ئامۋاي تۇنۇشتۇرۇلغان تېمىنى ئوقۇپ...

tax1

	مۇنبەرگە خېلى بولغان كىرمىگىلى، بۈگۈن ئازراق ۋاقىت چىقىرىپ قارىسام، خېلى ياخشى تېمىلار يوللىنىپتۇ. ئۇلارنى كۆرۈپ بولۇپ، ئامۋاي تونۇشتۇرۇلغان تېمىنى ئوقۇپ، چۈشكەن ئىنكاسلارغا قاراپ، كۆپ ئويلىنىش قىلدىم. شۇنداقلا بېشىمدىن ئۆتكۈزگەن مۇنداق بىر ئىشنى مۇنبەر ئەھلىگە سۇنماقچى بولدۇم.        بۇنىڭدىن بىر يېرىم يىل بۇرۇن مەنمۇ «ھەسەن﹣ھۈسەن يولى» دىكى «شىنجاڭ كەسپى ئونىۋېرسىتېتى»نىڭ يېنىدىكى ئېگىز بىنادا ئامۋاينىڭ يىغىنىغا قاتناشقان. مېنى بىر خەنزۇ قىزىقتۇرغان. ئاڭلاپ باقاي نېمە دەيدۇ دەپ كىرسەم، ئاۋۋال ئامۋاي مەھسۇلاتلىرىنى بىردەم ماختىدى، ئاندىن بىر فىلىمنى قويۇپ بەردى، ئۇنىڭ ئارقىدىن ئامۋاينى سېتىپ چەتئەلگە ساياھەتكە بارغان ئۇيغۇرلارنىڭ رەسىمىنى كۆرسەتتى. شۇنىڭ بىلەن مەن ئۇ خەنزۇغا «مېلىڭنى قانداق ساتىمەن دېسەم»، ئۇ خەنزۇ ماڭا « ئەگەر سەن ئەزا بولۇشنى خالىساڭ، ماڭا ئەزا بولىسەن، كېيىن ئۆزۈڭ ئەزا تاپىسەن، قانچە ئەزا تاپساڭ، شۇ ئەزالارنىڭ ساتقان مال پۇلىنىڭ ٪10تىنى ساڭا بۆلۈپ بېرىمەن. سەن تاپقان ئەزالارمۇ ئۆزىگە ئەزا قۇبۇل قىلىدۇ، ئۇلار ساتقان مال پۇلىنىڭ ٪10تىنى ئۆزلىرى ئالىدۇ، ساڭا بۇ مال پۇلىدىنمۇ پايدا بۆلۈپ بېرىمەن... سېتىش مانا مۇشۇنداق تەرەققىي قىلىدۇ»(بەلكىم، بۇ خەنزۇ مەندىن جىقراق پايدىلىناي دېگەن بولسا كېرەك)دېگەن ئىدى. مەن بىرنەچچە كۈن ئويلىناي دەپ قويۇپ چىقىپ كەتكەن ئىدىم. شۇنىڭدىن ئۇزاق ۋاقىت ئۆتمەي خەلىقئارا چوڭ بازاردىكى «كەررېفور»تاللا بازىدا كىتاب كۆرۈپ تۇرسام، مەن بىلەن تەڭتۇش كېلىدىغان بىر ئۇيغۇر بالا يېنىمغا كەلدى.(كۆڭلۈمدە يەنە بىردەم لىكسىيە ئاڭلايدىغان بولدۇم دەپ ئويلىدىم.) ئويلىغىنىمدەك، ئۇ بالا يېنىمغا كېلىپ سۇراققا تارتىشقا باشلىدى(ئارىمىزدا بولغان دېئالوگنى ئېسىمدە قالغىنىچە ئوتتۇرىغا قوياي،ھە راست، بۇ ئارىدا سۆھبىتىمىزگە ئامۋاينى ئىشلەتكەن ئاقسۇدىن ئۈرۈمچىگە مەلۇم ئىش بىلەن كەلگەن بىر يېزا باشلىقىمۇ قاتنىشىپ قالدى، ئىسمىنى ئاشكارىلاشقا بولمايدۇ، شۇڭا ئاشكارىلىمىدىم): ئامۋاي ساتقۇچى( ئاستىغا <ئا> دەپ ئېلىنىدۇ): ياخشىمۇ سىز، سىز نېمە ئىش قىلىسىز؟ مەن: خۇداغا شۈكرى، ئوقۇيمەن. ئا: قايسى مەكتەپتە ئوقۇيسىز؟ مەن: شىنجاڭ ئونىۋېرسىتېتىدا ئوقۇيمەن. ئا: نېمە كەسىپتە ئوقۇيسىز؟ قانچە يىل بولدى؟ مەن: قانۇن كەسپىدە ئوقۇيمەن، 4يىل بولدى. ئا: مەكتەپ پۈتكۈزۈپ نېمە قىلاي دەيسىز؟ مەن: بۇلارنى سىزگە دەپ تەستىقلاتمىساممۇ بۇلار. ئا: ئەمدى دەيمەن، ھازىر خىزمەتكە ئورۇنلىشىش تەسلىشىپ كەتتى. مەن: رىقابەت قانچە كەسكىن بولسا ئىلگىرىلەش شۇنچە تىز بولىدۇ. ئا: يەككە ئېگىلىك تىكلەشنى ئويلاشمىدىڭىزمۇ؟ مەن: كەسپىم بىلەن شۇغۇللىنىشنى خالايمەن. ئا: كەسىپتىن سىرت دەيمەن. مەن: كەسىپتىن سىرت سىزچە نېمە ئىش قىلسام بولار؟ ئا: مەن مەكتەپ پۈتكۈزۈپ خىزمەتكە ئورۇنلىشالماي ئامۋاي مەھسۇلاتلىرىنى سېتىۋاتىمەن ، كىرىمىممۇ خېلى ياخشى، سىزمۇ قىلىشنى خالامسىز؟ مەن:تازا خالىمايمەن، قېرىنداشلىرىمنى ئالدىغۇم يوق. ئامۋاي سېتىشقا كاپشىغانچىلىك تىرىشىپ ئۇقۇغان بولسىڭىز خىزمەتمۇ بولۇپ قالار ئىدى. ئا: كىم بىزنى ئالدايدۇ دەيدۇ؟ ئۆزىمىز ساتقان مال پۇلىنىڭ پايدىسىنى ئالىمىز. مەن: يالغان، ئۇنچىلىك پۇل ئالىدىغان ئىش بولسا بۇنچە كاپشىپ كەتمەيتىڭىز. ئا: ئەمىسە قانداق قىلىدىكەنمىز؟ مەن: يۇقىرىدا يازغان، ماڭا خەنزۇ دەپ بەرگەن گەپنى دېدىم. <ئا>  گەپ قىلمىدى. مەن: ئۇيغۇرلارنىڭ ئىچىدە مۇشۇ مالنى ئېلىپ ئىشلىتەلەيدىغان ئادەم قانچىلىك؟ ئا: ٪90دىن يۇقىرى. مەن: يالغان. ئۇيغۇرنىڭ ٪80تىدىن جىق دېھقانلىرى تۇرسا، بىچارە دېھقانلار 3يۈەنگە ئۆزىمىزنىڭ چىش پاستىسىدىن بىرنى ئېلىپ، ئاغزىنى چوتكىلاشقا قىيمايدۇ، چىشى ئاغرىسا تۇز سۈيىدە چايقاپ، نەدىن كەلگەن٪90ئۇيغۇر ئۇ؟ ئامۋاينى سېتىش ئۈچۈن باشقا ئەلدىن ئۇيغۇر كۆچۈرۈپ كەلمىگەنسىلەر؟ ئا: ئۇيغۇرلار سېتىۋالالايدۇ، لېكىن ئالمايدۇ. يېزا باشلىقى: ئۇكام، سەن ئامۋاينى ياخشى تەشۋىق قىلىدىكەنسەن، بوپتۇ ،رىزقىڭنى تېپىپ يە، لېكىن خەلقىڭنى ئالدىماي ھالال يە، مانا مەن ھەر ئايدا نەچچە مىڭ يۈەن مائاش ئالىدىغان ئادەم ئامۋاينىڭ مەھسۇلاتلىرىنى ئىشلىتىپ يېتىشىپ بولالمىدىم. مەن ئامۋاينىڭ <ماي سىرىش مەھسۇلاتى>نى يېگەن. ھازىر ئۆزىمىزنىڭ مەھسۇلاتلىرىنى يەۋاتىمەن. باھاسى ئەرزان. رولىمۇ ھازىر سەن دەۋەتقان ئامۋايدىن قېلىشمايدۇ. ئامۋايدىن بىرنى ئېلىپ يەپ تۇرمۇشتا قىسىلغاندىن، ئۆزىمىزنىڭ مەھسۇلاتلىرىنى، دورىلىرىنى يېسەكمۇ بولىدىكەن. ئۇيغۇرلار سەن دېگەندەك سېتىۋالالايدۇ، ئالمايدۇ، ئەمەس.  سېتىۋالالمايدۇ، شۇڭا ئالمايدۇ. مەن (<ئا>غا  قاراپ): ئۆزىمىزنىڭ مەھسۇلاتلىرىنى تونۇشتۇرۇپ سېتىپ بېقىشنى ئويلاشتىڭىزمۇ؟ ئا: ياق، سۈپىتى ياخشى ئەمەس. مەن: ئۇنداق ئەمەس، سۈپىتى ياخشى، پايدىسى جىق ئەمەس. ئا: ئۆزىمىزنىڭ مەھسۇلاتلىرىنى ئىچكىرى ئۆلكىلەردە ياسىتىپ كېلىپ، قېپىغا ئۈرۈمچىنى يېزىپ قويۇپ ساتىدۇ. بىزنى ئالدايدۇ. مەن: شۇنداقمۇ؟ ئامۋاينى  سىلىنىڭ ھويلىداياسامدۇ؟ بىزنىڭ مەھسۇلاتنى ئىچكىرىدە ياسىغان بىلەن شۇنى ياسايدىغان زاۋۇتتا بىزنىڭ ئۇيغۇرلار بار، ئۇلار شۇ مەھسۇلاتنىڭ ياسىلىشىغا ئىگە بولىدۇ. ( بۇنى مەن ئاتۇشتا <پەخرىم شىركىتى>نىڭ <پەخرىم> ماركىلىق مەھسۇلاتلىرىنى ساتقىلى بارغان شىركەت خادىملىرىدىن ئاڭلىغان) ئۇنىڭدىن باشقا، سۇلتان شىركىتى ئۆزىنىڭ مەھسۇلاتلىرىنى ئۈرۈمچىدە ياسايدۇ. شۇلارنى ساتسىڭىزمۇ بولىدۇ. ئا: ئىشقىلىپ، بىزنىڭ ماللاردا مەسىلە بار. مەن: بىزنىڭ ماللاردا مەسىلە يوق، سىزنىڭ كاللىڭىزدا مەسىلە بار. ئەگەر ئۆزىمىزنىڭ مەھسۇلاتلىرىنى ھەريەر ھەريەردە تونۇشتۇرۇپ ساتساق، شىركەتلىرىمىز تەرەققىي قىلسا، ئۇلارمۇ شىنجاڭدا ئۆزلىرىنىڭ زاۋۇتلىرىنى قۇرۇپ ئانا دىيارىمىزدا مەھسۇلاتلىرىنى ئىشلەپ چىقارسا،  تېخىمۇ خاتىرجەم ئىشلىتەتتۇق. <ئا> گەپ قىلمىدى. يېزا باشلىقى ئۇزاق يىللىق خىزمەت تەجرىبىسىگە ئاساسەن ئۇيغۇر دېھقانلىرىنىڭ تۇرمۇش ئەھۋالىنى چۈشەندۈرۈپ ماڭا ھەم <ئا> غا نەسىھەت قىلدى. < ئا> قىزارغان ھالدا يېنىمىزدىن ئايرىلدى. بۇ دېئالوگ راست بولغان دېئالوگ. مۇنبەرداشلارنىڭ ۋە مۇنبەردىكى ئامۋايچىلارنىڭ ۋە ئامۋاي مەھسۇلاتلىرىنى ئىشلەتكۈچىلەرنىڭ توغرا چۈشىنىشىنى ئۈمىد قىلىمەن.

