ناتونۇش قىزنىڭ كۈندىلىك خاتىرىسى (زۇبەييا)

زۇبەييا

	داۋامى . . . .       ھايات يەنىلا بۇرۇنقىدەك داۋام ئەتمەكتە . مەيلى ياخشى ياكى يامان بولسۇن  تېرىقنىڭ قاسرىقىچىلىك بولسىمۇ ئۆزگىرىشتىن ئەسەر يوق . تۇرمۇشۇمدا  كىچىككىنە يېڭىلىق بولغان بولسا ، مىنى شۇنچە بىزار قىلغان ئەمما مەن ئايرىلىپ قېلىشنىمۇ ھەم خالىمايدىغان  ئايىغى چىقماس خىياللاردىن ، چۈشكۈن روھى كەيپىيات ئىسكەنجىسىدىن قۇتۇلغۇدەك بىرەر ئىش يۈز بەرگەن بولسا نىمە قىلسام رازى ئىدىم . كۈتۈپخانا - ياتاق - دەرىسخانا - ئائىلە ، ئائىلە - دەرىسخانا - ياتاق - كۈتۈپخانا . . . . .. شۇنچىلىك بىئاراملىق ئىچىدە لۆمۈلدەپ ئۆمىلەۋاتقان كىچىككىنە سازاڭدەك ئۇيان - بۇيانلارغا تولغۇشۇپ يۈرۈپ نىمە قىلارىمنى ، نىمە قىلىشىم كىرەكلىكىنى بىلمەي ئۆتۈۋاتىمەن . ئىمتاھاننىڭ بىسىمى ئۈگە - ئۈگىلىرىمنى ھەرىكەت ئىقتىدارىدىن  قالدۇرىۋاتقاندەك  ھىچنىمىنى ئويلىماس ، سەزمەس بولۇپ كىتىۋاتقاندەك ھىس قىلىمەن . تەكرار ئۈچۈن كىتابنى قولۇمغا ئالىمەن ئەمما سائەت - سائەتلەپ ئولتۇرۇپ كۆرۈپ كەتسەممۇ كىتابنى يىپىشىم بىلەنلا خۇددى ئۈگەنگەنلىرىمنىڭ ھەممىسى قايتا كىتابنىڭ ئىچىگە كىرىپ كەتكەندەك كاللام قۇپقۇرۇق . يەنە باشتىن ئۈگۈنۈشكە باشلايمەن . تىخى ھىلىلا مەن كۆرۈپ ئۆتكەن قۇرلار ماڭا شۇنچە ناتونۇش . خۇددى مەن ئۇنداق ئىبارىلەرنى ھىچ يەردىن كۆرمىگەن ۋە ئاڭلاپ باقمىغاندەك . مانا مۇشۇنداق ۋاقىتلىرىمدا ئۆزۈمنىڭ نورماللىقىمدىن گۇمان قىپ قالىمەن . زادى قاچاندىن باشلاپ نىمە سەۋەپتىن مۇشۇ ھالغا چۈشۈپ قالغانلىقىمنى بىلمەيمەن . بەلكىم بىلىشكىمۇ ئەقلىم يەتمەسلىكى مۇمكىن . پەقەت بىرلا بىلىدىغىنىم ، مەندىكى بۇ چۈشكۈن كەيپىيات ، زىرىكەرلىك تۇيغۇلار كۈندىن - كۈنگە ، ئېغىرلاپ كەتمەكتە . ئۆز ئۆۈمنى يوقۇتۇپ قويغىنىمنى ھەم بۇ يوقۇتۇشنى يەنىمۇ چوڭقۇر داۋاملاشتۇرىۋاتقىنىمنى بىلىمەن . كۈتۈپخانىغا كىرسەم شۇنچە كۆپ كىتاپ دۆۋىلىرى ئارىسىدىن بۇرۇنقىدەك زوق ئالالمايمەن . ئىگىرى  دۇنيالىقىمدىكى بىردىنبىر ئۆزۈمگە ئۆزۈم  خۇشاللىق تىپىپ تۇرۇپ قىلىدىغان ئىشىم كىتاب ئوقۇش ئىدى . مانا ھازىر مۇشۇ خۇشاللىقىمدىنمۇ ئايرىلىپ قالدىم . خۇشاللىق ئىزدەش ئۈچۈن ئادەملەردىن تامايىم يوق . ئۆزۈمگە ئۆزۈم يۆلەك  بولۇپ داۋاملىق مۇشۇنداق يالغۇزلۇق ئىچىدە ياشاشقا رازىمەن . چۈنكى ئىشىنىمەن ، ھىچكىم ماڭا ئۆزۈمدەك كۆيۈنەلمەيدۇ ، مىھرىنى بېرەلمەيدۇ . مەنمۇ ھەم باشقىلار غا بېرىپ باققان ئەمەس . شۇڭا باشقىلاردىن تامايىم يوق . ئەمىلىيەتتە ھەممە ئادەملەر مۇشۇنداققۇ ؟ ! كىمنىڭ ئۆزىدە يوق نەرسىنى باشقىلاردىن بەدەلسىز تەلەپ قىلىش ھەققى بار ؟ بىر ۋاقىتلاردا مۇشۇنداق غەلىتە خىياللارنى تولى قىلىپ يۈرۈپ ئاز - تولا ئىسىمگە كەلگىنىمدە ئۆزۈمدىن ئۆزۈم قورقۇپمۇ قالىمەن . ئويلاپ باقسام مىنىڭ پۈتۈن ۋۇجۇدۇم شەخسىيەتچىلىك  بىلەن تولۇپ كەلگەنىكەن . ئون توققۇز يىلدىن بېرى پەقەت ‹‹مەن ›› دەپلا ياشاپ كەلگەن ئىكەنمەن . مەن ئۆزۈمنىڭ دەل مۇشۇ تەرىپىدىن قورقىمەن . بىر كۈنلەردە مۇشۇ تەرىپىمنىڭ ئۆز بىشىمغا چىقىپ قېلىشىدىن ئەنسىرەپمۇ قالىمەن . مانا مۇشۇنداق قورقۇنۇچ ئىچىدىن چىقالماي يۈرگەن يەنە بەزى ۋاقىتلاردا ‹‹ دۇنيادا كىم، باشقىلا ئۈچۈن ياشاپ بېقىپتىكەن ؟ مەيلى نىمىلا قىلىشى ، ھاياتتا كىشىلەرگە بىلدۈرۈپ قانچىلىك ئالىيجانابلىقلارنى كۆرسىتىشىدىن قەتئىي نەزەر ھەممىسى ئۆزى ئۈچۈنغۇ ›› دەپ ئۆز ئۆزۈمنى بەزلىگەنمۇ بولىمەن . ئىشقىلىپ بولۇپ ئۆتكەن ئىشلارنى ئويلىسام ئۆزۈمنىڭ  زادى ياخشى ياكى يامان ئىكەنلىكىنى ئايرىشقا ئامالسىز قالىمەن . داۋامى بار . . . . . .

