غا يەتكەن، رۇسيەنىڭ ئۆتكەن يىلى 62 مىليارتنېرى بولۇپ بۇيىل بۇ سان 101 گە يۇقىرىلىغان، جوڭگۇنىڭ ئۆتكەن يىلى 69 مېليارتنېرى بولۇپ بۇيىل 115 كە يەتكەن، ھىندىستاننىڭ ئۆتكەن يىلى 49 مىليارتنېرى بولۇپ بۇ يىل 55 كە يەتكەن، تۈركىيىنىڭ ئۆتكەن يىلى 28 مىليارتنېرى بولۇپ، بۇ يىلقى مىليارتنېر سانى 39 ئىكەن. بۇ دۆلەتلەردىكى مىليارتنېرلارنىڭ ئومۇمى سانى 340 بولۇپ، ئامېرىكىدىن ئاز ئىكەن.  
فوربس ژۇرنىلى، ھىندىستاندىكى 55 مىليارتنېرنىڭ بايلىقىنىڭ ئوتتۇرىچە تارقىلىشىنىڭ 4.5 مىليارت دوللار، جوڭگۇدىكى 115 مىليارتنېرنىڭ بايلىقىنىڭ ئوتتۇرىچە تارقىلىشىنىڭ 2.5 مىليارت دوللار ئىكەنلىكىنى، ھىندىستان مىليارتنېرلىرىنىڭ بەكرەك باي ئىكەنلىكىنى ئوتتۇرىغا قويغان.