ئۆزھالدىن مىسرانىمدىكىلەرگە سالام (شېئىر)

ozhal

	كەلدى نورۇز كەلدى نورۇز كۆلدى گۈل چىچەك يىشىل چىمەن زىمىنغا ئىتەك مول ھوسۇلدىن بەردى خوش خەۋەر نورۇز ئىيىدا كۆكلىگەن تىرەك ئاپتاپ چىقىپ كۈلدى كەڭ جاھان قوياش يۇزىنى تاغلارغا ياقتى توي قىزىدەك ياساندى دۇنيا ئەگىز سۈيى دالىغا ئاقتى بالاغەتكە يەتمىگەن قىزلار چوكانتالدىن گۈلتاج ياسىدى ئىتىزلاردا ئەمگەك ناخشىسى دىھقان ئاتام يەرنى تىلغىدى بارچە قۇشلار چۈشۈپ بەزمىگە نورۇز ئۇچۇن قوشاقلار پۇتتى مەنمۇ كۇيلەپ كەلدىم نورۇزنى نورۇز گۈلى كۇڭلۇمنى ئۇتتى

ozhal

	مۇقام ناخشا تېكىستى بارچە كۇيلەر سۇلتانىسەن تاجىسەن ، ئۇزاق تارىخ نىشانىسەن جانىسەن. قانچە ئەۋلات ئىيتتى باغرى قانمىدى ، بار گۈزەللىك باھارى سەن يازىسەن . يۇرەك باغرىم ئىرىپ تامچە سۇ بولدى . مىھمان بولۇپ ھۇزۇرۇڭدا بىغىڭدا ، گۈل چىچەكلەر مۇڭ ئىچىدە ئىزىلدى . سىنى سۆيدۇم شۇڭا گۈدەك چىغىمدا . قاتار قاتار كارۋانلارنىڭ ئىزلىرى . بىر سادانى پۇتۇپ كەتكەن دالىغا ، ئەجداتلارنىڭ ئۆمىرى ئۆتتى مۇقام دەپ ، ئۇندىن ئۇدۇم ئالدى بۇگۇن بالىلا . نەقىرات : مۇقام دىسەم ئاغزىمدىن نۇر تۆكۈلدى ، مۇقام دىسەم جىسمىم يادەك پۇكۇلدى .

nurmamat0997

	ئۆزھال ئاكا رەھمەت سىزگە   ھەممىمىز ئۈچۈن يازمىللىرىڭىزنى ئايىماي يەنە ئۆز قولىڭىز ئارقىلىق بىزگە توپلام قىلىپ يەتكۈزگىنىڭىزگە،،، مۇنبەرداشلىرىم بىلەن بىرلىكتە ئولتۇرۇپ يازمىللىرىڭىزدىن ھوزۇرلانغاچ تىلەكلەرگە جور بولۇپ جانابى ئاللاھتىن بۇنىڭدىن كىينكى ئىشلىرىڭىزغا ئاسانچىلىق ئاسايىشلىق ھەم بەرىكەت تىلەيمەن

ozhal

	قارا كۆز بۇ ھاياتنىڭ باھارىدا سۇلغان گۈلمەن قارا كۆز سۆيگۈ سەھرالىرىدىن سۈرگۈن قۇلمەن قارا كۆز كۆزلىرىمدە ياش سۆزلەر باغلىرىمدا تاش سۆزلەر ئاچسام سۆيگۇ ئىشگىنى ئۇندا قارا قاش سۆزلەر قارا كۆزۇم قارا كۆز سەندە بەختىم يىغلىدى بارچە كەچمىش يالغان سۆز بۇ باغرىمنى تىلغىدى قارا كۆزۇم قارا كۆز بەختىم قارا قارا كۆز ئۆز بەختىنى قولىدا ۋەيران قىلغان قارا كۆز

ozhal

	ئۈزۈڭ يوق بۈركۇت بۇلۇپ پەرۋاز قىلدىم سامادا يەرگە باقسام بوستانىم يوق گۈلۈم يوق كۆز قارچۇغۇم كۈتۈشلەردە قان بولدى يارىم ماڭا سەنسىز باشقا ئۈلۈم يوق ، قىرانىمغا يەتتىم تاغلار ئىگىلدى تاڭنى سۆيگەن نەينىڭ ئۈنى بوغۇلدى ئەجىر قىلغان چىچەكلىرىم تۈكۈلدى سەندىن باشقا دۇنيا تەييار ئۇزۇڭ يوق كوچىلاردا يالغۇز يۇردۇم يامغۇردا دەردىم ئۈچۈن بەلكىم ئاسمان يىغلىدى گۈلگە سۈنغان قوللىرىمدا تىكەنلەر زىمستاندا سۇلماس گۈلۈم ئۈزۈڭ يوق

