ئەپچىلەمنىڭ بىر يىلى ~ئەسلىمە

ap~qilam

	بۈگۈن7-ئاينىڭ 24-كۈنى مەن ئۈچۈن قۇتلۇق بىر كۈن يەنى مېنىڭ مىسرانىم مۇنبىرىگە ئەزا بولۇپ كىرگەنلىكىمگە توپتوغرا بىر يىل بولغان ئالاھىدە كۈن.مانا بۇنىڭدىن بىر يىل مۇقەددەم مىسرانىم مۇنبىرىگە ئەپچىلەم دېگەن نامدا تۇنجى قەدىمنى باسقانىدىم،شۇڭا بۈگۈن ئاشۇ بىر يىللىق مۇنبەر ھاياتىمىنى بىر ئەسلەپ ئۆتۈش باھانىسى بىلەن بۇ ئەسلىمىنى مۇنبەرداشلارنىڭ ھۇزۇرىغا سۇنۇشنى لايىق كۆردۈم . بەلكىم 2012-يىلى مېنىڭ بۇ مۇنبەر دېگەن مەۋھۇم ئۇقۇم بىلەن تۇنجى تۇنۇشقان ۋاقتىم بولسا كېرەك، راست گەپنى قىلسام 20ياشقا كىرگۈچە ئۆزەمنىڭ مۇشۇ مۇنبەر دېگەننى بىلمەي ئۆتۈپ كەتكەنلىكىمدىن  راستىنلا ئەپسۇسلىنىمەن، ئۆزەمنىڭ قانداق قىلىپ مۇنبەرگە يەنى مىسرانىم مۇنبىرىگە ئەزا بولۇپ قالغانلىقىمنى بىلمەيمەن .بەلكىم مەندىكى بىر نەرسىگە بولغان ئاسان قىزىقىش تۈپەيلى بۇ مۇنبەرگىمۇ مۇنداقلا قىزىقىش تۈرتكىسىدە كىرىپ قالغان بولۇشۇم مۇمكىن .خوش ئەمدى ئەپچىلەم دېگەن نامغا كەلسەك بۇ نامغا مەن بەك ئامراق، بەلكىم مۇنبەرداشلىرىممۇ بۇ ئىسمىمغا خىرىس قىلغان بولسا كېرەك ، مۇنبەرداشلاردىن يوشۇرمايمەن مەن كىتاب ئۇقۇشقا ئۆچ ، مەكتەپتىمۇ ئاتا-ئانامنىڭ بېسىمى بىلەن ئوقۇپ دېگۈدەك قاشاڭلىق ئىچىدە تولۇق ئوتتۇرىنى پۈتتۈرگەن.ئەدەبىي يېزىقچىلىق ھۈجەيرىسى ئەمەلىيەتتە مەندە يوقنىڭ ئورنىدا ،بەزىدە ئويلاپ كېتىمەن مۇشۇ ھازىر يازغان شېئىر-ھېكايە ۋە مەندىكى ئانچىكى يېزىقچىلىق جەھەتتىكى بۇ ئىقتىدار مەكتەپتە ئۇقۇغان چاغدا بايقالغان بولسىدى ،بەلكىم بۇ چاققىچە خېلى يۈكسىلىپ قالار بولغىيدىم، لېكىن مەن ئىقتىدارىمنى مۇنبەر دېگەن مەۋھۇم دۇنيانى بىلگەندىن كېيىن ئاندىن تۇنۇپ يەتتىم.مۇنبەرگە يېڭى كىرگەن ۋاقتىمنى ئويلىسام شۇ چاغدا مىسرانىمدىمۇ تىزىملىتىڭ دەپ ئەسكەرتىلمە چىقىۋالىدىغان ئىشلار بار ئىدى ، شۇڭا ئامالسىز تىزىملىتىپ كىرىشىمگە توغرا كېلەتتى ،ئەمەلىيەتتە مەن قانداقلا قالايمىقان ئىسىم قويسام بولاتتىغۇ دەپ ئويلىدىم ، لېكىن كېيىنچە مۇنبەردىكى يېقىشلىق ئىسىمنى كۆرۈپ مەندىمۇ خەقنىڭ كۆڭلىدە توختىغۇدەك ئىسىم