yurkimzida

	ئىنكاس  يازدىم

aydngkiqa

	يەنە تۇگەپ كەتتى...

melody

	ئاخىرنى  داۋاملىق  ساقلايمەن

5:20AM

	نەمىل يوللىغان ۋاقتى  2014-12-30 12:14 PM ئۇ قىزغا دائىم كەلگۈلۈك ئۈندىداردىنلا كىلەمدۇ نىمە ... شۇ شۇ شۇ ئۆزىنىڭ بېشىقا كىلۋاتقان كەلگۇلۇكنىڭ ھەممىسى شۇ ئۈندىداردىن كىلىۋاتقاندىكىن،ئۈندىدار ئىشلەتمەي ئەمدى دىگەننى نىمىشقا ئويلىيالمايدىغاندۇ

nafisa11

	نەمىل يوللىغان ۋاقتى  2014-12-30 01:27 PM بۇ ئۈندىدار دىگەن خۇددى مەشكە ئوخشايدىكەن... قىش كۈنىسى ... سىزمۇ يوقاپ كەتمەي تېمىڭىزنىڭ ئاخىرىنى يازمامسىز   دەيمەن ئادەم تازا قىزىپ ئۇقۋاتقاندا توختىتىپ قويدىڭىز

aydngkiqa

	بۇگۇن يوقما؟

دىلئۈز

	بىرەر يىڭىلىق يۇقمۇ ؟ داۋامىغا تەشنامەن ..................