ئۈچۈنچى باب تۇققۇزىنچى پارگىراف
***9.نامراتلار مەسئۇلىيەتنى بېسىم دەپ چۈشىنىدۇ، بايلار مەسئۇليەتنى ھەركەتلەندۈرگۈچ كۈچ قىلىدۇ
ھەر بىر ئادەمنىڭ دۇنيادا ئۆزىگە تەۋە بولغان مەسئۇليىتى بولىدۇ، بىراق كىشىلەرنىڭ مەسئۇلىيەتكە تۇتقان پوزىتسىيىسى ئوخشاش بولمايدۇ. ئومۇملاشتۇرۇپ ئېيىتقاندا،نامراتلار مەسئۇليەتتىن قورقىدۇ، ئۇلار مەسئۇليەتنى بېسىم ۋە يۈك دەپ چۈشىنىپ،ئۇنى ئۆزىنىڭ ئالغا ئىلگىرىلەش يولىدىكى توسالغۇ دەپ قارايدۇ. بۇ خىلدىكى قورقۇش پوزىتسىيىسى نامراتلارنىڭ مەسئۇليەتتىن قورقۇشىنى كەلتۈرۈپ چىقىرىپلا قالماستىن،ھەتتا ئۇلارنى مەسئۇليەتتىن قاچىدىغان قىلىپ قويىدۇ – دە، ئۇلار ناھايىتى تىزلا بايلىق رىقابىتىدە مەغلۇب بولىدۇ.
ئەكسىچە، بايلار مەسئۇليەتنى خۇشاللىق بىلەن ئۆز ئۈستىگە ئالىدۇ، ئۇلار مەسئۇليەتنى ھەركەتلەندۈرگۈچ كۈچ دەپ قاراپ توختىماستىن تىرىشىدۇ.
قەدىمدىن–ھازىرغىچە جۇڭگو ۋە چەتئەللەردە ئۆتكەن بايلارنىڭ ھەممىسىدە مەسئۇليەت ئېڭى بولىدۇ، ئۇلار مەسئۇليەتنى ئۆزىنى ئالغا ئىلگىرلىتىدىغان ھەركەتلەندۈرگۈچ كۈچ قاتارىدا كۆرۈپ ئۆزىنىڭ بايلىق نىشانىغا قاراپ ئىلگىرلەيدۇ.
ئالىي مەكتەپ ئىمتىھانىدىن ئۆتەلمىگەندىن كىيىن، جاۋمىڭ بېيجىڭدىكى بىر ماشىنا سېتىش شىركىتىگە كىرىپ خىزمەت قىلىدۇ. ئۇنىڭ خىزمىتى ناھايىتى ئاۋارىچىلىق ۋە جاپالىق،بىراق ئىش ھەققى تۆۋەن ئىدى، ئەمما مەسئۇليەت ئېڭى ناھايىتى كۈچلۈك بولغان جاۋمىڭمې ھنەتكەشلىك بىلەن خىزمىتىنى تىرىشىپ ئىشلىگەن.
بىر كۈنى ئىشتىن چۈشۈپ نەرسە – كېرەكلىرىنى يىغىشتۇرۇپ ئۆيگە قايتىشقا تەييارلىق قىلىۋاتقان چاغدا، جاۋمىڭ تۇيۇقسىز ئەنگىليەدىن كەلگەن بىر پارچە فاكىسنى تاپشۇرۋالىدۇ.ئېنگلىز تىلى ئاساسى ياخشى بولمىغان جاۋمىڭ فاكىستىكى بىر نەچچە تاق سۆزنىلا تونۇغان،شۇنداق قىلىپ ئۇ دەرھال خوجايىنغا تېلفۇن قىلىپ بۇ ئىشنى دوكلات قىلماقچى بولغان،بىراق خوجايىننىڭ تېلفۇنى ئېتىك بولۇپ ئالاقىلىشالمىغان.