قويۇش ئويى شەكىللەندى، شۇ چاغلاردا مەن يەنە باشقا مۇنبەرگىمۇ يېڭى ئەزا بولۇپ يۈرگەن چاغلىرىم ئىدى، ئۇ مۇنبەردىكى نامىم ئەپچىلەم ئىدى ،شۇنىڭ بىلەن بۇ مۇنبەرگىمۇ شۇ نامىمدا كىرىشنى لايىق تاپتىم، ئەپسۇس ئەپچىلەم دېگەن ئىسىم تىزىملىتىپ بولۇنغان لېكىن مېنىڭ بۇ ئىسىمدىن ۋاز كەچكۈم كەلمەيتى شۇنىڭ بىلەن ئەپچىللىك بىلەن ئامال تېپىپ يۇقىرىقى ئىسمىمدا تىزىملىتىپ كىردىم، كىرگەندىن كېيىن مېنىڭ تۇنجى بولۇپ ئويلىغان خىيالىم نېمە بىلەمسىلەر؟ مەن مۇنبەرگە كىرگەندە شۇنداق نىيەت بىلەن مىسرانىم مۇنبىرىنىڭ ئىشىكىنى چەككەن يەنى بىر يىل ئىچىدە چۇقۇم مۇنبەردىكى پارلىغان يۇلتۇزغا ئايلىنىپ ئاساسەن ھەممە ئادەم تۇنۇيدىغان ئىسمى-جىسمىغا لايىق ئەپچىلەم بولىمەن دەپ ئۆزەمگە ئەھدە قىلغان ،مانا بىر يىل بولۇپتۇ بۇ نىشانىمغا يەتتىمۇ يوق بىلمەيمەن ،ئىشقىلىپ شۇنىڭدىن باشلاپ ئۆزۈمنى مۇنبەر ساھەسىدە ئەپچىلەمدىن باشقا ئىسىمغا لايىق ئەمەستەك ھېس قىلىدىغان بولۇپ قالدىم ، ئەمدى تېمىغا كەلسەك مېنىڭ مىسرانىمغا تۇنجى بولۇپ يوللىغان تېمام تۇنجى قەدەم /thread-84190-1-1.htmlناملىق مۇخەممەس، قانداق ئۇ مۇخەممەسنى قانداق بىر ئىلھامنىڭ تۈرتكىسىدە يېزىپ چىققانلىقىم ئېسىمدە يوق ، بەلكىم ئەزالارنىڭ يازغان يازمىلىرىنى كۆرۈپ ،مەنمۇ نېمىشقا باشقىلاردەك يېزىپ باقمايمەن دېگەن نىيەتنىڭ تۈرتكىسىدە يېزىپ چىقىلغان بولۇشى مۇمكىن ،شۇنداق قىلىپ مەنمۇ تۇنجى قەدەمنى بېسىش بىلەنلا مىسرانىم مۇنبىرىگە چۆكۈپلا كەتتىم،ئەلۋەتتە شۇنىڭدىن كېيىن مېنىڭ مۇنبەرگە يەنە قايتا تېما يوللىشىمدا مۇنبەرداشلارنىڭ رىغبىتى مەدەت بولدى، يەنە تېما يوللىدىم قارىسام ئەسىرىمدىن بەھىرلىنىدىغانلار بۇرۇنقىدىن جىقايغاندەك قىلدى شۇنىڭ بىلەن پات-پات مىسرانىمغا يازما يوللاپ تۇردۇم. بىر كۈنى توساتتىن مەن مۇنبەردە نېمىشقا شېئىرلا يوللايمەن دېگەن ئويغا كېلىپ قالدىم ، دېمىسىمۇ شۇ چاغلاردىمۇ شېئىرلار مۇنبەردە ئاساسلىق ئورۇننى ئىگەللەيتى، قانداق قىلىش كېرەك ؟شۇنىڭ بىلەن مەنمۇ ھېكايە يېزىش نىيىتىگە كەلدىم .قانداق يېزىش كېرەك ئامالسىز ئوي -پىكىرىمگە ئاساسلىنىپلا بىر ھېكايە پۈتكۈزدۈم .