تۇرسۇن ھەسەن مۇئەللىمگە بېلەت تاشلايلى

كەپتەر

	تۇرسۇن مۇئەللىمنى ئۈرۈمچى شەھەرلىك مائارىپ-تەتقىقات مەركىزىدىكى بىر ھەسەل ھەرىسىگە ئوخشىتىشقا بولىدۇ. ئۇ ئۈرۈمچى شەھىرى ئۇيغۇر تىلى سىستېمىسىدىكى ئوقۇغۇچىلارنىڭ سىياسىي، ئەخلاقىي، جىسمانىي جەھەتتىكى ئوقۇتۇش تەتقىقات خىزمىتىگە مەسئۇل بولۇپ، خىزمەتكە بولغان مەسئۇلىيەتچانلىقى ناھايىتى كۈچلۈك. ئۇنىڭدىن باشقا تۇرسۇن مۇئەللىم ئۆز خىزمەت ئورنىدا لاياقەتلىك خىزمەتچى ھېسابلانسا، ئائىلىدە يەنە بىر لاياقەتلىك ئەر ھېسابلىنىدۇ. تۇرسۇن مۇئەللىمنىڭمۇ ئەينى چاغدا بەختلىك بىر ئائىلىسى بولغان بولۇپ، بىراق تەقدىرنىڭ رەھىمسىز چاقچىقى بىلەن ئايالى ئېغىر كېسەلگە گىرىپتار بولۇپ پالەچ بولۇپ قالىدۇ. شۇنىڭ بىلەن ئۆينىڭ بارلىق ئېغىر-يېنىك يۈكى شۇنداقلا ئىككى ئوغلىنىڭ ئوقۇش، تۇرمۇش ئىشلىرىنىڭ ھەممىسى تۇرسۇن مۇئەللىمنىڭ ئۆزىگە يۈكلىنىدۇ. تۇرسۇن مۇئەللىم بىر تەرەپتىن ئۆزىنىڭ خىزمىتىنى قىلسا يەنە بىر تەرەپتىن ئايالىنىڭ ھالىدىن ياخشى خەۋەر ئالىدۇ، ئۆيدە تاماق ئېتىش، كىر قات يۇيۇش قاتارلىق ئىشلارنىڭ ھەممىسىنى قىلىدۇ، ئۇنىڭدىن باشقا ئىككى ئوغلىنىڭ ئۆگىنىشىگە يېتەكچىلىك قىلىپ، بالىلىرىنى ياراملىق قىلىپ تەربىيىلەشكىمۇ ناھايىتى ئەھمىيەت بېرىدۇ. 2006-يىلى تۇرسۇن مۇئەللىم ئۈرۈمچى خەير-ساخاۋەت باش جەمئىيىتى ساخاۋەتچى ئاتىلار كوللېكتىپىنىڭ باش مەسلىھەتچىلىكىگە تەيىنلىنىدۇ، شۇنداق قىلىپ ئۇنىڭ زىممىسىدىكى يۈك يەنە بىر دەرىجىدە ئېغىرلايدۇ. تۇرسۇن مۇئەللىم بۇ كوللېكتىپقا باش مەسلىھەتچى بولۇپ تەيىنلەنگەندىن بۇيان تا ھازىرغىچە نۇرغۇنلىغان ئائىلىسىدە قىيىنچىلىقى بار ئوقۇغۇچىلاردا بولىدىغان ئۆزىنى كەمسىتىش، ھاياتقا بولغان خاتا قاراشلىرىنى يېڭىشىگە ياردەم قىلىپ، ساخاۋەتچى ئاتىلار كوللېكتىپى بىلەن بىرلىكتە ئاپتونوم رايونىمىزنىڭ ئىچى ۋە سىرتىدىكى نۇرغۇنلىغان ئوقۇشسىز قالغان بالىلار، ئائىلىسىدە قىيىنچىلىقى بار ئوقۇغۇچىلارغا كۈچىنىڭ يېتىشىچە ياردەم بېرىپ، كەڭ خەلق ئاممىسىنىڭ قوللىشىغا ئېرىشىدۇ. ئاددىي-ساددا سۆز ھەرىكىتى، تەسىرلىك ئىش - ھەرىكەتلىرى بىلەن ھەممىمىزگە ئۈلگە بولۇشقا ئەرزىيدىغان تۇرسۇن ھەسەن مۇئەللىم مانا ھازىر مەكتەپنى تەسىرلەندۈرگەن شەخسلەر نامزاتىغا كىرگۈزۈلۈپتۇ. ھەممىمىز مانا بۇ مائارىپ سىستېمىسىدىكى ئوقۇغۇچىلارنىڭ ئوتىدا كۆيۈپ، سۈيىدە ئېقىۋاتقان بۇ ئوقۇتقۇچىمىزغا بېلەت تاشلاشنى ئۇنتۇمايلى ! بىلەت تاشلاش ئادرېسى: http://www.xjedu.gov.cn/jgsz/sxzzgzc/pingxuan/11013.htm تۇرسۇن ھەسەن مۇئەللمنىڭ ۋاكالەت نۇمۇرى: 051 كەڭ قېرىنداشلارنىڭ بۇ ئۇستازىمىز ئۈچۈن قولىدىن كېلىشىچە بېلەت تاشلاپ قويۇشىنى ئۈمىد قىلىمىز. بىر ip ئادرىستىن بىر سائەتتە بىر قېتىم ؛ 5-ئاينىڭ 15-كۈنىگىچە تاشلاشقا بولىدىكەن. ئېسىمىزگە كەلسىلا كىرىپ تاشلاپ قويايلى!

