css بولسا بلوگباس بلوگلىرىنىڭ (بۇيەردە پەقەت بلوگ باس ئۈستىدە گەپ بولۇنغانلىقى ئۈچۈن شۇنداق دىيىلدى) ئاساسى كود قۇرۇلما رايۇنى ھېسابلىنىدۇ ،بلوگلارنىڭ كۆزنى قاماشتۇرىدىغان ئۇسلۇبلىرى دەل مۇشۇ css تا ھۇجۇدقا چىقىدۇ .
ئەگەر سىز مەلۇم بىر بلوگنىڭ ئۇسلۇبىنى ياقتۇرۇپ قالدىڭىز ،بىراق بۇخىل ئۇسلۇبنى قەيەردە تەمىنلەيدىغانلىقىنى بىلمەيسىز ،ئۇنداقتا تۆۋەندىكى ئۇسۇل ئارقىلىق بۇ بلوگنىڭ css ھۆججىتىگە ئېرىشىمىز . ئىرىشكەندىن كېيىن قانداق قىلىمىز ،ئەلۋەتتە بۇنى بلوگ ياساش ھەققىدە مەلۇم ئىزدىنىش تەجرىبىسىگە ئىگە دوستلار بىلىدۇ ،ئەگەر ئۇنداقلاردىن بولمىسىڭىز ئاۋارە بولماڭ ،چۈنكى بۇنىڭ ئارقىسىدا يەنە كۆپ ئىشلار بار..
گەپنىڭ ئۆزىگە كەلسەك ،ئالدى بىلەن شۇ بلوگ ئىچىلغان ھالەتتە ،توركۆرگۈچىمىزنىڭ «قۇرال» ئىستۇنىدىن «تەكشۈرۈش» تېزىملىكىنى سىيرىساق ئاستىدا «ئەسلى ھۆججەت» دېگەن تۈربار .شۇنى چەكسەك مەزكۇر بىلوگنىڭ ھەرقايسى كودلىرى خاتىرە دەپتەردە ئىچىلىدۇ .
قەدەم باسقۇچى تۆۋەندىكى رەسمدە كۆرسىتىلىدى :

ئىككىنچى قەدەمدە ،خاتىرە دەپتەردىكى ئەبجەش كودلارنىڭ ئۈستىگىرەك قارىساق تۆۋەندىكى رەسىمدە كۆك رەڭ بىلەن بوياپ قويۇلغان رايۇندىكىدەك ئادىرىسقا ئىرىشىمىز ، بۇ دەل مۇشۇ بلوگنىڭ css ھۆججىتىنىڭ ئادىرىسىدۇر .

ئۈچىنچى قەدەمدە ،بۇ ئادىرىسنى كۆچۇرۇپ ئېلىپ توركۆرگۈچنىڭ ئادىرىس ئىستۇنىغا چاپلاپ ئېنتېرنى بار كۈچ بىلەن تاققىدە قىلىپ ئۇرىمىز ،بۇ ۋاقىتتا خاتىرە دەپتەردە  cssھۆججىتىنىڭ نەق ئۆزى مانا مەن دەپ ئاشكارە بولىدۇ .

تۆتىنچى قەدەم ،ئەڭ ياخشىسى بۇ قەدەمنى ئۆزىڭىز مېڭىڭ .