ئايچىن

	ماۋۇ مۇنبەردە  پەقەت قاپىيە قوغلىشىپ مەزمونى بىلەن كارى بولماي بولىشىغا شېئىر يازىدىغان بەزى شائىرلىرىمىز كۆرسە بوپتىكەن  بۇ شېئىرلارنى بىر - بىرىدىن ئېسىل نادىر شېئىرلاركەن .. رەھمەت ئۆزھال ئەپەندىم ، ئىجادىيىتىڭىزگە بەرىكە بولسون!!

nafisa11

	بىر - بىرىدىن ئېسىل  شېئىرلاركەن .. رەھمەت ئۆزھال ئەپەندىم ، ئىجادىيەتلىڭىزگە ئاپىرىن

ozhal

	ئاناجان ئىماننىڭ نۇرىدا نۇرلانغان يۇزۇڭ ، مۇھەببەت نۇرىدا نۇرلانغان كۆزۇڭ ، باغرىڭدا ھەيۋەتلىك دەريا ئاقىدۇ ، يىغلىساڭ سۇيىدە دۇنيا ئاقىدۇ . يىشىڭدا تۈزلانغان ھاياتنى يۇدۇپ ، ئىتىزغا ماڭىسەن ئاستىڭدا قوياش ، بەستىڭگە ئاشىقتۇر ھالال تۇيغۇلار ، قەلبڭدە ئىمانىڭ تىخىچە ياپ - ياش . توقاچلار قىزارسا مەڭزىم كەبى توق . سۆيىسەن ئوتنىمۇ كۆزلىرىڭدە ياش ، رۇمالىڭ سىلىنىپ چۇشكەن كىچىدە ، يولتۇزلار تىلەيدۇ سەن ئۈچۈن بەرداش . جەيناماز ، ئىتىكاپ بەخىت كۇلبىسى ، بىز ئۈچۈن دۇئاغا كۆتۇرگەندە قول ، بىر سىقىم يىشڭىدا يۇيۇپ قەلبمنى ، باغرىمنى بىزەيمەن قوللىرىمدا گۈل . پاقلىنىڭ يەم تىلەپ يالار قولۇڭنى ، موزايغا مىھرىبان قەلبى گۈل ئانام ، ھىجرانغا باغلانغان قوللىرىم سۇنۇق ، كۆكلەيدۇ سىغىنىش ئاتلىق بىر يارام . ئىتىزدىن يانىسەن ئۇزىتار قوياش ، ئاتام سىنى كۇتۇپ چالىدۇ دۇتتار ، ئالەمگە سۆيگۇدىن ئۈنچىلەر چاچساڭ ، ھويلىغا سالام دەپ كىرىدۇ باھار ، تەلەپ قىلسام سەندىن تىمىم سۇ ، دەريادەك ئۆركەشلەپ ئاقىسەن ھەيۋەت ، بىر تامچە يىشىمغا سۇرۇپ يۇزۇڭنى ، ئىچىلدۇرىسەن باغرىڭدا جەننەت . كىۋەزلەر ھۆپىپدە ئىچىلغان يەردە ، مۇھەببەت كۆيىنى تىڭشايسەن جىمجىت ، بالام دەپ كۈچۈڭگە ئۇلاپ كۈچۈڭنى ھارغىنلىق كۆكسىگە قويسەن چېكىت ، ساندۇقتا ماڭا دەپ قۇرۇتقان ئۈزۈم ، ئايۋاندا مىنى دەپ ئۇيۇتقان قىتىق ، ئويلىسام قەلبىمدە بۇلدۇقلايدۇ ياش ، ئانسىز ياشاشقا ھارغىنلىق چىتىق ، رومالىڭ ئۇچىنى مىجىيسەن ئاستا ، ئانا دەپ يىنىڭدا يۇرسە باللار ، سۇئاللار تاشلايسەن شۇ دەم تەڭرىگە ، مىنىڭمۇ بالام بار ئىدى ھە خۇدا . سىغىنىش ئۈزۈنغا سوزۇلدى ئانا ، ھىجراننىڭ بىر ئۇچى قەلبمگە تۇتاش . كەپ قالار بالام دەپ باغقا چىقىسەن ، پۇتۇڭنى سۆيىدۇ ياپ يىشىل ئوتياش . ئاناجان كۆتىسەن مىنى ھەر زامان ، ئانسىز ھەممىدىن زىرىكەر بالاڭ ، يىشىدۇ سىغىنىش چەگكەن كۇڭلۇڭنى ، تويۇمغا ئاتاپ بوردىغان كالاڭ ،

