ئۆزھالدىن مىسرانىمدىكىلەرگە سالام (شېئىر)

ozhal

	بىشارەت ئۆتەر يىللار شۇنچە بىشەپقەت . ئىلاجىسىز مۈكچىيدۈ تەن. چىكەتكىدەك يىغلايدۈ يۈرەك ، بۇلۇپ قالغاچ ئازاپقا ۋەتەن . ئۆچەر ئاستا ۋاقىت قوينىدا ، بار مەۋجۈتلۈق ئاخىرىقى چوغدەك . ئۆز   ئۆزىگە غۇلايدۈ ھايات ، گويا سىپى چىپىلغان تۇغدەك . تەكرارلىنار ياشاش بىر خىلدا ، تۇغۇلۈشتىن ئۆلۈم بىشارەت . مەغلۇپلىققا يۈزلىنەر مەغرۇر ، ئىنسان ھەمدە بارچە شان- شۆھرەت. رىۋايەت رىۋايەتنىڭ تارىخى ئۇزاق ، كۆكسىدە گۈل قولىدا ياراق . بەخىت تىلەر ئەۋلاتلىرىغا ، رىۋايەتنى ياراتقان تۇپراق . نەقىرات; رىۋايەتنىڭ ۋارسلىرى بىز ، رىۋايەتنىڭ شاھىدلىرى بىز ، ئاتام ماڭا بەرگەنتى سۆزلەپ ، رىۋايەتنىڭ ھىكمەتلىرىنى . سۆزلەپ بەرگەن باتۇر بوۋامنىڭ ، جەڭگاھتىكى قىسمەتلىرىنى . ئاتام سۆزلەپ بەرگەن رىۋايەت ، قويار ماڭا كۆندە بىر سۈئال . رىۋايەتتىن ئىلىپ كۈچ قۇۋەت ، رىۋايەتتە تاپارمىز كامال . تاشلاندۇق رويال تۇرۇپتۇ يامغۇردا مەيۈس بىر قىزدەك ، تىللىرى بۇزۇلغان تاشلاندۇق رويال . دەپسەندە قىلىنغان قىزنىڭ كۆڭلىدەك ، باغرى تاش دەستىدىن سۇندى ئھتىمال . كىم ئۇنى ياسىغان بولغيىتتى نەدە؟ كىم تۇنجى چالغاندۇر قايسى نەغمىگە ؟! قايسى بىر خىنىلىك نازۇك بارماقتا ، جان بەرگەن بولغىتتى قايسى نەزمىگە . تۇرار ئۇ قەدىمى قەبرىدەك مەغرۇر، ھەر تامچە مىڭ پارە بولار تارىدا. سىلكىنسە يامغۇردا يۇيۇنغان ياپراق، يوقۇلۇش رويالغا جىمجىت موزىكا. قايسى بىر سەنئەتكار قەدىرلەپ ئۇنى، ۋە كىملەر مۇڭىدىن قىلغاندۇ جۇدا . بارچىنى رويالدەك يوقىتار ئاخىر، ياشاشقا ئەرزىمەس بىمەنە دۇنيا. تۇرۇپتۇ يامغۇردا مەيۈس بىر قىزدەك، تىللرى كسىلگەن تاشلاندۇق رويال. مەۋجۇتلۇق كۇيىنىڭ ئاخىرى چىقماس، ھاياتلىق رويالدەك تاپىدۇ زاۋال.

cholpan

	پۈتۈن شئرلىرىڭىزنى تولىمۇ ئەستايىدىل كۆرۈپ چىقتىم، چوڭقۇر مەنا، ئۆتكۈر پىكىر،ۋە يېقىملىق تىل............ئەمما بىرىنچى كۇپلىتقا تازا ئوبدان ئىشلىمەپسىز، ئالدىراپلا قەلەم تەۋرەتكەندەك تۇرىدۇ. ئۆتەر يىللار شۇنچە بىشەپقەت . ئىلاجىسىز مۈكچىيدۈ تەن.   بوغۇم سانى توشمىغان، چىكەتكىدەك يىغلايدۈ يۈرەك ، بۇلۇپ قالغاچ ئازاپقا ۋەتەن بۇ جۈملە توغرىدەك كۆرىنىدۇ ،ئەمما سۆزلەر بىربىرىگە  باغلاشمىغان،   قۇل بولغاچقا ئازاپقا بۇ تەن دىگەندەك ياكى ئەسىر بولغاچ ئەلەمگە ۋەتەن دىگەندەك ئىگە خەۋەرلىرىنى تولۇقراق ئالسىڭىز تېخىمۇ چۈشىنىشلىك بولىشى مومكىن.

xahnur

	ھەقىقەتەن ياخشى چىقىپتۇ، داۋامىغا تەشنابىز.

