ئەرسىز ئۆتكەن كۈنلىرىم (پوۋىست )

سۇپىرقىز

مېھرىيە يوللىغان ۋاقتى  2015-3-31 11:04
تۈنۈگۈندىن زۇكام ، مىجەزىم يوقلا يېزىپ تەھرىرلىمەيلا  ...

ئەگەر ئەسەرلىرىڭىز پۈتكەندىن كىيىن تۈزۈتۈشنى ئويلىسىڭىز مۇنبەردە تەھرىرلىۋەتسىڭىزلا بولىدۇ ، بىز ھازىرچە ‹‹ سۆزلىگۈچىدە ئەيىب يوق ، ئاڭلىغۇچىدا ›› دەپ تۇرىمىز دە

ئەزىزىم

ئوماق ئاچا.مۇشۇ ئىككىسىنى بىر مۇرادىغا يەتكۈزىڭە جۇمۇ؟

تۇمارىس

مومسى  جان ئوزدىغان ئوخشامامدۇ  بۇ قىزنى قانداق تەقدىر كۇتۋاتقاندۇ داۋامنى  بەك  ساقلاپ كەتمەيلۇق .
كوزۇم  تۇت بولوپ كىتدىكەن  ھى  ھى  ئىلھامڭىز تىخمۇ مۇل بولسۇن .

مېھرىيە

تۇمارىس يوللىغان ۋاقتى  2015-4-3 00:41
مومسى  جان ئوزدىغان ئوخشامامدۇ  بۇ قىزنى قانداق تەقدىر  ...

تېمامنى ئىز قوغلاپ ئوقۇپ كېلىۋاتىسىز جانىم . رەھمەت سىزگە .
ئىككى كۈندىن بېرى ئىشلىرىم سەل ئالدىراش بۇلۇپ قالدى ، شۇڭا ۋاقتىدا يازالمىدىم . كۆپچىلىكتىن ئەپۇ سورايمەن .

