ناتونۇش قىزنىڭ كۈندىلىك خاتىرىسى (زۇبەييا)

musilina

	داۋامىنى تەقاززالىق بىلەن كۈتىۋاتىمەن..... سىزگە غەيرەت تىلەيمەن ئاپئاق......

دىلئۈز

	ئۇسساپ كىتىپ كىرسەم ئۇسسۇزلۇقۇمغا قانمىدىم ...

زۇبەييا

	داۋامى. . . . .             ئىنىق ۋاقتىنىڭ زادى قاچان ئىكەنلىكىنى بىلمەيمەن . ئەمما بۇ بىر قانچە ئاي ئىلگىرى يۈز بەرگەن ئىشلار . ئۆز -ئۆزۈمدىن بىزار بولۇپ تالاي چىگىش سۇئاللارنىڭ جاۋابىنى تاپالماي تىنەپ يۈرىۋاتقان كۈنلىرىمنىڭ بىرى ئىدى . كەچلىك تەكراردىن چۈشۈپ ياتاققا كىرىپ ئۈندىدارنى ئاچتىم . بايا سىنىپ مەسئۇلىمىز بۇ ماۋسۇملۇق ئىمتاھانلارنىڭ ئورۇنلاشتۇرۇلغان ۋاقتى ۋە مەيدان ئورنىنى سىنىپنىڭ ئۈندىدار توپىغا يوللاپ قويغانلىقىنى ئېيىتقانىدى . ھەرنىمە بولسا ئىمتاھانغا تېخى ئون كۈنچە ۋاقىت بار ئىكەن . ‹‹خۇداغا شۈكرى ، ھۇشۇمنى يىغىپ ئۆگەنسەم  ئانچە - مۇنچە تەييارلىق قىلىۋالغۇدەك ۋاقىت بار ئىكەن ››دەپ ئويلىدىم ئىچىمدە . مەن توپقا يوللانغان ئۇچۇرلارنى كۆرۈپ بولغۇچە ھەر قايسى سالونلاردىن  بۈگۈنكى ۋە بىر نەچچە كۈندىن بۇيان يىغىلىپ قالغان مەزمۇنلارنىڭ ھەممىسى تىلىفۇنۇمغا باستۇرۇپ كەلدى . يوللانغان مەزمۇنلارنى كۆز يۈگۈرۈتۈپلا بىرەر قۇردىن كۆرۈۋاتاتتىم . تۇيۇقسىز كۆزۈم ‹‹ئەسسالامۇ ئەلەيكۇم قېرىندىشىم ، خىزمەت ۋە ئۆگىنىش بىسىمىدىن چارچىغان كاللىڭىزنى ئارام ئالدۇرماقچى بولۇۋاتامسىز ؟ ئالدىراش تۇرمۇش رىتىمىدا چارچاپ كىتىۋاتقىنىڭىزنى ، پىسخىكىڭىزدا مەسىلە كۆرۈلىۋاتقانلىقىنى ھىس قىلىۋاتامسىز ؟ روھىي دۇنيارىڭىزدا قالايمىقانچىلىق يۈز بېرىۋاتقانلىغىنى ھىس قىلدىڭىزمۇ  ؟ ئۇنداقتا  ئىككىلەنمەستىن **** سالونىمىزنى قوشۇۋىلىڭ . سالونىمىز سىزنىڭ تۇرمۇشنىڭ بىسىملىرىدا چارچىغان نېرۋىلىرىڭىزنى ئارام ئالدۇرۇپ ھەرخىل روھى بىسىم ۋە پىسخىكىڭىزدىكى نورمالسىزلىقلاردىن قۇتۇلۇپ ھەقىقى گۈزەللىك ۋە بەخىتتىن زوقلىنىشىڭىز ئۈچۈن خىزمەت قىلىدۇ . قېنى مەرھەمەت !!››دىگەن قۇرلارنى ئۇچرىتىپ قالدى . مەزمۇننى ئاچتىم ۋە خۇشاللىق بىلەن ئوقۇشقا باشلىدىم . چۈنكى  كۈندىن - كۈنگە خارامۇشلىشىپ  ھەتتا ئۆزۈمدىن ئۆزۈم بىزار بولۇپ چۈشكۈنلىشىپ كىتىۋاتقانلىقىم ئۆزۈمگە ئايان ئىدى . ئويلاۋاتقانلىرىمنىڭ خاتا ئىكەنلىكىنى بىلىپ تۇرساممۇ نىمىشقا بۇنچە چۈشكۈنلىشىپ كىتىدىغانلىقىمنى ، تۇرمۇشتا  ھىچ بىر نەرسىدىن خۇشاللىق تاپالماي ياكى قانائەت ھىس قىلماي مۇشۇنداق ۋەيرانە ئۆتۈپ كىتىۋاتقانلىقىمنىڭ  سەۋەبىنى ئۆزۈممۇ بىلمەيمەن . مۇشۇ ئىشلار سەۋەبىدىنمۇ پۇرسەت بولسىلا بىرەر پىسخىكا دوختۇرىغا كۆرۈنۈپ بېقىشنى ئويلاپ يۈرگىنىمگە خېلى ۋاقىتلار بولغانىدى. چۈنكى مەن روھى - ھالىتىمدە ھىچقانداق ئۆزگىرىش بولماي  ئىزچىل مۇشۇ ھالەتتە داۋاملىشىپ بارسا يەنە داۋاملىق بەرداشلىق بېرەلەيدىغانلىقىمغا ئىشەنمەيتتىم . سالوننى قوشۇپ تۇرۇشۇمغا  سالونغا ئەزا بولغانلىقىمنى تەبرىكلەپ  ئەۋەتىلگەن بىر قاتار دەبدەبىلىك قارشى ئىلىش