مەسئۇليەت ئېڭىنىڭ تۈرتكىسى ئاستىدا، جاۋمىڭ ئېنگلىزتىلى لۇغىتىنى تېپىپ فاكىس مەزمۇنىنى تەرجىمە قىلىشقا باشلاپتۇ، ھەمدە قارشى تەرەپكە ۋاقتىدا جاۋاپ قايتۇرۇپتۇ.ئىككىنچىكۈنى خىزمەتكە چىققاندا خوجايىن بۇ ئىشنى بىلىپ ناھايىتى خۇشال بولۇپ،جاۋمىڭنى نەق مەيداندا ماختاپتۇ. چۈنكى جاۋمىڭ فاكىسقا ۋاقتىدا جاۋاپ قايتۇرغاچقا،شىركەت پۇرسەتنى ئالدىن ئىگەللەپ بىر نەچچە كۈچلۈك رىقابەتچىسىنى ئارقىدا قالدۇرۇپ، بىر چوڭ سودا پۇرسىتىگە ئېرىشكەن ئىدى.
جاۋمىڭ بۇ سەۋەبلىك خېلى كۆپ مۇكاپاتقا ئېرىشىپتۇ، تېخىمۇ مۇھىمى ئۇ مۇشۇ سەۋەبلىك خوجايىننىڭ ئېتىراپ قىلىشى ۋە كۆڭۈل بۆلۈشىگە ئېرىشىپتۇ، ھەمدە ئوزۇن ئۆتمەستىن سېتىش نازارەتچىلىكىگە ئۆستۈرۈلۈپ يىللىق مائاشى مىليون يۈەندىن ئېشىپتۇ.
پەقەت تولۇق ئوتتۇرا مەدەنىيەت سەۋىيىسىگە ئىگە جاۋمىڭنىڭ يىللىق مائاشى مىليون يۈەندىن ئاشىدىغان سېتىش نازارەتچىلىكى ئورنىغا چىقالىشىدىكى سەۋەب دەل ئۇنىڭدا كۈچلۈك مەسئۇليەت ئېڭىنىڭ بولغانلىقى، مەسئۇليەتنى تۈرتكىلىك كۈچكە ئايلاندۇرۇپ ئۆزىنىڭ خىزمىتىنى تىرىشىپ ئىشلەپ، ھەربىر ئىشنى ياخشى قىلىشقا تىرىشقانلىقىدا.
ئەگەرجاۋمىڭ مەسئۇليەتنى بېسىم ئورنىدا كۆرگەن بولسا، ئۇنداقتا ئۇ ئىشتىن چۈشكەندىن كىيىن فاكىس بىلەن كارى بولمىغان بولاتتى؛ ئەگەر جاۋمىڭ مەسئۇليەتتىن قورقۇپ ئۆزىنى قاچۇرغان بولسا، ئۇنداقتا ئۇ فاكىسنى تەرجىمە قىلىپ، قارشى تەرەپكە ۋاقتىدا جاۋاپ قايتۇرمىغان بولاتتى؛ ئەگەر جاۋمىڭدا مەسئۇليەت ئېڭى بولمىسا، ئۇ ھەرگىزمۇ خوجايىننىڭ ئېتىراپ قىلىشىغا ئېرىشىپ يىللىق مۇئاشى مىليون يۈەندىن ئاشىدىغان ئورۇنغا ئېرىشەلمىگەن بولاتتى.
بۇ دەل بايلار بىلەن نامراتلارنىڭ پەرقى: نامراتلار مەسئۇليەتنى بېسىم ئورنىدا كۆرۈپ،ئۇنىڭدىن ئۆزىنى قاچۇرىدۇ، ھەتتا ئۇنىڭدىن قۇتۇلماقچى بولىدۇ، ئۇلاردا مەسئۇليەت ئېڭى كەمچىل؛ ئەكسىچە بايلارنىڭ مەسئۇليەت ئېڭى ناھايىتى كۈچلۈك بولۇپ،ئۇنى ئۆزىنىڭ نامراتلىقتىن قۇتۇلۇپ باي بولۇش يولىدىكى تۈرتكىلىك كۈچى قاتارىدا كۆرىدۇ.