SORINTO

	ئەجىبا مۇشۇ ئەمۋاي تەشكىلاتىنىڭ شاخلىتىپ سىتىش تەشكىلاتى قاتارىغا كىرەلمىگىنى ئانچە كاللامدىن ئۆتمەيدۇ .

stars0998

	ئەمۋايچىلارنىڭ چاۋىسىنى چىتقا يىيىدىغان رىئاللىق سۆزلىنىدىغان ياخشى تىمىكەن بۇ،

sargarda

	ئەمۋاينىڭ  قانداق  نەرسە  ئىكەنلىكىدىن  تازا  خەۋەرسىزمەن  .  بىر  نەچچىسىنى ئىچكىرىگە   ساياھەتكە  ئاپرىپ  قويسا  بەك  چوڭ  بىلىپ  كېتدىكەن  توۋا ... تېخىمۇ  بەزى  ھەرەمگە  ھەجىگىمۇ  ئاپرارمىش  ...  مانا  ،  بۇ  بىزنىڭ  ھاجىلارنى چوڭ  بىلىش   پىسخىكىمىزدىن  پايدىلانغان  .  گېپىمنى  خاتا  چۈشەنمەڭلار يەنە ! ھەجىگە  بارمايمۇ   ساۋاب  تاپقىلى  بولىدۇ .    مۇشۇ  مۇنبەردە   مىنىمۇ   نەچچىسى  قىزىقتۇرۇپ  ، دوپپامغا  جىگدە  سالماقچى بولغان . ئۇنداق  پارلاق  ئىستىقبالى بار   دەپ  ،  شۇ  ئىشقا  چىقارغا  تېرىشچانلىقنى  ئۆزى مۇستەققىل  بىر  ئىش  قىلىپ  چىقارسا   تېخىمۇ  ياخشى  نەتىجىگە  ئېرىشەلەيدۇ .

sargarda

	SORINTO يوللىغان ۋاقتى  2012-4-29 08:09 PM ئەجىبا مۇشۇ ئەمۋاي تەشكىلاتىنىڭ شاخلىتىپ سىتىش تەشكىل ... ھازىر  جۇڭگۇدا   پۇل  كۈچ  دېمەكتۇر  .   پۇل  بىلەن  نۇرغۇن  قانۇنسىز  ئىشلارنىمۇ  قانۇنلۇق  ،  دۆلەت  سۈپەت  تەكشۈرشىدىن ئۆتكەن .  يېشىل  مەھسۇلات  ،  تەكشۈرۈشنى  كەچۈرۈم  قىلغان  مەھسۇلات  دېگەندەك قىلغىلى  بولىدۇ .

tiwep

	ئەمۋاينى ئالغانلىق _ پۇلنى نىجاسەتكە ئاتقانلىق !   ئەڭ يىڭى تەكشۇرۇش تەتقىقات نەتىجىسىدە كۆرسىتىلىشىچە ، كىشىلەرنىڭ ئۇچ ۋاخ تامىقى ۋە قۇياش نۇرى قاتارلىق ھەرخىل تەبىئى ئورگانىك ماددىلار بەدەننىڭ بىر كۇنلۇك ئىھتىياجىنى قامداش بىلەن بىرگە ، ھۇجەيرىلەرنىڭ ھاياتى كۇچىنى ئاشۇرۇشقا تامامەن يىتىدىكەن .ئۇنىڭدىن باشقا بەدىنىمىزدىكى 60 % كىسەللىك ۋە 40 % ئۆسمە 25 % راك ھۇجەيرىلىلرى ، بەدىنىمىزىنىڭ ئۆزىگە خاس بولغان ئىمۇنىنىت سىستىمىلىرى تەرىپىدىن پىتچىت قىلىنىدىدىكەن . شۇڭا ئەمۋاي قاتارلىق  ئاتالمىش «يىشىل ساغلاملىق مەھسۇلاتلىرى » پەقەتلا بىزنىڭ بەدىنىمىزنىڭ ئىھتىياجىدىن سىرت مەھسۇلاتلاردۇر .ئۇلارنى ئىستىمال قىلىش پۇل ئىسراپچىلىق بولۇش بىلەن بىرگە ، بەدىنىمىزنىڭ كىسەلگە قارشى تۇرۇش ئىمۇنىنىت سىستىمىسىنى ئاجىزلاشتۇرۇپ، «پارنىك » ئىچىدىكى ئادەمگە ئايلاندۇرۇپ قويىشى مۇمكىن .      بىز ئۇيغۇرلارنىڭ ئىستىمال سەۋىيەرىمىزدە ، ئۇنداق قۇۋەتسىز پۇچەك تاماقلار يوق .تۇرمۇش سەۋىيەرىمىزنىڭ ئۆسىشىگە ئىگشىپ تولا ئائىلىلەردە ئىككى ۋاق تاماق ئىتىدۇ . شۇڭا «ئۇزۇقلۇق يىتىشمەسلىك » بولىشى تۇپتىن مۇمكىن ئەمەس .بەزى كىشىلەر « ئۇزۇقلۇق يىتىشمەيدۇ ، »دىگەن باھانە بىلەن «ئەمۋاي»غا ئىلتىجا قىلىدۇ .بۇ نىمىدىگەن ئەخمەقلىق ھە ...   بىزنىڭ  ھەسەل ياڭاق بادام قاتارلىق قۇۋۋەت يىمەكلىكلىرىمىز تۇرغان يەردە ، «ئەمۋاي» غا نىمە ئىھتىياج ؟؟؟