سۆزلىرىدىن  كىيىن ‹‹پىسخىكىدىن مەسلىھەت سورىماقچى بولسىڭىز **** نى قوشۇڭ ››دىگەن ئۇچۇر كەلدى . **** نى قوشتۇم شۇ ھامان قارشى تەرەپنىڭ قوشۇۋىلىش ئىلتىماسىمنى قوبۇل قىلغانلىق ئۇچۇرىنى تاپشۇرىۋالدىم . گەپنى نەدىن  نىمە دەپ باشلىشىمنى بىلەلمەي تۇرۇپ قېلىشىم، قارشى تەرەپتىن ئۇچۇر كەلدى . __ ئەسسالامۇ ئەلەيكۇم قېرىندىشىم . قېنى ئەھۋالىڭىزنى بايان قىلىڭ . نىمىشقىكىن بايىقى ئوڭايسىزلىقىمدىن قۇتۇلغاندەك بولدۇم . ۋە سەل ئويلىنىپ تۇرۇۋالغاندىن كىيىن جاۋاب قايتۇردۇم . __ ۋە ئەلەيكۇم ئەسسالام . مەن بۇ يىل 19 ياش مەلۇم ئالىي مەكتەپنىڭ ئىككىنچى يىللىقىدا ئوقۇيمەن . مەن ئەزەلدىن ئۆزۈمنى باشقىلاردىن تۆۋەن تۇرىدىغاندەك ھىس قىلىمەن . مەن نۇرغۇن قىتىم باشقىلار بىلەن دوستلىشىشنى ،بىر بىرىمىزدىن جىنىمىزنىمۇ ئايىمىغۇدەك  يىقىن دوستلىرىم بولۇشىنى ئارزۇ قىلغان ئەمما نىمىشقىكىن مەن كىچىك ۋاقتىمدىن باشلاپلا تەڭتۇشلىرىمنىڭ ئارىسىدا چەتكە قىقىلىشىغا ئۇچراپ كەلگەن  . شۇ سەۋەبتىنمىكىن تا ھازىرغىچە مەن سىرتىمدا بىلىندۈرمىگەندەك قىلغىنىم بىلەن ئەمەلىيەتتە ھىلىھەممۇ ئۆزۈمنى باشقىلاردىن تۆۋەن تۇرىدىغاندەك ھىس قىلىمەن . ئوقۇۋاتقان كەسپىمنى ناھايىتى ياخشى كۆرىمەن. قولغا كەلتۈرگەن نەتىجىلىرىممۇ ئاز ئەمەس . ھەر ۋاقىت ئاجايىپ بىر سۇلغۇنلۇق ،يالغۇزلۇق ، چۈشكۈنلۈك ئىچىدە ياشايمەن .  روھى كەيپىياتىم داۋاملىق  بەك  ناچار . قانداقتۇر بىر بىسىمنىڭ ئاستىدىن تۇرالمايۋاتقاندەك ، چارچاپ كىتىۋاتقاندەك ھىس قىلىمەن . مەندىكى بۇ ئەھۋاللار كۈندىن كۈنگە ئېغىرلىشىپ كىتىۋاتىدۇ . ئۆزۈمنى يالغۇز ھىس قىلغانسىرى بىئارام بولۇپ غەمكىنلىك ئىچىدە قالىمەن . مەندىكى مۇشۇ ئەھۋاللارغا قارىتا بىرەر مەسلىھەت بەرسىڭىز .__ مۇشۇلارنى دەپ سۆزۈمنى توختاتتىم .قارشى تەرەپ خۇددى ماڭا مۇشۇ بۇرۇقتۇرما ھالەتتىن قۇتۇلۇشۇم ئۈچۈن راستىنلا ياردەم قىلالايدىغاندەك ھىس قىلىپ  ئۈمۈدۋارلىق بىلەن ئۇنىڭ جاۋاب بىرىشىنى كۈتتۈم .  بىر ھازادىن كىيىن ئۇنىڭدىن ئۇچۇر كەلدى . __ سىز قىز بالىمۇ ئوغۇل بالىمۇ ؟ بۇ مەن ئويلىمىغانلا بىر جاۋاپ ئىدى . __ قىز بالا . __ دىدىم مەن جاۋابەن . __ قايسى مەكتەپتە ئوقۇيسىز ، كەسپىڭىز نىمە ؟ راستىنى دىسەم نىمىشقىكىن قايسى مەكتەپتە ئوقۇيدىغانلىقىمنى ئېيتقۇم كەلمىدى . قايسى مەكتەپتە ئوقۇشۇمنىڭ  ئۇنىڭ مەسلىھەت بېرىشىگە نىسبەتەن ھىچقانداق تەسىر كۆرسەتمەيدىغۇ دەپ ئويلىدىم ۋە باشقا مەكتەپنىڭ نامىنى ئېيتىپ بەردىم . __ پىداگوگىكا ئىنىستىتۇتىدا ئوقۇيمەن كەسپىم ئەدەبىيات . __  رەسىمىڭىزنى ئەۋەتىڭ ، كۆرۈپ باقاي . بۇ گەپلەرنى كۆرۈپ غۇژژىدە ئاچچىقىم كەلدى . __ نىمىشقا ئەمدى ؟! __چىرايىڭىزنى كۆرۈپ باقاي دەيمەن . قىزلار سەترەك بولسىمۇ ئۆزىنى باشقىلاردىن تۆۋەن كۆرىدۇ . ئاچچىقىم تۈۋىدىن كەلگەنىدى . نىمىشقىكىن قارشى تەرەپ خۇددى مىنى ئەخمەق قىلىۋاتقاندەك ھىس قىپ قالدىم . ‹‹ سەت قاسماق ، تېخى ئۆزىچە مىنى سەت دەپ ئويلاپ قاپتۇ - دە، ›› دىدىم مەن ئىچىمدە . ھەي مۇشۇ ئاغزىمنىڭ يامانلىقىنى نىمە قىلىۋەتسەم بولا ...   ‹شۇنداقتىمۇ سەل ئۆزۈمنى بىسىۋىلىپ ئۇنىڭ گەپلىرىنى ئاڭلاپ باقمايمۇ ،‹‹سۈتتە ئاغزى كۆيگەن قىتىقنىمۇ پۈۋلەپ ئىچىپتۇ›› دىگەندەك  ئەگەر مەن ئويلىغاندەك بولماي قالسا بىكارلا قوپاللىق قىپ قويۇپ  ئۆزۈم ئوسال بوپ قالماي يەنە.› مۇشۇلارنى ئويلاپ سەل پەس كويغا چۈشتۈم . __كەچۈرۈڭ رەسىمىمنى ئەۋەتىپ بېرىشنى خالىمايمەن . __ دەپ ئۇچۇر قايتۇردۇم ئۇنىڭغا . __  ھە ، ئۇنداقتا مەيلىڭىز . __  ئۇ ئارتۇق گەپ قىلمىدى . __ مىنىڭ ئەھۋالىمغا قارىتا تېخى بىرەر جاۋاپ بەرمىدىڭىزغۇ ؟__ سورىدىم مەن ئۇنىڭدىن . __  يۈرگىنىڭز بارمۇ ؟ __ يوق . ئۇنى تىللىۋىتىشتىن ئۆزۈمنى ئاران - ئاران تۇتۇپ تۇرىۋاتاتتىم . ئۇنىڭدىن يەنە ئۇچۇر كەلدى . __ نىمىشقا يوق ، ئايرىلىپ كەتكەنمۇ ؟ ‹‹نىمە دەپ يۈرىدۇ ماۋۇ ؟!  ››دەپ ئويلىدىم ئىچىمدە . __ مەن يۈرۈپ باقمىدىم !!__ ئاچچىقىمدا ئۇنىڭ سورىغانلىرىغانلىرىدىن بىزار بولۇۋاتقىنىمنى بىلدۈرۈش ئۈچۈن جۈملىنىڭ ئاخىرىغا ئۈندەش بەلگىسى قويۇپ قويدۇم . __ سىزنىڭ ئەھۋالىڭىز ئۇنچە ئېغىر ئەمەسكەن ، ۋىتامىن د بىلەن ۋىتامىن ي نى بىر ئاي يىسىڭىز ساقىيىپ كىتىسىز . كۆپرەك گىرىم قىلىپ چىرايلىق كىيىنىپ يۈرۈڭ . ئۆزىڭىزگە مەبلەخ سىلىڭ . مۇشۇنداق قىلسىڭىز ئاز كۈنگە قالماي مۇھەببەتلىشىپ يالغۇزلۇقتىن قۇتۇلىسىز . ھەممە ئىشلارنى مەن دىگەندەك قىلىپ بىر ئايدىن كىيىن مەن بىلەن ئالاقىلەشسىڭىز بولىدۇ . بۇ قۇرلارنى ئوقۇپ ئۆزۈمنى تۇتۇۋالالماي قالدىم . __ ئەقلىنى چىلىپ ئىچكەن پەپىلىقۇش لەقۋا دېۋەڭ ساراڭ ! كىسەل مەن ئەمەس ئەسلى سەنكەنسەن !!! __ نىمە ؟ __ كىمىڭنى ئەخمەق كۆرۈۋاتىسەن ؟! ئالدامچى كاززاپ ، ماڭا پىسخىكىدىن بەرگەن مەسلىھەتىڭ مۇشۇما؟ __ دىدىم مەن ئۆزۈمنى بىسىۋالالماي . __نىمە دەۋاتىسەن ؟ __ قارشى تەرەپمۇ مىنى سەنلەپ چۈشتى . __ مىنى يالغۇزچىلىقتا زىرىكىپ ئۆزىگە ئەر تاپالماي مەندىن مەسلىھەت سوراۋاتىدۇ دەپ ئويلاپ قالدىڭما ؟! سەت گەدىنى قىغ پۇرايدىغان قاسماق توڭۇرلۇق . ئۆزۈڭچە مىنى ئەخمەق قىلىۋاتامسەن ؟! سەندەك چىلەككە نان چىلاپ ئامبۇردا قىسىپ يەپ چوڭ بولغان كاللىسىنىڭ زاغۇنى بار بۇراڭنى بىر كۆرۈپ قالساڭ كۆيدۈرىۋالغۇدەك قىز بالىمەن . ئەسلى كىسەل مەن ئەمەس سەنكەنسەن . يوقال كۆزۈمدىن !!!      ئۇنىڭ جاۋاپ بېرىشىنىمۇ كۈتمەي ئۈندىداردىن يۇيۇۋەتتىم . ئاچچىقتا قولۇمغا چىققان بىرەر نەرسىنى بىشىمدىن ئىگىز كۆتۈرۈپ چېقىپ تاشلىغۇم ، كىملەردۇر بىرى بىلەن ئۇرۇشقۇم كىلىۋاتاتتى . ئۆيدە بولسام بۇنداق ۋاقىتلاردا  ئۇدۇللا قۇم خالتىنىڭ يىنىغا يۈگۈرەيتتىم . ئۇنى پۇخادىن چىققۇچە  تازا مۇشىتلاپ - تىپىپ تاكى  پۇت - قوللىرىم سىرقىراپ ئاغرىغاندا بولدى قىلاتتىم . ھازىر قىلاي دىسەم ئۇمۇ يوق .  ئاچچىقىمدا نىمە قىلارىمنى بىلمەي  جىلىچىلىكتە قاچانلاردىدۇر ئۇخلاپ قالغىنىم ئىسىمدە يوق . . . داۋامى بار . . . . .