نۇرغۇنلىغان بايلارنىڭ ئىچىدە، ئامېرىكىلىق «پولات – تۆمۈر پادىشاھى» ئاندىرو. كارنىگ مەسئۇليەت ئېڭى كۈچلۈك، مەسئۇليەتنى ھەركەتلەندۈرگۈچ كۈچ قاتارىدا كۆرىدىغان بايلارنىڭ ۋەكىلى.
ئاندىرو.كارنىگ 14 ياش ۋاقتىدا پىتىسبورگدىكى داۋىي تېلگېراف شىركىتىدە خەت توشۇغۇچى بولغان. ئۇ خىزمەتتە بەكمۇ ئەستايىدىل بولغاچقا ناھايىتى تىزلا شىركەتتىكى بازىرى ئىتتىك خادىمغا ئايلىنىدۇ.
بىرقېتىم،ئوخىئو دەرياسىنى يار ئېلىپ كېتىپ سىتۋېر بازىرىدىكى تېلگېراف سىملىرى پۈتۈنلەي ۋەيران بولىدۇ. ئاندىرو. كارنىگ بۇنى كۆرۈپ شىركەتنىڭ ئادەم كۈچىنىڭ يىتىشمەيدىغانلىقىنى ھېس قىلىپتۇ، شۇنىڭ بىلەن ئۇ بىر تېلگېراف خادىمىنى ئېلىپسىتۋېر بازىرىغا كەپتۇ. ھەم كېمىدىن پايدىلىنىپ خەت توشۇپ مۇۋەپپەقىيەت قازىنىپتۇ. خوجايىن بۇ سەۋەبلىك ئۇنى تارتۇقلاپ، ھۇقۇقىنى ئۆستۈرۈپ مائاش قوشۇپ بېرىپتۇ.
بىركۈنى سەھەردە، پىتىسبورگ تۆمۈر يول باشقۇرۇش ئىدارىسىنىڭ باشلىقى سىكوت ئەپەندىم تېلېگراف شىركىتى تېخى ئىشقا چۈشمىگەندە يىتىپ كەپتۇ. كارنىگ ئۆزى يالغۇز ئۇنى كۈتۈۋاپتۇ، ھەمدە ئۇنىڭغا ياردەملىشىپ 15 پارچە تېلېگرامما يوللاپتۇ. شۇ كۈنى چۈشتە سىكوت ئەپەندىم يەنە تېلېگرامما يوللىغىلى كەپتۇ، ھەمدە كارنىگنىڭ ئىسمىنىbئاتاپ ئۆزى ئۈچۈن مۇلازىمەت قىلىشىنى ئېيتىپتۇ.
ئوزۇن ئۆتمەستىن تۆمۈر يولنىڭ تېلېگرامما مىقدارىنىڭ ئېشىشىغا ئەگىشىپ مەخسۇس تېلېگرافسىمى ئورنىتىش ئېھتىياجى تۇغۇلۇپتۇ. سىكوت كارنىگنى خۇسۇسىي تېلېگراف خادىمى قوشۇمچە كاتىپلىققا كۆرسىتىپ، تېلېگرامما يوللاش ۋە شىركەتنىڭ مالىيەسىنى نازارەت قىلىشقا مەسئۇل قىپتۇ.