ozhal

	تاغلىرىم ئەلەملەردىن ئىگىلسە بىشىم ، تىك تۇرىسەن ئىگلمەيسەن تاغلىرىم، دەردۇ غەمدە ناتىۋەندەك يىغلىسام ، مەردانىسەن يىغلمايسەن تاغلىرىم ، مەن ئىگلسەم ئىگىلمەيسەن تاغلىرىم ، مەن يىغلىسام يىغلمايسەن تاغلىرىم ، قامىتىمدىن بالقىپ تۇرسا ماتەملەر ، قىلىچ كەبى يالتىرايسەن تاغلىرىم ، باغرىڭ كەڭرى يىيىلغان بىر ئالقاندۇر   رەقىپلەرگە كۆكسى قالقان تاغلىرىم ،

ozhal

	بوۋىلار پەرىشتىدەك چىھرى نۇرلۇق بوۋىلار . باغرىدا باغ مىھرى باھار بوۋىلار . ھاياتىنى مىھنەت بىلەن تولدۇرۇپ سۆزلىرىدىن ھىكمەت ياغار بوۋىلار . ۋەتەن ئۈچۈن پىدا قىلىپ جىنىنى ، غۇرۇرىدىن مىدال ئاسقان بوۋىلار . رەقىپلەرنى قان يىغلىتىپ جەڭلەردە . ھە قەدەمنى ئەل دەپ باسقان بوۋىلار . ۋەتەن دىدى خەلىقم دىدى ئۆمۈر. كەچمىشىدە مىڭلاپ داستان بوۋىلار ، تەۋەرۈكتۇر بىزگە مەغرۇر قامىتى ھەل پەسلدە باغى بوستان بوۋىلار . رەقىپ ئۈچۈن كۆكسى قالقان بوۋىلار . ھەر خانىدە نۇرلۇق ئاسمان بوۋىلار .

ozhal

	تاغلارغا نەزەر سال تاغلارغا دەرىت ئەلەملەر باغرىدا دەريا سۈيەر پەقەت ئۇنى نۇر زىيا بۇلاق دىمە كۆكسىنى يىرىپ ئىيتىلغىنى ھەسرەتلىك ناخشا دەردىم بار دىمە ئەي ئاجىز ئىنسان تاغلارغا نەزەر سال تاغلارغا جۇدۇنلار قەددىنى ئىگەلمەس . ئانىدەك ھىچكىمگە دەردىنى دىمەس . تەمكىنلىگى ئەڭ ئۇلۇغ نەپەس . سۈكۈتلىرى غالىبلىغى بەس قىلىچتەك تۇرقىغا قاراپ نەزەر سال تاغلارغا نەزەر سال تاغلارغا . ھەر باھار چىچەكتىن تاج تاقايدۇ . قىشتا ئاپپاق قاردىن ئارتىدۇ رومال . چىھرىدە مەڭگۈلۈك ئۆمىتنىڭ نۇرى ، ئىزدىمەس بىرىشتىن باشقا بىر ئامال دەردىڭنى سۆزلىمە مىسكىن ئاشىقلار تاغلارغا نەزەر سال تاغلارغا .

ozhal

	ئەسلىمە سەنئەت پىشۋاسى . بىتەكرار كومپوزىتۇر مەرھۇم ھىكىم ھەسەنگە بېغىشلايمەن سىز ماڭغان كوچىلار دەردى كۈلپەتتە ، ياد ئېتىپ ۋاقىتسىز كەتكەن ئوغلىنى ، زەرەپشان ئۆكسۈيدۇ غەمدە - غۇربەتتە ، ھازىدار باغرى قان ئۇيغۇر ئاسمىنى ، باغلىرىم چىھرىگە سۆلەت ئىدىڭىز ، تاغلىرىم كۈكسىدە دۆلەت ئىدىڭىز . ئىجادى ئەمگەكنىڭ ئالتۇن تاجىنى  ، تاقاشقا مۇناسىپ ئوغلان ئىدىڭىز ، ھاياتنىڭ جىڭدە بىر تۇلپار كەتتى ، مۇڭلىرى نۇر زىيا بىر دۇتتار كەتتى . مېھنىتى كۆكسىدە ئوت بۇلۇپ يانغان ، ھاياتنى سۆيگۈچى بىر باھار كەتتى . سىز بەرگەن سەھنىگە چىقتىم مەن بۈگۈن ، باغرىمغا چىڭ بېسىپ ئەلنى - ۋەتەننى . ئاۋازى پۈتىدۇ پۈتۈن كۈيچىنىڭ ، تاپالماي دۇنيادىن ھىكىم ھەسەننى . ئۆرتەيدۇ قەلبىمنى سېغىنىش پىراق ئەبەدى ئۆچمەيدۇ سىز ياققان چىراق .