nuru

	ئاجايىپ ئاستا يېڭىلىنىۋاتىدىغۇ بۇ ھېكايە

aydngkiqa

	ئەسىرڭىزنى  بەك ياختۇرۇپ ئوقىۋاتىمەن. كۇندا بىر قارايمەن ئاخىرىنى يازدىمىكن دەپ .تىزراق يىزشىڭىزنى ئۇمۇت قىلمەن. قەلىمىڭز ھارمىغاي..

شىرىنAAA

	ئەسسالامۇ ئەلەيكۇم ئەسىرىڭىز ياخشى يېزىلىپتۇ، داۋاملىق تىرىشقايسىز!

musilina

	ئاۋۇ تىللاشلارنىڭ ئېسىللىكىنى ،ئۆگىنىۋالاي دېسەم ئېسىمدە تۇتىۋالالمىدىم.... بەك پەيزە يېزىلىۋاتىدۇ....

aydngkiqa

	بۇگۇن يوقما؟؟

太阳

	داۋامىچۇ ،ماۋۇ بەتتىكى مەزمۇننى كۆرۈپ بەك كۈلۈپتىمەن ھى ىھ ھى،

yurkimzida

	توۋا ،خۇدايىم ساقلىسۇن ئاۋۇ تىللاشلارنى قىزلار ئۈگىنىۋالمىسۇن ،دەششەت كەلتۈرۈپسىز  ......     ئارامنى ئوبدان ئېلىپ ،راۋرۇس ئويلۇنۇپ ئالدىرماي يېزىڭ