مېھرىيە

— بوۋا مومام ئۇ ،—دېيەلىدىم ئارانلا . مەمەت بوۋامنىڭ كەينىدىن سارىخان موماممۇ چاپىنىنىڭ بىر يېڭىنى كىيىشكە ئۈلگۈرمەيلا يۈگۈرۈپ چىقتى . ئۇلار مەندىكى ئالاقزادىلىكنى كۆرۈپ ، كۆڭلى بىر ئىشنى تۇيدى بولغاي ، نېمە ئىش بولغىنىنى سورىمايلا ھويلىمىزغا يۈگۈردى . بىز ئۆيگە كىرسەك مومام يەنە قان قۇسۇۋاتاتتى . سارىخان مومام يۈگۈرۈپ بېرىپ مومامنى يۆلەپ ئولتۇرغۇزدى . مەن مومامغا قاراپ بۇقۇلداپ يىغلىۋەتتىم . مومامنىڭ نۇر -زىيا يېغىپ تۇرىدىغان پەرىشتە سۈپەت چىرايى ئەمدىلىكتە كۈيۈپ كۈل بولغان قاھشال دەرەخدەك قاپ-قارا بۇلۇپ ، ئۆچۈپ قالايلا دەپ قالغان ، شامدەك پىلدىرلاپ تۇرغان نۇرسىز كۆزلىرى نېمىگىدۇر ئىنتىلگەندەك ئۇياق -بۇياققا قارايتتى .قۇرۇپ كەتكەن لەۋلىرى جانسىز مىدىرلاپ نېمىنىدۇ پىچىرلايتتى .
سارىخان مومام ئېڭىشىپ تۇرۇپ قۇلىقىنى مومامنىڭ ئېغىزىغا يېقىن ئەپكېلىپ تىترەپ چىقىۋاتقان جانسىز ئاۋازغا قۇلاق سالدى ، ۋە مېنىمۇ يىقىن كېلىڭ دېدى . مەن مومامنىڭ قاداق بېسىپ كەتكەن ياداڭغۇ
قوللىرىنى چىڭ تۇتقاچ قۇلىقىمنى يىقىن قىلىپ مومامنىڭ پىچىرلاشلىغا قۇلاق سالدىم .
— گۈزەلئاينى سىلەرگە تاپشۇردۇم سارىخان ،  ئۇنىڭغا ئاتىدارچىلىك قىلىپ قۇيغان بولساڭلار ،—دېدى مومام تولىمۇ تەستە تىترەپ تۇرۇپ .
—خاتىرجەم بولسىلا ، گۈزەلئاي ئۆز قىزىمىزدەكلا تۇرسا ، ھەرگىز ئەنسىرمىسىلە گۈلئايىمخان ،—دېدى سارىخان مومام كۆزلىرىگە ياش ئەگىتىپ . مەن مومامنىڭ بۇ سۆزلىرىگە چىداپ تۇرالماي ؛
—موما ، سىز ساقىيىپ كېتىسىز ، مېنى يالغۇز تاشلاپ كەتمەيسىز موما ،—دەپ مومامغا ئېسىلىپ ئۈنلەپ يىغلاپ كەتتىم . مومام يەنە بىر نىمىلەرنى دەپ پىچىرلىدى ، ئەمما ئاۋازى بارغانچە پەسلەپ ئېنىق ئاڭلانغىلى بولمىدى . شۇ تاپتا مەن ئادەملەرنىڭ ھامان بىر ئۆمۈر ئارمان ، ئىستەكلەر قاينىمىدا ياشايدىغانلىقىنى ، ئۆلۈمنىڭ زادى نېمىدىن دېرەك بېرىدىغانلىقىنى ھەقىقىي چۈشۈنىپ يەتتىم .
مومام كۆزلىرىنى يوغان ئاچقان ھالدا ماڭا بىر قارىغىنىچە جىم بۇلۇپ قالدى  . مەمەت بوۋام ئالدىراپ كىلىپ ، مومامنىڭ بېشىدا ئولتۇرۇپ قىرائەت قىلىشقا باشلىدى . سارىخان موماممۇ ماڭا ئېسىلىپ يىغلاپ كەتتى . دېمەك مومام جان ئۈزگەن ئېدى . 16 يېشىدا پاك مۇھەببىتى ئۈچۈن ئۆيىدىن چىقىپ كەتكەنچە 70يىللىق ھاياتىدا نۇرغۇن جەۋرى -جاپالارنى چەككەن ، ئەمما قىلچىمۇ ۋايسىماي ھاياتقا رازىمەنلىك بىلەن  قاراپ كىلىۋاتقان بىچارە مومام مانا ئەمدى تىنىمسىز تېپىرلاشلارنىڭ ، ھارغىنلىقنىڭ خاتىمىسى ، ھاياتلىقنىڭ مەڭگۈلۈك ئارامگاھى بولغان ئۆلۈم يولىغا قاراپ ماڭغان ئېدى . گەرچە تۇغۇلۇش ،ئۆلۈش ھاياتلىقنىڭ مەڭگۈلۈك ئۆزگەرمەس قانۇنى بولسىمۇ ، ئەمما بۇنىڭغا بەرداشلىق بېرىشكە ئادەم چىدىمايدىكەن . مومامنىڭ قېتىپ قالغان مۇزدەك يۈزلىرىگە يۈزۈمنى يىقىپ قانچىلىك ياتقىنىمنى بىلمەيمەن ، ئىچ -ئىچىمدىن چىقىۋاتقان پىغانلىق ياشلىرىم موماننىڭ مۇزدەك يۈزلىرىنى بويلاپ ئاقاتتى . سارىخان مومامنىڭ مېنى تارتىشلىرىغىمۇ بوي بەرمەيتتىم . ھەسرەتلىك يىغام  ئۇيقۇغا كەتكەن پۈتۈن مەھەللىنى ئۇيغاتتى بولغاي ، بىردەمدىلا ئوينىڭ ئىچى خۇلۇم -خوشنىلار بىلەن تۇلۇپ كەتتى . ئۇلارنىڭ بىرلىرى ماڭا قاراپ ئىچ ئاغرىتسا ، بىرلىرى مېنى ئەيىپلەپ ‹ بالدۇرراق بىرەسىگە تىگىۋالغان بولسا ، بۇنداق تىكەندەك يالغۇز قالمايتتى › دىيىشىپ كوسورلىشاتتى .