يانفۇن مۇزىكىسى /thread-84509-1-1.htmlدېگەن ھېكايە مېنىڭ تۇنجى پىروزا جەھەتتىكى ئىجادىيىتىم بولدى،لېكىن شۇ چاغدىكى مەندىكى ھېكايىگە بولغان چۈشەنچىنىڭ كەمچىل بولۇشى تۈپەيلى بۇ ئەسىرىم مۇنبەرداشلارنىڭ ئانچە ياقتۇرىشىغا ئېرىشەلمىدى راستىننى ئېيىتسام  كېيىن ئۆزەم ئوقۇپمۇ ئاجايىپلا بولۇپ قالغانىدىم.يەنىلا شېئىر يېزىشنى ئوڭاي دەپ ئويلاپ شۇنىڭ يولىغا كىرىۋالدىم ، لېكىن يەنىلا ھېكايە يېزىشنىمۇ ئويلاپ يۈرەتتىم، كېيىن يانا ھېكايە يازدىم ،مەن توساتتىن ئۆزەمنىڭ تەسەۋۇرغا باي ئىكەنلىكىمنى بايقاپ قالدىم شۇنىڭ بىلەن ھېكايىلىرىمنى تەسەۋۇرنىڭ كۈچىدىن پايدىلىنىپ يېزىپ چىقماقچى بولدۇم .تەسەۋۇردىن پايدىلىنىپ ھېكايە يېزىش تاكى ھازىرغىچە پىروزا جەھەتتە ماڭا ھەمرا بولۇپ كېلىۋاتىدۇ ، شۇنداق قىلىپ بىر مەھەل مۇنبەر ئارلاپ يۈردۈم، توساتتىن كۆزلىرىم مۇنبەردە  كۆزنىڭ يېغىنى يەيدىغان نادىر تېمىلارغا چۈشۈپ قالدى ، يەنە ئوخشاشلا مەن نېمىشقا نادىر تېما يازالمايمەن دېگەن نىيەت بىلەن زادى بىرى نادىر تېما يېزىش نىيىتىگە كەلدىم ۋە يەنە تەسەۋۇرنىڭ كۈچى بىلەن خىيالىزىملىق ھېكايىلەر /thread-85660-1-1.htmlدېگەن نامدا ئىككى ھېكايىنى يوللىدىم ، قۇرۇق يۇيۇش دۇكىنىدىكى مۇھاببەت دېگەن ئەسىرىمنىڭ دەسلەپكى بۆلىكى دەل شۇ چاغدا ئېلان قىلىنغان مانا ھازىر ئۇ ئەسىرىم مۇكەممەل بىر پوۋسىت بولۇپ قالدى دېسەممۇ بولىدۇ.بۇ چاغدا شۇنىمۇ ئېيتىپ قويغۇم كېلىۋاتىدۇ ، شۇ چاغلاردا ئابدۇكىرەم ئابلىزنىڭ ھېلىقى ھەۋەسكارنىڭ ھەسرىتى دېگەن ئىتوتىنى كۆرۈپ توساتتىن مەندە مۇشۇ ئىتوت سىنارىيىسىنى مۇنبەر تىلىغا ئايلاندۇرۇپ يېزىپ باقمايمەن دېگەن ئويمۇ كەلگەن ۋە مۇشۇ ئويۇمنى بىر رىئاللىققا ئايلاندۇرۇش ئۈچۈن ئۇ ئىتوتنى قايتىلاپ-قايتىلاپ كۆرۈپ چىقتىم ۋە ئاخىرى ئۆزگەرتىپ يېزىپ چىقتىم . بۇ يەردە ئاۋال شۇ ئەسىرىمنى تۈزىتىپ مۇكەممەل قىلىشىمغا ياردەم قىلغان سابىق مۇنبەر باشلىقى  يەنى ھازىرقى ئالىي ئەزا ھۆكۈمران ئاكىغا چىن كۆڭلۈمدىن رەھمەت ئېيتىمەن .