تۇنجى قەدەم

ap~qilam

	تۇنجى قەدەم . (مۇخەممەس) . ئە يلىگەچ چىن  ئىشتىياق  بۇ قولۇمغا  ئالدىم قەلەم ، دىلدىكى ئۆچمەس ھاياجان باش ئىگىپ بەرگەچ ئەلەم. ئىزدىگەچ دىلغا شىپا،روھقا  قۇۋەت، بۇ  تەنگە  ئەم . يېڭى بىر مەنزىل ئارا ماڭدىم تامان،تارتساممۇ غەم ، مەيلىدۇر ھىچ ئارمىنىم يوق باسقىنىم تۇنجى قەدەم . بۇ قەدەم تەغدىرگە ئىز ھەم مەنزىلمۇ شۇنچە يىراق ، بەلكى ئۇ مەۋھۇم نىشان،يوقتۇر ماياك ھەتتا چىراق . دىلدا يوقتۇر ھىچ ئەيمىنىش مەن گويا ئەھلى  شىراق، مەن  خوشال  ،يوقتۇر   ئازاپ مەن نەلەردەتارتاي پىراق . باسقىنىم  تۇنجى  قەدەم،زارلىنىش  يوق مەندە  غەم . تەغدىرىم  كاجمۇ  مېنىڭ يا ،كەلمىدى  ھىچبىر تەلەي ، بىر قەدەم باسسام بىراق بۇ  دۈشمىنىم كۈلدى ئەتەي . سورىشىم ھاجەت ئۇنىڭدىن  كۈلىشىن  سېرنى  بىلەي، ئۇ دېدى:- كۈلكەم شۇنىڭدىن مەن ساڭا ئېيتىپ بېرەي . ماڭغىنىڭ   بىمەنە  يولدۇر   ئۇپراتما   بىھۇدە  چەم    . نە پىسەنىت  قىلدىم  ئۇنىڭغا  ماڭغىنىم ھەقنىڭ  يولى ، كۈلسىمۇ  مەيلى   ئىشىمغا   ئاڭلىغان   خەقنىڭ   تولى  . ئىستىدىم   يېڭى   نىشاننى،ناكەسنىڭ  سالغان   قولى  ، تەۋرىتەلمەس   ئىرادەمنى   ،  ئۇپرىماس ئىشەنچ  ئۇلى  . باسقىنىم  باسقان قەدەمنى  ياڭرىتىپ  ھەريان  ئايەم  . بىر    ئۈمۈت   ئىچرە  ماڭىمەن   يىگانە   تاڭغا  قاراپ  ، يانمىغاي  كامىل   ئىشەنچىم  شۇ  خەتەر ھاڭغا قاراپ  . ھەممە  ھەيران   توۋىدا  مەن   كەبى    ساراڭغا   قاراپ ، بىر جېنى  تۇرسا   ئۇنىڭ  ....كۈلدۇم  بۇ پاراڭغا قاراپ  . باسقىنىم تۇنجى قەدەم دۈشمەن بىلەن بولمايمەن جەم. چىقمدى   ماڭغان    سىرى  ، ماڭغان قەدەمنىڭ   ئاخىرى ، ئۆچمىدى   ئەمما   ئۈمۈتنىڭ    شاملىرى    بولماي نېرى . ياندىشىپ   روھقا    قۇشۇلدى،بىر قەدەم    ئالغان  بېرى ، ئەسلىدە   تەتۈر  جاھانكەن،ھەق-ناھەق   ھەممە   يېرى. ئۆزقولۇمدا تاللىشىم خەير ، ئىشلەتمەي    بولمايدۇ  پەم  . بىلمىدىم   بۇ     قەدەمدە    مەن بولدۇممۇ   يا   ھاماقەت ، ئاخىرى    چىقماس    ئىكەن بۇ    ،كەلدىمۇ   ماڭا   ئاپەت . دەرت     چىكەيمۇ،ياق   بۇلۇر بۇ ماڭا بىر چوڭ  ھاقارەت ، يىتەرمەن    مەنزىل     ئارا    ،باردۇر   يولۇمدا    ھىدايەت . باسقىنى    باشقا     ئەمەس    بۇ   قەدەمنى دەل ئەپچىلەم. مەنبەسى: ئەپچىلەم

nazila998

	تۇنجى قەدىمىڭىزگە مۇۋاپىقىيەت تىلەيمەن  ، ئۈمدۋار بولۇڭ شېئىرىڭىز چۈشۈنۈشلۈك ، جانلىق چىقىپتۇ

kaliptax

	تۇنجى  قەدەمنى ئاۋايلاپ  بېسىڭلار بالىلار جۇمۇ ھەرقانداق ئىش قىلغاندا بولمىسا مەڭگۈلۈك پۇشاماندا قالىسىلەر

sazanda

	ھەقىقەتەن ياخشى چىقىپتۇ . تەربىيەۋى ئەھمىيەتكە ئىگە شئىر ئىكەن

möljarli

	ئەپچىلەم يولغا چىقتى، باسقان ئىزى ھىدايەت ، ئەي خۇدا مەدەت بەرگىن، قىلغىن ئاڭا ئىنايەت . غايىمىز بىردەك ئىكەن كۆرسەت بىزگە كارامەت ، قەلىبلەر بىرلەشكىنى نۇسرەتلەردىن بىشارەت-،شىر ئىزىدىن، ئەر سۆزىدىن ، گەر چېكىنسە ھاقارەت !!! يوللىرىمىز  راۋان - ھالقىشىمىز داۋان بولسۇن !!!

ardamay

	ھاياتىڭىزدىكى ھەربىر تۇنجى قەدەملىرىڭىز مۇۋەپىقيەتلىك بولسۇن!!بۇ شېئىرىڭىز  جانلىق ،سۆز -ئىبارىلەر جايىدا چىقىپتۇ!!! تېخىمۇ تىرىشىڭ!!!

ANSWER

	تۇنجى قەدىمىمىز قۇتلۇق بولغاي

azizgul

	تۇنجى قەدەملەر مەرھابا !