ozhal

	جۇدالىق زارى مەن سىنى ئۇچراتتىم يەنە شۇ يولدا ، دىدارىڭ ئالدىدا تىزلاندى روھىم . بىراق سەن پەرۋاسىز كەتتىڭ يىراقلاپ ، مىڭ ئازاپ ئىچىرە مىڭ كۆيدى بۇ جىنىم . نەۋقىران ياشلىقنىڭ خىرىدارى بوپ - كىرگەنتىڭ بىر زامان كۆڭلۇم ئۆيىگە . تونۇتقاچ ئۇزۇمگە ئادەملىگىمنى ، ياشلىغىم سەن ئۇچۇن قىلغان تەنتەنە . ئۇتۇپتۇ سەن بىلەن سەككىز باھارىم بىلمىدىم نە ئۇچۇن ئايرىلدىم بىراق . سىنڭدىن ئايرىلغان قارا كۇنلىرىم . دەستىدىن سورايدۇ ۋىجدانىم سوراق . سەن ئىدىڭ روھىمدا چاقنىغان يۇلتۇز . مەن ئىدىم ھاياتتا ساڭا تەسەللى . كىم ئۇچۇن نىمە دەپ ئايرىلدۇق جىنىم ، كىملەردىن ئىزدىدۇق سۇيگۇ خىلىنى . ئويلسام پىشانەم شور ئىكەن ئەسلى . بىز ئاشىق ئىكەنمىز ئاللا قوشمىغان . ياكى بىز ئەقلسىز سۇيگۇ قەدىرىنى . چۇشەنمەس ، بەختىنى مەھكەم تۇتمىغان . ئىنتىلىپ نامسىز بىر قىزغا تۇندە . ئوت مىسال يانغاندا كەلدىڭ تۇيۇقسىز . ئۇنتۇلۇپ كىتىمەن دىسەممۇ لىكىن قالدۇردۇڭ يۇرەكتە ئەبەدىيلىك ئىز . سەن بىلەن ئوينىغان باغچىغا باردىم . ئىزىڭنى . ھىدىڭنى چىھرىڭنى ئىزدەپ . بامبۇكلار ياشىرىپ تۇرسىمۇ لىكىن . يۇرىگىم بىئامال قالدى ئىسەدەپ . بىز ماڭغان تار كوچا كىتىپتۇ قىرىپ . ئىگىسىز سۇنۇپتۇ يالغۇز ئورۇندۇق . يامغۇرلار تامچىلاپ تۇرغان پەلەمپەي . تۇرار ئۇ قەلبىمدەك سۇغۇق ھەم قۇرۇق . سەن بولغاچ چىرايلىق ئىدى باھارمۇ . تومۇزدەك تەپ بىرەر ئىدىغۇ قارمۇ . سەن يوقسەن قىشىمدا كۆلكەممۇ ماتەم بىلمىدىم بۇ جاھان ئاشىققا تارمۇ ؟ رىستۇران . كۇلكىلەر سەن بىلەن ئاۋات ، كۆڭلۇممۇ سەن بىلەن ئاۋۇنار ئىدى. ھاياتتىن بەزگەنچە خۇشاللىق ئىزدەپ ، يۇرۇشلەر شۇ پەيتتە دىلغا زار ئىدى . سەن تامان باراتتىم سىغىنىش بىلەن، ئاپتاپتەك نۇرلىنىپ چىقاتتىڭ ئاستا . ھىدىڭنى قانماستىن پۇراپ تاڭغىچە ، يەنە يول ئالاتتىم ھىجرانلىرىمغا . ئىسىمدە يوق بەلكىم ئۇزۇمنىڭ يىشى، بىلىمەن شۇ چاغدا سەن ئون توققۇز ياش . يەتمىشكە كىرسەڭمۇ مەن ئۇچۇن يەنە ، سۇيگىمىز بىر دەرەخ مەڭگۇ قىرىماس. ئۆزگىگە ئەل بۇلۇپ ياشىماقتىسەن ، مەنمۇ يات ۋەتەننىڭ سۇلتانى بۇلۇپ . ھاياتنى قاماللاپ ئارمانلار بىلەن ، ياشايمىز سۇيگۇدە سۆيگۇسىز بۇلۇپ . ياخشى قال ئەۋەلقى سۆيگەن نىگارىم، مەن ئۇچۇن تىلىمە بەخىت يا ئۆمۇر. مەردانە ياشايمەن لىكىن ئارماندا ، كۆيىدۇ بۇ يۇرەك بەلكىم بىر ئۆمۇر .

hekmat-uyghur

	ئۇف!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!