ناتونۇش قىزنىڭ كۈندىلىك خاتىرىسى (زۇبەييا)

نىلۇفەر

	شۇنچىلىك ياخشى يېزىپسىز!  «مەن» گە قائىل بولماي تۇرالمىدىم. ئۇنىڭ شۇ مىجەزى، شۇ قورقماس جەسۇرلۇقى، تۈزلۈكى، جۈملىدىن ھەممە يېرى مېنى ئۆزىگە مەپتۇن قىلىۋالدى.(گەرچە ئۇنىڭ بىلەن كۆرۈشكىنى سەل ئەخمىقانىلىقتەك تۇيۇلسىمۇ) داۋامىنى كۈتىمىز، تىرىشىڭ!

kamiljantohti

	تىلى ئاددى، مەزمۇنى ئۆزگىچە، راۋاجى راۋان چىقىپتۇ. لىكىن مەن ئۈچ قىزىمدىن ئەنسىرەپ قالدىم. ئۇلۇغ ئاللاھ بەختىنى بەرگەي ئىلاھىم!

kamiljantohti

	تىلى ئاددى، مەزمۇنى ئۆزگىچە، راۋاجى راۋان چىقىپتۇ. لىكىن مەن ئۈچ قىزىمدىن ئەنسىرەپ قالدىم. ئۇلۇغ ئاللاھ بەختىنى بەرگەي ئىلاھىم!

musilina

	ئەسىرىڭىز ناھايىتى ياخشى داۋاملىشىۋاتىدۇ،ئىز قوغلاپ ئوقۇۋاتىمەن.....