شۇنداق قىلىپ   ئىتوتنى قاسىم قۇشۇق مىسرانىمدا /thread-85766-1-1.htmlدېگەن نام بىلەن مۇنبەردە نامايان قىلدىم(ھازىرغىچە قاسىم قۇشۇق مىسرانىمدا ئىككى بۆلۈم يېزىلدى)بىر كۈن ئۆتۈپ مېنى تولىمۇ ھاياجانلاندۇرىدىغان بىر ئىش يۈز بەردى يەنى تېمام نادىرلىنىپتۇ ، بىرسى ئەمەس ئىككى تېمام نادىر بولغانىدى ، تېخى نەچچە كۈن ئاۋال يوللىغان خىيالىزىملىق ھېكايەممۇ نادىر تېما دېگەن شەرەپكە نائىل بولغانىدى ،شۇ چاغدا ئويلاپ قالغانىدىم بىرلا كۈندە ئىككى تېمامنىڭ كەينى-كەينىدىن مىسرانىم مۇنبىرى تەرىپىدىن نادىر تېما دەپ تامغا ئۇرۇلىشى بەلكىم مىسرانىم مۇنبەر تارىخىدىكى تۇنجى ئىش بولۇشى مۇمكىن .كىيىن  باشقۇرغۇچى ماڭا قىسقا ئۇچۇر يوللاپ مېنىڭ بىر تېمامنىڭ نادىرلىقتىن قالدۇرۇلغانلىقىنى ۋە مەندىن قايسىنى نادىر قىلىشىم بارلىقىنى سورىدى ، مەن ئىشنىڭ تىگىنى ئۇققاندىن  كېيىن بىر تېمام نادىرلىقتىن قالدى ، ئەسلى بىرلا ۋاقىتتا ئىككى تېمامنىڭ  نادىر دەپ باھالىنىشى سەل سەلبى تەسىر بېرىپ قويىدىكەن (كېيىن  ئۇ تېماممۇ نادىر بولدى)،شۇنداق قىلىپ ئىككى تېمامنىڭ نادىرلىنىشى بىلەن مۇنبەردىكى ئەپچىلەم دېگەن نامىمنىڭ خېلى ئۆسۈپ قالغانلىقىنى ھېس قىلدىم، شۇنى بىلەن مىسرانىم مۇنبىرىگە تېخىمۇ ئىچەكىشىپ كەتتىم، يازما يوللاپ تۇردۇم ، لېكىن مېنىڭ ئاساسلىق يوللايدىغىنىم يەنىلا شېئىر ئىدى ،ۋاقىت ئۆتكەنسىرى شېئىرىيەتتىمۇ ئۆزگىرىش بولدى ، يېزىش شەكلىم ئاساسەن مۇھەببەت شېئىرى يېزىشقا قاراپ يۈزلەندى،شۇنىڭدىن كېيىن تاكى ھازىرغىچە مۇنبەردە شېئىرجەھەتتە مۇھاببەت شېئىرلىرىىنى يېزىش ئاساسىي ئورۇندا تۇرۇپ كەلدى ،شۇ چاغلاردا ئۆزەم بىر خىل شېئىر شەكلىنى ئىجات قىدىم . راستىننى ئېيىتسام ئۇ شېئىر شەكلىنىڭ بارلىقىنى بىلمەيمەن ،بەلكىم مەن ئىجاد قىلغان بولۇشۇم مۇمكىن.  كېيىن ئۇنى مۇنبەرداشلارغا بۇ شېئىر ئۈستىدە ئورتاقلاشساق /thread-86150-1-1.htmlدېگەن ماۋزۇدا دوستلارنىڭ ھۇزۇرىغا سۇندۇم ئەمما ئۇ مەزمۇنىنىڭ چۇۋالچاق، ۋە ھەددىدىن زىيادە قاپىيە قوغلاشقانلىق  سەۋەبىدىن ئوقۇرمەنلەرنىڭ ئانچە ياقتۇرۇشىغا ئېرىشەلمىدى ، شۇنىڭ بىلەن مەنمۇ ئۇ شېئىر ئۈستىدە قايتا ئىزدەنمەس بولدۇم . شۇچاغلادا ھېكايە يېزىشىمدا ئۆزەمگە بىر ئىشنى ئادەت