بىرقېتىم كارنىگ سىكوت ئىدارە باشلىقىغا كەلگەن جىددى تېلگېراممنى تاپشۇرۋاپتۇ، ئۇنىڭ مەزمۇنى مۇنداق يېزىلغان ئىدى: پويىز ئالتودا تۆت سائەت توسۇلۇپ قالدى، ئىدارە باشلىقى جىددى بىر تەرەپ قىلىشى كېرەك. قاملاشمىغان يىرى، ئىدارە باشلىقى سىكوتسىرتقا چىقىپ كەتكەن بولۇپ ئالاقىلەشكىلى بولمايىتتى. بىراق ،ۋاقتىدا تەڭشەش بۇيرۇقى بېرىلمىگەندە ئېھتىمال پويىزلارنىڭ ئۆز– ئارا سوقۇلۇپ كېتىشىدەك چوڭ خەتەر كېلىپ چىقىشى مۇمكىن ئىدى.
بۇنداق قىيىن ئەھۋال ئاستىدا ھېچكىمدىن سادا چىقماپتۇ، چۈنكى بۇنداق ۋاقىتتا ئىدارە باشلىقىدىن باشقىلار ئۆز بېشىمچىلىق بىلەن تەڭشەش بۇيرۇقى چۈشۈرسە خىزمەتتىن قالدۇرۇلۇش خەۋپى بار ئىدى. كۆپچىلىك ھەممەيلەن ئىككىلىنىپ ۋە جىددىيلىشىۋاتقان چاغدا، كارنىگ باشلىقنىڭ ئىشخانىسىغا كىرىپ ئىدارە باشلىقىنىڭ ئىمزاسى بىلەن تەڭشەش بۇيرۇقى بېرىپ، بۇ ئارقىلىق بىر قېتىملىق خەتەردىن ساقلىنىپ قاپتۇ. بۇ ئىشتىن كىيىن سىكوت ئەپەندىم كارنىگنى مەسئۇليەتچانلىق ئېڭى ناھايىتى كۈچلۈك دەپ ماختاپتۇ.
ئۆزىنىڭ تىرىشچانلىقى ۋە سەزگۈرلۈكىگە تايانغان كارنىگ خىزمەتنى ناھايىتى ياخشى ئىشلەپتۇ.سىكوت ئەپەندىنىڭ كۆرسىتىشى ئارقىسىدا، ئۇنىڭ تۆمۈر يول ئىدارىسىدىكى خىزمەت ئورنى بارغانسىرى يۇقىرى كۆتۈرۈلۈپ، كىيىن سىكوت ئەپەندىم يۆتكىلىپ كەتكەندىن كىيىن،كارنىگ پىتىسبورگ تۆمۈر يول ئىدارىسىنىڭ باشلىقلىقىغا تەيىنلىنىپتۇ.
1865 – يىلى كارنىگ تۆمۈر يول ئىدارىسىدىكى خىزمىتىدىن ئىستىپا بېرىپ، ئۆزىنىڭ ئىشلىرىغا كىرىشىپتۇ. ئۇ ئىلگىرى – كىيىن پىتىسبورگ رېلىس شىركىتى، پاراۋوز ياساش شىركىتى ۋە تۆمۈر تاۋلاش زاۋۇتى قاتارلىقلارنى قۇرۇپ،پولات – تۆمۈر كەسپىگە كىرىشكە باشلاپتۇ.
19 –ئەسىرنىڭ ئاخىرى 20 – ئەسىرنىڭ باشلىرىدا كارنىگ پولات – تۆمۈر شىركىتى دۇنيادىكى ئەڭ چوڭ پولات – تۆمۈر كارخانىسىغا ئايلىنىپ، كارنىگ ئۆزىمۇ ئەينى ۋاقىتتىكى دۇنيانىڭ ئالدىنقى قاتاردىكى بېيىغا ئايلىنىپتۇ.
بىر ئاددى تېلېگراف خادىمىدىن دۇنيانىڭ «پولات – تۆمۈر پادىشاھى» غا ئايلىنىش سەرگۈزەشتىسى ئارقىلىق، كارنىگ پۈتۈن دۇنياغا ئۆزىنىڭ رىۋايەت خاراكتېرلىك ھاياتىنى نامايەن قىلىپ بەرگەن. ناھايىتى ئېنىقكى، ئاندىرو. كارنىگ بولسا مەسئۇليەت ئېڭى ناھايىتى كۈچلۈك ئادەم.