ozhal

	ھايات ئوت بۇلۇپ ياشىدىم مۇزنىڭ ئۈستىدە ، شەبنەمگە ئايلاندىم گۈلنىڭ ئۈستىدە . غۇرۇرنى ھاياتنىڭ زىياسى بىلىپ ياشاپ كەلدىم قىلنىڭ ئۈستىدە . چىمەنلەر لىۋىنى شۈمۈپ مەس بولدۇم . قەلبىمدە ئېچىلدى ئۈچىنچى ئېشىك . كۈزۈمدىن قىزغىنىپ يارنىڭ چىھىرىنى . ئۈزۈمنى كۆيدۇردى تەندىكى رەشىك . دوسلۇقنىڭ بىغىدا ياشىنىدى جانىم . شىر بىلدىم مىنىڭدىن ئۆزىگە بارىنى دوس بىلىپ رەقىبنى سۆزلىگەن سىرىم كەچلىك بازاردا بولدۇم سازايى . ھىس قىلدىم دوسلۇقنىڭ قەدىرىنى بۈگۈن . قىزلاردىن بەختىمنى تىلەپ يۈرمىدىم . راھەت كۆرسەم شىرىكىلىرىم كۆپ . دەرىتتە يانغا يولىماس ھىچكىم .

ozhal

	چىمبۇلاق شۇ نامىلىق موزىكىغا بېغىشلايمەن . بۇلبۇللار سايرىدى يارنىڭ بىغىدا . تاغلاردىن شاقىراپ ئاقار ئۈنچىلەر . يۇلتۇزغا ئورالدى ئۇيغۇر ئاسمىنى . ئاستىدا گۈپۈلدەپ پۇرار لالىلەر . ھاياتنىڭ خىرامان پەيتى گۈللەيدۇ . ئەڭ گۈزەل تۇيغۇنىڭ باياۋانىدا . چىچەكتەك پەر قېقىپ ئېچىلدى كۈڭۈل . لىۋى بال بىر قىزنىڭ ئوتلۇق باغرىدا . كائىنات زېمىنغا قىلار تەبەسسۇم . زەر بۇلۇپ چىچىلغان نۇرلار ھۆسنىدە . پايانسىز گۈلۈستان ناۋالىرىدا . سۆزلەيدۇ بىر ئاشىق سۆيگۈ ھەققىدە . مۇقەددەس بىر كۈيدە ئاقار تاغلىرىم . كۈكسۈمدە مۇڭلىنار مىسكىن ۋادىلار . باھارنىڭ ھىدىدا كۆيمەكتە ھىجران . ئەپسانە ئىلىدە ھايات بەختىيار

ozhal

	ناتىۋان باغ بىلىپ قىلغان ئىتائەت گۈلزارى ۋەيران بولدىمۇ ؟ سۆيگۈنىڭ نۇرلۇق تۈنى غەپلەتتە گۈمران بولدىمۇ ؟ تىڭشىماي جانىم نىچۇن چىن قەلىب ئاۋازىنى . ئىككى جاھىل ئالدىدا يار ۋەسلى سەرسان بولدىمۇ ؟ يار دىسەم ئاھىم ئىچىمگە سىڭدى لەختە قان بۇلۇپ ، بۇ ھاياتنىڭ گەردىشى ھىجرانغا مەھكۈم بولدىمۇ ؟ ئۇل نىگارنىڭ ۋەسلىنى كۆتكەن ئۆمىتلەر خارۇ زار . كۈتكىنىم غۈنچە ئىدى رىزىقىم تىكەندە بولدىمۇ ؟ سىزنى ھەر دەم ئەسلىگەن قەلبىمدە ھىجران كۈيلىرى . بۇ ئۆمۈرنىڭ بەتلىرى دىشۋارغا مەقبۇل بولدىمۇ ؟ نۇرى ئۆچكەن كۆزلىرىمدە يوق تىرىكلىكتىن دىرەك . بىلمەي ۋىسالنىڭ دەملىرىن ياشاشقا پەيمان بولدىمۇ ؟ ھىدلىسام شىرىن نەپەس زەۋقى باھارنىڭ غۈنچىسى . يات بىراۋنىڭ باغرىغا تالىق گۈلۈستان بولدىمۇ ؟ چارچىغان لەۋدىن بىلىنمەس ۋەسلى ۋىسالنىڭ راھىتى . راھىتىم دەپ بىلىگىنىم ئەرزىمىدە زىندان بولدىمۇ ؟ سەن ياشايسەن ئايىغى چىقماس خىيالنىڭ بەھرىدە . سەن ئۈچۈن چالغان كۈيۈم ئۆمرۇمنى خازان بىلدىمۇ ؟ مىڭ مۇقامنىڭ تەكتىدىن ئالغانلىرىم بىر قەترە قان . قانلىرىم مۇزغا تۈكۈلگەن بىر تامچە گۈلخان بولدىمۇ ؟ باش باھاردا ياشنىغان گۈللەرگە تەلمۇرگەن ھىدىم . ئىگىسىز يالغۇز قىلىپ ئۆزىگە تۇتقۇن بولدىمۇ ؟ سەنسىز ئۆتكەن كۈنلىرىم ئۈلۈمنى چىللار ھەر نەپەس . يوقلۇققا سىغىنغان دىلىم دەرىتلەرگە ھەميان بولدىمۇ ؟