قىلىۋالدىم  يەنى مەن ئاساسى جەھەتتىن تەسەۋۇرغا تايىنىپ ھېكايە يازغاچقا ھېكايىنىڭ  ۋەقەلىكىنى كىشى ئويلىمىغان يەرلەردىن ئالاتتىم ، شۇنىڭ بىلەن بىر چاغدا خىيالىمغا توساتتىن ھېلىقى خىيالىزىملىق ھېكايىدىكى ئىنكاسلار كېلىپ قالدى  بەزى مۇنبەرداشلار ھېلىقى قۇرۇق يۇيۇش دۇكىنىدىكى مۇھاببەتنىڭ داۋامى بارمۇ  دېگەندەك ئىنكاسلارنى قالدۇرۇپ قويۇشقانىدى شۇنىڭ بىلەن مەن ئۇ ھېكاينىڭ ئاخىرىنى تەسەۋۋۇر ئارقىلىق يېزىپ تۈگەتتىم ، شۇنىڭدىن باشلاپ مېنىڭ ھەممە ھېكايەم چاتما ھېكايە بولۇپ قالدى ، ئەلۋەتتە مۇشۇ قۇرۇق يۇيۇش دۇكىنىدىكى مۇھاببەتتىن باشقىسى ، تۆت قىسىم يازدىم  بەزى مۇنبەرداشلار ئاخىرى يەنە بارمۇ دېگەچكە  قانداق داۋام قىلىشنى بىلمەي ئۆلۈم يولى /thread-102788-1-1.htmlئارقىلىق ئۇ ئەسەرنى بەشىنچى بۆلۈمىدە ئاخىرلاشتۇردۇم .خوش! شۇنداق قىلىپ شېئىر ئاساس ئورۇندا تۇرغان يازمىلىرىم مۇنبەردە لەيلەپ يۈردى، قىسمەن ھېكايىلەرنىمۇ يېزىپ مۇنبەرداشلارنىڭ ھۇزۇرىغا سۇنۇپ تۇردۇم .شۇنداق كۈنلەرنىڭ بىرىدە مىسرانىم -مەشرەپ مۇكاپاتلىق پائالىيىتى يولغا قۇيۇلدى مەنمۇ ئۆزەمنىڭ تالانتىنى بىر نامايان قىلىش ئۈچۈن بۇ پائالىيەتكە ئىشتىراك قىلدىم يەنى باشلىقنىڭ پوق يېگۈسى كەپتۇ /thread-94448-1-1.htmlدېگەن چاتما ھېكايەمنى مۇكاپاتقا قاتناشتۇردۇم ،كېيىن  مۇكاپات نەتىجىسى ئېلان قىلىنغان چاغلاردا شۇنچىلىك ھاياجانلاندىم ،مېنىڭ ئەسىرىممۇ  مۇكاپاتلىنىپتۇ 3-دەرىجىلىك مۇكاپاتقا ئېرىشىپتۇ. ئەسەر يېزىشىم داۋاملىشىپ باردى بۇ يەردە شۇنىمۇ دەپ قويغۇم كېلىۋاتىدۇ يەنى بىر چاغلاردا مەن يوللىغان مىسرانىمدا قىزلارغا قوشاق كەتتى /thread-94658-1-1.htmlدېگەن تېما مىسرانىم تارىخىدىكى ئىنكاس ئەڭ جىق چۈشكەن مۇشائىرە تېمىسى بولۇپ قالدى، بەلكىم مىسرانىم مۇنبىرىدىكى يازمىلار ئىچىدىمۇ ئەڭ جىق ئىنكاس چۈشكەن يازما بولۇپ قالغان بولۇشى مۇمكىن ، شۇنداق قىلىپ تاكى ھازىرغىچە مۇنبەرگە تېما يوللاپ كېلىۋاتىمەن مانا ھازىرغىچە جەمئىي 116تېما يوللاپتىمەن بۇنىڭ ئىچىدە 28پارچە ھېكايە ،كۆڭۈلدىكى سۆز دېگەنگە بىر تېما ، بىر ياردەم تېمىسى ،بىر بەس مۇنازىرە ۋە ئىككى پايدىلىنىش ئۇچۇرى يولاپتىمەن ، ئۇنىڭدىن باشقا يازمامنىڭ ئاساسەن ھەممىسى دېگۈدەك  شېئىر ژانىرىدىكى ئەسەرلەر ئىكەن .