ئۇ مەسئۇليەتنى بېسىم ئورنىدا كۆرمىگەنلىكى سەۋەبلىك، ئوخىئو دەرياسى يار ئېلىپ كەتكەندە ئاكتىپلىق بىلەن كېمىدىن پايدىلىنىپ تېلېگرامما توشۇپ شىركەتنىڭ چوڭ قىيىنچىلىقىنى ھەل قىلغان ؛ مەسئۇليەتنى تۈرتكىلىك كۈچ قاتارىدا كۆرگەنلىكى سەۋەبلىك، ئۇ تېخى خىزمەتكە چۈشىدىغان ۋاقىت كەلمەستىلا خېرىدارلارنى كۈتىۋېلىپ،ئۇلارغا ئەتراپلىق مۇلازىمەت قىلغان، بۇ ئارقىلىق ئۇلاردا ناھايىتى چوڭقۇر تەسىر قالدۇرۇپ، ئۆزىنىڭ كىيىنكى ھاياتىدا ناھايىتى چوڭ ياردەملەرگە ئېرىشكەن؛ كۈچلۈك مەسئۇليەتچانلىقى بولغانلىقى سەۋەبلىك، كارنىگ خەتەرلىك پەيىتلەردە كۆكرەك كېرىپ ئوتتۇرىغا چىقىپ ئۆز رەھبىرىنىڭ ئېتىراپ قىلىشىغا ئېرىشكەن؛ مەسئۇليەتچانلىق تۇيغۇسى كۈچلۈك بولغاچقا، ئۇ غايەت زور كۆلەمدىكى
پولات – تۆمۈر كارخانىسىنى قۇرۇپ چىقىپ ئىسمى –جىسمىغا لايىق «پولات – تۆمۈر پادىشاھى» غا ئايلانغان.
ھەقىقەتەن،بىر ھەقىقىي باي چوقۇم يۈكسەك مەسئۇليەتچانلىققا ئىگە ئادەم. ئۇ ئۆزى ۋە ئائىلىسىدىن تارتىپ جەمئىيەتكىچە مەسئۇل بولالايدۇ. پۈتۈن دۇنياغا داڭقى پۇركەتكەن كارخانىچى، «تەڭگە يۇلتۇزى»شىركىتىنىڭ قۇرغۇچىسى موباك ئىجتىمائىي مەسئۇليەتچانلىق ئېڭى ناھايىتى كۈچلۈك بولغان باي.
سىتانفورد ئۇنىۋېرسىتىتىدا ئوقۇۋاتقان مەزگىلدە، موباك ئوقۇش پۇلىنى تېپىش ئۈچۈن ئوقۇغۇچىلار ياتىقىنىڭ تازلىق خىزمىتىنى ئۈستىگە ئالغان. تازلىق قىلغان ۋاقىتلاردا موباك ھەمىشە ئوقۇغۇچىلار ياتىقىنىڭ بۇلۇڭلىرىدىن چاڭ – توزان بېسىپ كەتكەن تەڭگە پۇللارنى تېپىۋالاتتى.
موباك تېپىۋالغان پۇللارنى ساۋاقداشلارغا قايتۇرۇپ بەرگەندە، ئوقۇغۇچىلار خۇشياقمىغان تەلەپپۇزدا بۇ پارچە تەڭگىلەرگە ھېچقانداق نەرسە سېتىۋالغىلى بولمايدىغانلىقىنى،يېنىدا تۇرسىمۇ ناھايىتى ئاۋارىچىلىق بولۇپ قالغاچقا، شۇڭا بۇلارنى تاشلىۋىتىدىغانلىقىنى ئېيىتقان.