مومامنىڭ ئاخىرەتلىك ئىشلىرىنى مەمەت بوۋام بىلەن سارىخان موماملار شۇنداقلا خۇلۇم خوشنىلار يىغىلىشىپ ياخشى قىلىشىپ بەردى . . مومامنى يەرلىكىگە قۇيۇپ قىرىق كۈنگىچە ، سارىخان مومام مەن بىلەن قۇنۇشۇپ ئۆينىڭ چىرىقىنى ئۆچۈرمىدۇق . مەن بۇ جەرياندا تالا -تۈزىگىمۇ چىقماي ،، بوۋام بىلەن مومامنىڭ سۆرىتىنى قۇچاقلاپلا ئولتاردىم . تولا يىغلاپ كۆز ياشلىرىممۇ قۇرۇپ كەتتى .  ئىليارغا مومامنىڭ تۈگەپ كەتكەنلىك خەۋىرىنى يېزىپ نەچچە رەت خەتلەرنى يازدىميۇ ، پوچتىخانىگە بېرىپ سېلىشقا كۆڭلۈم ئۈنىمىدى . چۈنكى ئۇنىڭ ئىمتىھان مەزگىللىرى بۇلۇپ ، تەتىلگە چىقىشىغا بىر ئايلا ۋاقىت قالغان ئېدى . شۇڭا  پەرەكەندە قىلىشنى خالىمىدىم . مەھەللىدىكى ئېقىپ يۈرگەن گەپلەرنى سارىخان مومام بەزىدە ئانچە - مۇنچە دەپ بېرەتتى .
— گۈزەلئاي قىزىم ، مومىڭىزنىڭ قىرقى نەزىرىدىن كېيىن بىزنىڭ ئۆيگە كۆچۈپلا كىرىڭ . ئۇمۇ ئۆزىڭىزنىڭ ئۆيىدەكلا ئۆي . مەن كۈندۈزى دائىملا سىزگە ھەمرا بۇلۇپ بۇلالمايمەن ، ئۆزىڭىز يالغۇز بۇ ئۆيدە ئەمدى تۇرسىڭىز بولمايدۇ . مومىڭىز سىزنى بىزگە تاپشۇرغان ئىكەن ، بىز ئۇنىڭ ۋەسىيسىگە ئەمەل قىلمىساق بولمايدۇ . بويىغا يېتىپ قالغان قىز بالا ئۆيىدە يالغۇز تۇرسا ، باشقىلار كەينىڭىزدىن گەپ تاپمايدۇ دېگىلى بولمايدۇ . ھازىرمۇ مەھەللىدە سىز ئۈچۈن باش قاتۇرۇپ بۇلىۋاتقان سۆزلەر ئاز ئەمەس ، بىرلىرى بىزگە گەپ ئېيتىپ سىزنى بالدۇرراق ياتلىق قىلىشنى دەپتۇ . مەن ئۇلارغا  ‹ مومىسىنىڭ كىرپىگىگە تېخى توپا قۇنماي تۇرۇپ ، بۇنداق قىلساق بولمايدۇ › دەپلا قويدۇم بالام .
— رەھمەت سارىخان موما ، مېنىڭ ھازىرچە بۇ ئىشلارنى ئويلاشقۇم يوق . سىزلەرگە يۈك بۇلۇپ قالمىساملا بۇلاتتى ؟
— ۋاي نەدىكى گەپنى قىلىسىز قىزىم ، سىزنىڭ ئۇ چىۋەر قوللىرىڭىز بىزنىڭ ئۆيگە كىرسىڭىز مېنى پىنسىيەگە چىقىرۋېتىشتىن يانمايدىغان تۇرسا ، يۈك بۇلۇپ قالامەنمىكىن دەپ ھەرگىز جىق ئويلىماڭ . ئەمما كۆڭلىڭىزدە ئېليارنىڭ بارلىقىنى مەنمۇ بىلىمەن . لېكىن ئۇلارنىڭ ئۆيىدىكىلەر .. .
— بىلىمەن موما ، ئەمما مەن چوقۇم ئىليارنىڭ كىلىشىنى ساقلايمەن
— سىز بۇنداق دەپ تۇرىۋالسىڭىز مەيلى قىزىم . بىزمۇ سىزنى مەجبۇرلىمايمىز . مومىڭىزمۇ ماڭا شۇنداق دەپ تاپىلىغان .   

تۇمارىس

مېھرىيە يوللىغان ۋاقتى  2015-4-3 17:22
تېمامنى ئىز قوغلاپ ئوقۇپ كېلىۋاتىسىز جانىم . رەھمەت س ...

ئىز قوغلاپ ئوقۇغىدەكلا  بەك يتاخشى يىزۋاتسىز ئەمەسمۇ.

تۇمارىس

ئاخىرى قانداق بولدىغاندۇ ...........تازا قىزىپ ئوقۇپكىلۋاتىم..يەنە ساقلايمىزكىن .

قاھىرە

ئاخىرى يەنە يالغۇز قالدى بۇ قىز . يەنە نىمە قىسمەتلەر كۈتۈپ  تۇرىۋاتقاندۇ بۇ قىزنى . بەكلا قىزىقىۋاتىمەن . ئاخىرىنى  ساقلايمىز .

ئەزىزىم

ئەسىرڭىزنى تېز يېزىڭە ھەدە.مەنمۇ بۈگۈن تۈگىتىمەن.

تۇمارىس

يەنە كىردىم ...............يوق شۇ  ئەنە  ..