ھە راست بىر مەزگىل تېخى قىيداش ئىچىدە مىسرانىم مۇنبىرىگە كىرمىگەن ،تېما يوللىمىغان چاغلىرىممۇ بولغان. مۇھەببەت تېمىسىنىڭ تەستىقلانماسلىقى تۈپەيلى  باشقۇرغۇچىلار بىلەن سوقۇشۇپ قالغان ۋە  كۆتەر قاسقىنىڭنى دەپ بۇ مۇنبەرگە تېما يوللىمىغانتىم لېكىن كېيىن بەزى ئەزالارنىڭ تەلەپ قىلىپ تۇرۋېلىشى ۋە مېنىڭ مىسرانىمغا بولغان ئىشتىياقىم تۈپەيلى يەنىلا مۇنبەرگە قايتىپ كەلدىم، ئەلۋەتتە مۇھاببەت تېمىسىنىڭ تەستىقلىنىشىغا شارائىت بار بولدى ئەمەسمۇ؟بۇ يەردە شۇ بىر گەپنى دەپ قويغۇم كېلىۋاتىدۇ ،شۇ ئىشتىن كېيىن مىسرانىم مۇنبىرى مېنىڭ مۇنبەر ھاياتىمدىكى ئىككىنچى تاللىشىم بولۇپ قالدى، چۈنكى تېمامنىڭ ئەخلەت دەپ باھاغا ئېرىشىشى ماڭا ھار كەلگەنىدى،لېكىن كېيىنچە بۇ ئىشلارمۇ ئوڭشىلىپ ئەپچىلەمنىڭ مۇنبەردىكى پائالىيىتى نورمال داۋام ئەتتى. مانا بۇ بىر يىللىق مۇنبەر ھاياتىمدىن قىسقىچە خۇلاسە  ، بىريىل جەريانىدا مۇنبەردىن ئىبارەت بۇ مەۋھۇم دۇنيادا نۇرغۇن ئەزالار بىلەن تونۇشتۇم ئۇلار بىلەن دوست بولدۇم، بەلكىم ئۇلارنىڭ تەنقىدى پىكىرلىرى ۋە ماختاشلىرى بولمىغان بولسا يېزىقچىلىق جەھەتتە ھازىرقىدەك كامال تاپالماسلىقىم مۇمكىن ئىدى، ئەلۋەتتە بۇ جەرياندا نۇرغۇن ئەزالار بىلەنمۇ قاتتىق سوغۇق گەپلەرنى دېيىشىپ قالدىم، بەزى باشقۇرغۇچىلار بىلەن ئوچۇقتىن ئوچۇق ئازارلىشىپمۇ قالدىم ، شۇڭابۇ ئەسلىمەم ئارقىلىق ئۇلاردىن چىن كۆڭلۈمدىن كەچۈرۈم سورايمەن ،ھەممىمىز مىسرانىمدا قول تۇتۇشۇپ بىرگە ئىلگىرلەيلى . قېنى ھۆرمەتلىك ئوقۇرمەن بۇ ئەسلىمىنى ئوقۇپ نېمىنى ھېس قىلدىڭىز؟ بەلكىم سىزنىڭمۇ مىسرانىم مۇنبىرىدە قالغان ئەسلىمىلىرىڭىز بار بولۇشى مۇمكىن سىزمۇ ئەزالار بىلەن ئورتاقلىشىشنى خالامسىز ؟  مىسرانىم مۇنبەر سەھنىسى سىزنىڭ ئەسلىمىلىرىڭىزنى بايان قىلىدىغان ئەڭ ياخشى سەھنىڭىز ،قېنى ئۇنداقتا ئاشۇ تاتلىق -ئاچچىق ئەسلىمىلىرىڭىز بىلەن بىز بىلەن تەڭ بەھىرمان بولغايسىز ، قېنى مەرھەمەت!!! مەنبەسى:ئەپچىلەم ئەسلىمىلىرى