موباك تاشلىۋىتىلگەن تەڭگە پۇللارنى جۇغلاشقا باشلاپتۇ، شۇنداق قىلىپ بىر ئاي ئۆتكەندەئۇ ئۆزىنىڭ 500 ئامېرىكا دوللىرى پۇل جۇغلىغانلىقىنى ھەيرانلىق ئىچىدە بايقاپتۇ!بۇ ئويلىمىغان كىرىم ئۇنى ناھايىتى خۇشال قىپتۇ، ئۇ ئۆزىنىڭ ئوقۇش پۇلى مەسىلىسىنى ھەل قىلىپلا قالماستىن، يەنە ئۆزىنىڭ تۇرمۇش سەۋىيىسىنى ئۆستۈرۈپتۇ.
شۇنداق قىلىپ، موباك تەڭگە پۇللارنى يىغقانسىرى كۆپىيىپتۇ. ئۇ نەچچە مىڭ ئامېرىكا دوللىرىلىق تەڭگە پۇللارنى يىغقان ۋاقىتتا، كىشىلەرنىڭ تەڭگە پۇللارغا ئېتىبار بەرمەسلىك، قەستەن تاشلىۋېتىشىدەك ئەھۋالنى دۆلەت بانكىسى ۋە مالىيە مېنىستىرلىكىگە خەت يېزىپ ئىنكاس قىلماقچى، بۇ ئارقىلىق مۇناسىۋەتلىك ئورگانلارنىڭ كۆڭۈل بۆلۈشىنى قولغا كەلتۈرۈپ ھەمدە ئۇلارغا تەكلىپ بېرىپ، جەمئىيەتتىكى تەڭگە پۇللارنى قەدىرلىمەيدىغان، كىچىك سوممىدىكى تەڭگە پۇللارنى خالىغانچە تاشلىۋىتىدىغان ئەھۋاللارغا بولغان باشقۇرۇشنى كۈچەيىتمەكچى بوپتۇ.
مۇناسىۋەتلىك ئورگانلار ناھايىتى تىزلا موباكنىڭ خېتىگە ئىنكاس قايتۇرۇپتۇ،ئۇلار بۇ خىل ئەھۋالنىڭ ئومۇميۈزلۈك ئىكەنلىكىنى، ھەريىلى تەخمىنەن 105 مىليارىد ئامېرىكا دوللىرى قىممىتىدىكى تەڭگە پۇللارنىڭ تاشلىۋىتىلدىغانلىقىنى، ئىلگىرى كۆپقېتىم كىشىلەرگە تەڭگە پۇللارنى قەدىرلەشنى چاقىرىق قىلغان بولسىمۇ، بىراق ئۈنۈمىنىڭ ياخشى بولمىغانلىقىنى، نۆۋەتتە بۇ جەھەتتىكى باشقۇرۇشنى كۈچەيتىدىغان ياخشى ئۇسۇلنىڭ يوقلۇقىنى ئېيتىپتۇ.
گەرچە بۇ جاۋاب موباكنى ئۈمىدسىزلەندۈرگەن بولسىمۇ، بىراق ئۇ كىشىلەرنىڭ كاللىسىغا كىچىك سوممىدىكى تەڭگە پۇللارنى قەدىرلەش ئىدىيىسىنى يىلتىز تارتقۇزۇشتىن ۋاز كەچمەپتۇ.
