ئۇچۇر مۇلازىمىتىنى باشقۇرۇش ئىجازەتنامىسى توغىرىسدا

مەرھابا ، ئەزىز دوستۇم ! باسقان قەدىمىڭىز قۇتلۇق بولسۇن !
12-ئاينىڭ 1-كۈنى، شىنجاڭ ئۇيغۇر ئاپتونوم رايونى 12-نۆۋەتلىك خەلق قۇرۇلتىيى دائىمىي كومىتېتىنىڭ 25-قېتىملىق يىغىنىدا «شىنجاڭ ئۇيغۇر ئاپتونوم رايونىنىڭ توردا ساختا ئۇچۇر تارقىتىش قىلمىشىدىن ساقلىنىش ۋە جازالاش نىزامى» تەستىقتىن ئۆتتى. مەزكۇر نىزام 12-ئاينىڭ 10-كۈنىدىن باشلاپ ئىجرا بولىدۇ.
بۇ نىزامنىڭ 7-ماددىسىدا : تور ئۇچۇر مۇلازىمىتى بىلەن تەمىنلىگۈچىلەر ئالاقە تورى ئۇچۇر مۇلازىمىتى بىلەن تەمىنلەش جەريانىدا، كىم باش بولسا شۇ مەسئۇل بولۇش پىرىنسىپى بويىچە، باشقۇرۇش جەريانىدىكى ئاساسىي مەسئۇلىيەتنى ئۈستىگە ئېلىشى، تور بىخەتەرلىك تېخنىكىسى قوغدىنىش تەدبىرى قوللىنىپ، ئۇچۇر بىخەتەرلىكىگە كاپالەتلىك قىلىشى لازىم. ئەنگە ئېلىنمىغان ياكى تەستىقلانمىغان ئەھۋال ئاستىدا ئالاقە تورى ئۇچۇر مۇلازىمىتى بىلەن تەمىنلەشكە يول قويۇلمايدۇ.
8-ماددىسىدا : ئاپتونوم رايون تەۋەسىدە ئالاقە تور بېكىتى، قوللىنىشچان پىروگرامما، مۇنبەر، بىلوگ، مىكروبىلوگ، شۇئان ئالاقىلىشىش قۇرالى، ئىزدەش موتورى، بىۋاسىتە كۆرسىتىش سۇپىسى ۋە باشقا ئاخبارات-جامائەت پىكىرى ياكى ئىجتىمائىي سەپەرۋەرلىك رولىغا ئىگە قوللىنىشچان دېتاللار، جەمئىيەتتىكى ئاممىغا ئاخبارات ئۇچۇرلىرىنى ئىگىلەپ، تەھرىرلەپ تارقىتىشتا، يۆتكەپ تارقىتىشتا ۋە ئاخبارات ئۇچۇرلىرىنى ئېلان قىلىش سۇپىسى مۇلازىمىتى بىلەن تەمىنلەشتە، ئالاقە تورى ئاخبارات ئۇچۇر مۇلازىمەت ئىجازەتنامىسىنى ئالغان بولۇشى لازىم.
10-ماددىسىدا : ئۇچۇر تور مۇلازىمىتى بىلەن تەمىنلىگۈچى ئۇچۇر تورى ئىشلەتكۈچى ئىنكاس يازىدىغان، سۆز قالدۇرۇدىغان بەتكە ئىنكاس مۇلازىمەت كېلىشىمىنى چىقىرىشى، ئىنكاستا ئۆسەك سۆز تارقىتىشقا، جەمئىيەت تەرتىپىنى قالايمىقان قىلىپ، جەمئىيەت ئامانلىقىغا بۇزغۇنچىلىق قىلىدىغان مەزمۇنلارنى ياكى قانۇن-بەلگىلىمىلەر چەكلىگەن مەزمۇندىكى ئۇچۇرلارنى يوللاشقا بولمايدۇ دەپ ئېنىق ئەسكەرتىشى لازىم. دەپ ئېنىق كۆرسىتىلدى .
بۇ نىزام ئېلان قىلىنغاندىن باشلاپ ئۈندېدار ۋە تۈرلۈك ئالاقە ۋاستىلىرىدا نۇرغۇن تور بېكەتلەرنىڭ بېكەتنى تاقايدىغانلقىنى ئاشكارلىغانلىقى ئۇچۇپ يۈرۈپ ، نۇرغۇن تور بېكەت ئاچقۇچىلار ۋە ئاچماقچى بولىۋاتقانلارنى قىزغىنلىقىغا سۇ سەپكەندەكمۇ بولدى .
ئۇنداقتا ، يۇقىرىقى مۇناسىۋەتلىك ماددىلاردا تىلغا ئېلىنغان «ئالاقە تورى ئاخبارات ئۇچۇر مۇلازىمەت ئىجازەتنامىسى»نېمىنى كۆرسىتىدۇ ؟

بۇ ھەقتىكى بايانلار

ئالاقە تورى ئاخبارات ئۇچۇر مۇلازىمەت كەسپى ئىجازەتنامىسى تور بېكەت ICPباشقۇرۇش ئىجازەتنامىسى ۋە ياكى تور بېكەت ICPئىجازەتنامىسى دەپمۇ ئاتىلىدۇ .
جۇڭخوا خەلق جۇمھۇرىيتى دۆلەت ئىشلىرى كومىتىتىنىڭ (گوۋۇيۇەن)291-نومۇرلۇق پەرمانى «جۇڭخوا خەلق جۇمھۇرىيتىنىڭ تېلگىراف نىزامى»،292-نومۇرلۇق پەرمانى«ئېنتىرنت تورى ئۇچۇر مۇلازىمىتىنى باشقۇرۇش چارىسى» غا ئاساسەن ، دۆلەت ئالاقە تورى ئاخبارات ئۇچۇر مۇلازىمىتى تەمىنلىگۈچىلەرگە ICPباشقۇرۇش تۇزۇمىنى يولغا قويىدۇ . ھەمدە ، ICPكىنىشكىسى تور بېكەت باشقۇرۇش ئىجازەتنامىسى قىلىنىدۇ ، تور بېكەت ئاچقۇچىلار جەزمەن ICPكىنىشكىسى بىجىرىشى كېرەك ، بولمىسا قانۇنسىز تور بېكەت دەپ قارىلىدۇ ؛ دەپ بەلگىلەنگەن . شۇڭلاشقا ،ICPتور بېكەتنى قانۇنلۇق ئېچىشنىڭ ئاساسىي قىلىنىدۇ . ICPئىجازەتنامىسىنى ھەر قايسى جايلاردىكى ئۇچۇر باشقۇرۇش تارماقلىرى تەكشۈرۈپ تارقىتىدۇ .

قانداق بىجىرىمىز ، قەيەردىن بىجىرىمىز؟

تور بېكەت ئېچىش ئۈچۈن ئالدى بىلەن ئىسىم ۋە بوشلۇق بولۇشتىن ئىبارەت شەرتلەرنى ھازىرلاش كېرەك .
ICPبىجىرىش ئۈچۈن دۆلەت ئىچى بوشلۇقى ئېلىش كېرەك . كۆپلىگەن تورداشلار ICP بىجىرىشنى بىر قولايسىز دەپ قاراپ ،ICPكەتمەيدىغان چەتئەل بوشلۇقلىرىنى سېتىۋىلىپ ،ئىسىم ئۇلاپ ، تور بېكەت سېستىمىسىنى قاچىلاپ ، تور بېكەت ئېچىش سەپىرىنى باشلىۋىتىدۇ .

داۋامى بار......