كىلىتچى

	ئېسىل .

awatbag

	ۋاي ئاللا،مەن تېخى ئەپچىلەمنى يوللىغان نەرسلىرىگەقاراپ ياشتاخېلى چوڭ،كەسىپتەپىشقان بىرئوقۇتقۇچىمىكىن دەپ يۈرسەم ئەمدى 20ياش دەيدىغۇئۇنداقتائۇكام دەۋەرسەم بولىدىكەن دە،راسىت گەپنى قىلسام ئۇكام راسىتىنلاتالانتىڭ باركەن.بۇندىن كېيىنكى ئىشلىرىڭنىڭ تېخىمۇئۇتۇقلۇق بولۇشىنى تىلەيمەن.

Gvlbargi0999

	ئەسلىمىڭىزنى شۇنداق ياخشى بايان قىپسىز، ئۇكام، بۇندىن كىيىنكى يىللاردا بىزگە تېخىمۇ نادىر ئەسەرلەرنى يوللىشىڭىزنى ئۈمۈت قىلىمەن! بەخىت سىزگە مەگۈ يار بولغاي!

uyol

	ئەپچىلەمكە ئەسلىمڭىز بەكلا تەسىرلىك ۋە قىزقارلىق ئىكەن. ئاغىنە بۇنداق چوڭ نەتىجىلەرگە ئىىرىشىش ئۇنچە ئاسان ئىش ئەمەس ئەلۋەتتە. ئۈمۈدۈم،كەلگۈسى ئىشلىرىڭىزنىڭ تېخىمۇ ئۇتۇقلۇق بۇلىشىنى ئۈمۈد قىلىمەن. مىسرانىمدىكى ئىزلىرىڭىزدىن مەڭگۈ گۈللەر ئىنسۇن!

uyol

	نادىر بولغان شېئىرلىرىڭىز يوقمۇ؟..........ئىجادىي

forever1

	نىمىمۇ دېيەلەيتتىم.خۇدايىم سىزگە  ئوڭ كۆزۈدە قارىسۇن! بۇندىن كىيىنكى بارلىق ئىشلىرىڭىزنىڭ  ئۇتۇقلۇق بۇلىشغا تىلەكداشمەن

bahwanbiz

	ئۇكام، تىرىشىپ ئۇيغۇر خەلقى ئۈچۈن نادىر ئەسەرلەرنى روياپقا چىقىرىشڭنى ئۈمۈد قىلىمەن . كەڭ قورساق ، تېخىمۇ كەڭ قورساق بولۇشىڭنى ، چوڭ ئارزۇ ئۈمۈدلەر بىلەن ياشىشىڭنى ئۈمۈد قىلىمەن .

zvmrat

	ئەسسالامۇ ئەلەيكۇم! بۇ بىر يىللىق  ئەسلىمىلىرىڭىزنى ئوقۇپ  سىزنىڭ  تېرىشچانلىقىغا ،ئىزدىنىشچانلىقىغا قايىل بولدۇم . قەلەمنى تاشلىماي مۇشۇنداقلا  ماڭسىڭىز  كەلگۈسىدە ئەل سۆيگەن شائىر.يازغۇچىىمىز  بولۇپ قىلىشىڭىزدىن  ئۈمۈد زور ،تېخىمۇ  تېرىشىڭ ئۇكام . بۇ يازمىڭىز ياخشى چىقىپتۇ،ئىجادىيەتتە تېخىمۇ پىشىپ-يېتىلىۋىتىپسىز ...داۋاملىق........ ئۇلۇغ ئاللاھدىن سىزگە خوشاللىق،بەخىت ،نەتىجە ،ساقلىق تىلەيمەن .

xatuti

	ئەقىللىق ئىكەنلىگىڭىزدە گەپ يوق...مەكتەپتە تۈزۈكرەك ئوقالمىغان ئادەمنىڭ مۇشۇنچىلىك ئۇتۇقلارغا ئېرىشمىكى ئاسان ئەمەس...يازغان نەرسىلىرىڭىزگە قاراپ قايسىبىر داشۆنىڭ ئەدىبىيات فاكولتىتىنى پۈتتۈرگەن ئوخشايدۇ دەپ قالاتتىم تېخى...تېخىمۇ ئەجىر قىلىپ ھەممە جەھەتتىن تەڭ ئۆزىڭىزنى يېتىلدۈرۈشكە تىرىشىڭ...... ياخشى ئوقۇپ بەلەن ئوقۇپ ۋەتەن خەلققە ياراملىق ئادەم بولۇڭ.....