1991 – يىلى ئالىي مەكتەپنى پۈتتۈرگەن موباك «تەڭگە يۇلتۇزى» شىركىتىنى تىزىمغا ئالدۇرۇپ،مەخسۇس تەڭگە پۇل ئالماشتۇرۇش مۇلازىمىتىنى يولغا قويۇپتۇ. موباك نەچچە دانە ئاپتوماتىك پۇل ئالماشتۇرۇش ماشىنىسى سېتىۋېلىپ ھەر قايسى چوڭ تاللا بازارلىرىغا ئورنىتىپتۇ، خېرىدار پەقەت قولىدىكى تەڭگە پۇلنى ئاپتوماتىك پۇل ئېلىش ماشىنىسىغا سالسىلا ماشىنا ئۇلارغا ئىسپات چىقىرىپ بېرىدۇ، ئاندىن ئۇلار بۇ ئىسپاتنى ئېلىپ تاللا بازىرىنىڭ مۇلازىمەت سۇپىسىدىن نەق پۇلغا ئالماشتۇرۋالسا بولىدۇ. پۈتكۈل جەريانغا پەقەت %9 لىك رەسمىيەت ھەققى كېتىدىغان بولۇپ، بۇنىڭدىن كىرگەن كىرىمنى موباك ۋە تاللا بازىرى نىسبەت بۇيىچە ئۆلۈشىدۇ.
موباكنىڭ«تەڭگە يۇلتۇزى» شىركىتى تىجارەت باشلىشىغىلا تىجارىتى ناھايىتى قىزىپ كېتىپتۇ،تەڭگە پۇل ئالماشتۇرغىلى كەلگەن خېرىدارلارنىڭ ئايىغى ئۈزۈلمەپتۇ.موباك ئۆزىنىڭ دەسلەپكى خىياللىرىنى ئەمەلگە ئاشۇرۇپلا قالماستىن، يەنە بۇنىڭدىن نۇرغۇن پايدىغا ئېرىشىپتۇ، ھەمدە تاللا بازىرى ۋە ئىستىمالچىلارغا قولايلىق يارىتىپ بېرىپتۇ.
پەقەت يەتتە يىلغا يەتمىگەن ۋاقىت ئىچىدە، موباكنىڭ «تەڭگە يۇلتۇزى» شىركىتى پۈتكۈل ئامېرىكىنىڭ 8900 جايدىكى چوڭ تىپتىكى تاللا بازارلىرىغا 11800 دانە ئاپتوماتىك تەڭگە پۇل ئالماشتۇرۇش زەنجىرسىمان دۇكىنى تەسىس قىلىپ، ئامېرىكىدا مۇئەييەن كۆلەم شەكىللەندۈرۈپتۇ. ھەمدە ناسداكتىكى نامى چىققان بازارلىق شىركەتكە ئايلىنىپتۇ،موباك ئۆزىمۇ بىرلا دومىلاپ مىليادىرغا ئايلىنىپتۇ.
موباكتىن ئىبارەت ئەينى ۋاقىتلاردا باشقىلار نامرات دەپ مەسخىرە قىلىدىغان بۇ كىچىك شەخىسنىڭ بۈگۈنكىدەك نەتىجىگە ئېرىشىشى ئۇنىڭدىكى ئىجتىمائىي مەسئۇليەت ئېڭى بىلەن مۇناسىۋەتلىك. ئەگەر ئۇنىڭدا مەسئۇليەت ئېڭى بولمىسا،مەسئۇليەتنى بىر خىل بېسىم ئورنىدا كۆرگەن بولسا، ئۇنداقتا ئۇنىڭ دۆلەت بانكىسى ۋە مالىيە مېنىستىرلىكىگە خەت يېزىپ كىچىك سوممىلىق تەڭگە پۇللارنىڭ ئىسراپ بولۇش ئەھۋالىنى ئىنكاس قىلىشى مۇمكىن ئەمەس ئىدى؛
ئەگەر ئۇ مەسئۇليەتتىن قورقۇپ،مەسئۇليەتتىن ئۆزىنى قاچۇرغان بولسا، ئۇ ھەرگىزمۇ بىر كىچىك ئىشتىن چوڭ سودا پۇرسىتىنى بايقىيالمىغان بولاتتى؛ ئەگەر مەسئۇليەتنى تۈرتكىلىك كۈچ قىلمىغان بولسا، ئۇنداقتا ئۇ قەتئىيلىك بىلەن ئىگىلىك يارىتىش يولىغا مېڭىپ ئۆزىنىڭ غايىسىنى ئەمەلگە ئاشۇرمىغان بولاتتى.