شاھلالە

	ھاھا ئورفىلىم ،ئەمۋاي ،يەنە نىمە ميىرۇڭكەي ،نىمداق قىززىق ،بۇلارنىڭ گىپىنى ئاڭلىسا ئادەم تاس قالدىغۇ قان بىسمى 100 چىققىلى شۇنى قىلۋاتقانلار چىقىش يولى ئىزدەۋاتىدۇ بىلمىز لىكىن تازا ياخشى قىلمايۋاتىدۇ ،ئىشقىلىپ بۇلارنى كۆرسەملا قاچىمەن مەن ،ئۆيدە ئولتۇرسام ئىچىم سىقىلىپ قالدىكەن شىركەتلەرنىڭ ئەھۋالىنى بىلىپ باقاي ،دۆلەت ئىگىلكىدىكى ئورۇندىغۇ ئىشلەپ بىقىپتىمەن ،3 يىل ئىشلەپ تازا بىزار بولدۇم تۈگمەس تۈزۈمدىن، ئىھىتىمال شىركەت ئازادىرەكمىكىن دەپ ئويلاپ بىر ئىمپورىت -ئىكىسپورىت شىركىتى بىلەن ئالاقىلەشىتم ،ئىشقا چۈشۈپ بىر ئايغا بارماي يان ئۆيگە ئورفىلىم كۆچۈپ كەلدى ،ئولتۇرسام بىر ھەدىمىز كىرىپتۇ ،ئەسسالامۇ ئەلەيكۇم دەپ سالام قىلسام سالامىمنى قايتۇرۇپ بولۇپلا بىر سۆزلەپ كەتمەسمۇ ،كەچۈرۈڭ مىللى مەھسۇلاتلارنى ياكى تەركىبى ئىشەنچىلىك مەھسۇلاتلارنىلا ئىشىلتىمەن دىسەم ئارتۇق گەپ قىلالماي چىقىپ كەتتى ،ئەمەليەتتە 5 يىل بۇرۇنلا ئەمۋاي ،مىيىرىڭكەي دىگەندەكلەرنى ئىشىلتىپ چىقىپ كەتكەن ئىدۇق ،شۇڭا قاراشقىمۇ رەيىم يوق ھازىر ...................

shoruq

	ھەرقانداق ساغلاملاملىق بويۇملىرى ئەسلىدىنلا تاماقلارنىڭ ئورنىنى باسالمايدۇ.

kizzik99

	tiwep يوللىغان ۋاقتى  2012-4-29 08:28 PM ئەمۋاينى ئالغانلىق _ پۇلنى نىجاسەتكە ئاتقانلىق !   ئەڭ ... ئەمۋاينى ئالغانلىق _ پۇلنى نىجاسەتكە ئاتقانلىق ! تولىمۇ چاكىنىلىق بىلەن يېزىلغان ئىنكاس بوپتۇ. نېمىلا بولمىسۇن سېتىش  ئۇسۇلى ئوخشىمىغان بىلەن ئەمۋايمۇ سىلەردەك تىۋىپلەر بىلەن بىر يولنى تۇتقۇ قىلغۇچىلار. بىر ساھەدىكى كىشلەرنىڭ ئەمەلىي ئىش ھەركىتى بىلەن رىقابەتلەشكىنىنى كۆرگەن، ئەمما چىدىماسلىق بىلەن ھاقارەتكە ئۆتۈپ كېتىشى، ئوغرىنىڭ يۈرىكى پوكپوك دېگەندەك ئىش بولدى.

تۇران

	نەچچە كۈن ئالدىدا توردا بىر خەۋەر كۆرگەن،  ئەمۋاينىڭ كالتىسىي تابلىتى (钙片（دېگەن نەسىسىنى، خېيلوڭجىياڭ دەمدۇ، ئىشقىلىپ بىر يەردىكى دورا ئىشلەپچىقىرىدىغان زاۋۇتتا ئىشلەيدىكەن، بۇ ئىشلەپچىقارغىنىنى مۇشۇ دورا زاۋىتى ئۆزىنىڭ قېپىغا سېلىپ 10 نەچچە يۈەنگە ساتىدىكەن، ئەمۋاي ئۆزىنىڭ قۇتىلىرىغا قاچىلاپ نەچچە يۈز يۈەندىن ساتىدىكەن. مۇشۇ كاپىرلارغا ئىشەنگەن ئادەم ساراڭكەن دەيمەن ھارامدىن قورقمايدۇ، پۇلدىن باشقىنى تونىمايدۇ. نېمە ئامرىكىنىڭ مەھسۇلاتى بولىدۇ دەيمەن، قىپقىزىل يالغانچىلىق...