Nawruzay

	تۇرسۇن ھەسەن مۇئەللىمنى ياخشى بىلىمەن،ئۇ بەك ئوچۇق-يورۇق،بەك مۇلايىم ئادەم،ئۇ ئالدىرىماي بىر گەپ قىلىشقا چۈشىدىغان بولسا،ھەرقانداق گەپ ئاڭلىمايدىغان كەپسىز ئوقۇغۇچىمۇ ئېرىپلا كېتىدۇ،تۇرسۇنجان مۇئەللىم ئەنە شۇنداق يېقىملىقلىقى،قايىل قىلىش كۈچىگە ئىگە ناتىقلىقى بىلەن ئۈرۈمچىدىكى ئوقۇغۇچى بالىلار ئارىسىدا خېلىلا داڭق چىقارغان.بۇنداق ئېسىل مۇئەللىمگە بېلەت تاشلىمىساق يامان بولىدۇ جۇمۇ!(خاتا چۈشەنمەڭلار-ھە! مەن بۇ مۇئەللىمنىڭ قولىدا ئوقۇغانمۇ ئەمەس،ئۇنىڭ بىلەن تۇققاندارچىلىقىممۇ يوق،پەقەت ئۇنىڭ ئېسىل بىر مائارىپچى ئىكەنلىكىنىلا بىلىمەن،ئاخىرىدىكى بېلەت تاشلاش ئىختىيارلىقى ئۆزۈڭلاردا ئەمدى)

patkak

	katti birsi

musilina

	بىر قېتىمدا بىر بېلەت تاشلىغىلى بولىدىكەن،بىر بېلەت كەتتى...

a.sayrami

	مەندىن بىر بىلەت كەتتى........

almira@

	بىر بىلەت تاشلىدىم. بىراق 投票结果دا تۇرسۇنجان مۇئەللىمنىڭ ئىسمى يوقكەنغۇ؟

qirakpay

	تۇرسۇن ھەسەن مۇئەللىمگە بىر بىلەت كەتتى.

پاۋىل

	بىر بىلەت كەتتى مانا

oguz2

	ئاشۇندا كۆز-كۆز قىلدىغان گەپما؟    مەندىنمۇ كەتتى ئەمىسە