كۆرۈۋالغىلى بولىدۇكى، بايلىقنى قوغلىشىش جەريانىدا مەسئۇليەت ئېڭى غەلبىنى قولغا كەلتۈرۈشتە كەم بولسا بولمايدىغان ئامىل بولۇپ، پەقەت مەسئۇليەتنى تۈرتكىلىك كۈچ قىلىپ،جاسارەت بىلەن مەسئۇليەتنى ئۆز ئۈستىگە ئالغاندىلا ئاندىن ئۆزىنىڭ بايلىق توپلاش غايىسىنى ئەمەلگە ئاشۇرغىلى بولىدۇ.
شۇنىڭ ئۈچۈن، بايلاردىن بولۇشنى ئويلىشىۋاتقان نامرات دوستۇم ، ئۆزىڭىزنىڭ مەسئۇليەت ئېڭىنى يىتىلدۈرۈڭ، مەسئۇليەتنى ئۆزىڭىزگە تۈرتكىلىك كۈچ قىلىپ،مەسئۇليەتچان ئادەم بولۇشقا تىرىشىڭ!
مەسئۇليەت ئېڭى ئىگىلىك يارىتىشتىكى كاپىتال، ھەرقانداق ئوقۇش تارىخىغا سېلىشتۇرغىلى بولمايدىغان ئەۋزەللىك. مەسئۇليەت ئېڭى ئادەمنىڭ باي بولۇش پۇرسىتىنى بايقىشىغا ياردەم بېرىپ، ئالغا ئىلگىرىلەش كۈچىنى يۈكسەلدۈرىدۇ. مەسئۇليەت ئېڭى يىتىلدۈرۈش يۇقىرى ئوقۇش تارىخىغا قارىغاندا تېخىمۇ مۇھىم.
بايلىقنىڭ بايانى:
بايلار شۇنى چوڭقۇر چۈشىنىدۇكى، بارلىق ئامالنى قوللىنىپ ئۆزىنى قاچۇرغان تەقدىردىمۇ، ئاخىرىدا يەنىلا يۈزلىندىغان رىئاللىققا چوقۇم يۈزلىنىش، ئۈستىگە ئالىدىغان مەسئۇلىيەتنى چوقۇم ئۈستىگە ئېلىش كېرەك. مەسئۇليەتنى بېسىم ئورنىدا كۆرۈپ، ئۇنىڭدىن ئۆزىنى قاچۇرغاندىن كۆرە، باشلىنىشتىلا مەسئۇليەتنى تۈرتكىلىك كۈچ قاتارىدا كۆرۈپ ئاكتىپلىق بىلەن ئۇنىڭغا يۈزلىنىش ۋە ئۇنى ئۆز ئۈستىگە ئېلىش لازىم.
شۇنى بىلىش كېرەككى: مەسئۇليەتنى تۈرتكىلىك كۈچ قاتارىدا كۆرىدىغان،مەسئۇليەت ئېڭى بار ئادەم ھامان تېخىمۇ كۆپ بايلىققا ئېرىشەلەيدۇ، ئەكسىچە ئاشۇ مەسئۇليەتنى بېسىم ئورنىدا كۆرىدىغان، مەسئۇليەتتىن ئۆزىنى قاچۇرىدىغان ئادەمنىڭ پۇرسەتكە ئېرىشمىكى تەسكە توختايدۇ، ھەتتا پۇرسەتتىن قۇرۇق قالىدۇ.
بۇ يازمىنى ئاخىرىدا WWW.UYHQT.COM تەھرىرلىگەن. ۋاقتى 2014-10-3 11:59 AM
يوللىغان ۋاقتى 2014-9-30 08:21:28 PM