زۇبەييا

	داۋامى . . . . .      بىر نەچچە كۈنلەرگىچە تولۇق ئىسىمگە كىلەلمەي يۈردۈم . بولغان ئىشلارنى ئىچىمگە خۇددى قۇمغا سۇ سەپكەندەكلا سىڭدۈرۈۋەتكىنىم بىلەن روھى - كەيپىياتىم پەقەتلا جايىدا ئەمەس .  مۇشۇ ئىشلار يۈز بېرىپ بىرەر ھەپتىلەرگىچە تاس قالدىم باشقىلار‹‹ ئىسمىڭ نىمە ›› دەپ سورىسا ‹‹ھەئە›› دەپ جاۋاپ بىرىپ يۈرگىلى . . . . . شۇنداق قىلىپ ئۇ ئىشلارمۇ ئۆتۈپ كەتتى . ھەر ھالدا ۋاقىت ئادەمگە ھەممىنى ئۇنتۇلدۇرىدىكەن . راستىنى دىگەندە بۇ يەردە ئۇنتۇش دىگەن گەپ مەۋجۇت ئەمەس .ئەمىلىيەتتە  ۋاقىت ھىچنىمىنى ئۇنتۇلدۇرمايدۇ  بەلكى ئىنساننى بولۇپ ئۆتكەن شۇ ئىشلارغا كۆندۈرىدۇ . ھاياتىمدا  يەنە بىر قىتىملىق ئۇنتۇلماس ساۋاق ئىلىپ ئاۋالقىدەكلا يەككە - يىگانە ئۆتۈۋاتقان سوغۇق تۇرمۇشۇمغا قايتىپ  كەلدىم . كۈنلەر بىر بىرىنى شوخ كىيىكلەردەك قوغلىشىپ ئۆتمەكتە . ئىمتاھاننىڭ يىقىنلىشىپ قالغىنىغا قارىماستىن مەن يەنە نىمە قىلىشىمنى بىلەلمەي ئەلەڭلەپ يۈرمەكتىمەن .جىق ئىشلارنى ئويلاشقا رايىم يوق . ئويلاپ  - ئويلاپ ھارغانمەن .  بۇ غىرىپسىنىشلىرىم ۋە يالغۇزلۇقلىرىمنى ئۆلگەن ۋاقتىمدا ئاخىرىلىشامدىكىن دەيمەن . بەلكىم ئىگەم مىنى مۇشۇ يالغۇزلۇقلىرىم ئىچىگە بەخشەندە قىلۋەتكەن بولىشى مۇمكىن . يالغۇزلۇق دىگەن بۇ ئۇقۇم ھەربىر نەپەس ئىگىسىگە قىلچە يات ئەمەس بولسىمۇ مەلۇم بىر ۋاقىتلاردا  سەن ئۆزۈڭ ئەڭ يىقىن كۆرىدىغان ، ماڭا ھال - مۇڭ بولالايدۇ دەپ ئويلىغان بىرىنىڭ يىنىغا كىلىپ يالغۇزلۇق تارتىۋاتقىنىڭنى ئېيتىپ دەرت تۆككىنىڭدە مەيلى كىم بولۇشىدىن قەتئىي نەزەر ئۇ ھەرگىزمۇ سىنىڭ ئاچقان يېرىڭگە بېرىپ دەردىڭگە دەرمان بولالمايدۇ .بەلكىم ئاتا - ئاناڭمۇ ھايات تۇرۇقلۇق ساڭا يۆلەك بولالىشى ناتايىن . چۈنكى ئۇنىڭ سىنىڭ دەردىڭنى بىلگۈدەك ھالى يوق  ياكى سىنىڭ ئۇلارنىڭ دەردىگە ئۈستىلەپ دەرت قوشۇپ كىچىككىنە يۈرىكىنى ئازابلاپ ھال ئېيىتقۇڭ يوق . چوڭقۇر مەنىدىن ئېلىپ ئېيىتقاندا  ھەممىمىز بىر ئۆمۈر مانا مۇشۇنداق يالغۇزلۇق تارتىپ ئۆتۈپ كىتىدىغان دۇنيالار بۇ .  ئەتراپىڭدا ئاتا - ئاناڭ ،پەرزەنىتلىرىڭ ، ئايالىڭ ياكى يولدىشىڭ ،  ئۇرۇق - تۇغقان قېرىنداشلىرىڭ ، دوستلىرىڭ ، تونۇش ۋە ناتونۇش ئادەملىرىڭ بولۇشى مۇمكىن . ئەمما بىلسەڭ مەيلى سەن  كىم بولۇشىڭدىن قەتئىي نەزەر ئۇلارنىڭ ھەممىسى سەن ئۈچۈن ۋاقىتلىق ھەمسەپەرداشلاردۇر. بىر كۈنى بولمىسا بىر كۈنى ھامان ئۇنىڭدىن ئايرىلىپ قالىسەن . . .   ئاتا - ئانام ھايات تۇرۇقلۇق ،شۇنچە ساۋاقداشلىرىم ، ‹‹دوستلىرىم ›› ئارىسىدا تۇرۇپمۇ  نىمىشقا ئۆزۈمنى شۇنچە يالغۇز ھىس قىلىدىغىنىمنى بىلمەيمەن .  تالاي قىتىم مۇشۇنداق غېرىبلىق ھىس قىلغىنىمدا ئىنساننىڭ قولىدىن كىلىدىغان جاھاندا قىلغىلى بولىدىغانلىكى ئىشنىڭ ھەممىنى قىپ بىقىشنى  ئويلاپ باققان بولۇشۇم مۇمكىن ئەمما پەقەت بىرلا ئىشنى ئويلاپ باقمىدىم . ئۇ بولسىمۇ __ ئۆلۈۋىلىش . بەزىدە ئۆزىنى ئۆلتۈرىۋالغان ئادەملەرگە ھەۋەس قىپمۇ قالىمەن .ئۆلۈۋىلىش ئۈچۈن بىر نورمال ئادەمگە نىسبەتەن قانچىلىك زور غەيرەت ۋە باتۇرلۇق كىتىدىغانلىقىنى بەلكىم مۇشۇ خىيالنى قىپ باققان ئادەملا ھىس قىلالىشى مۇمكىن .  ئويلاپ باقسام  مەن مەڭگۈ ئۆزۈمنى ئۆلتۈرىۋالالمايدىكەنمەن . چۈنكى مەندە ئۆزىنى ئۆلتۈرىۋالالىغۇدەك جۈرئەت ۋە غەيرەت يوق . مانا شۇنچىلىك غەيرەتنىڭ يوقلۇقى تۈپەيلى مەن كۈن بويى ئىنسانلار ئارىسىدىكى مەنپەئەت دىسە  ئاتا - ئانىسىنى سىتىۋىتىشتىنمۇ يانمايدىغان قارا كۆڭۈللۈك ، ساختا مۇھەببەت ، يالغان كۈلۈش ، كۈنسىرى سۇسلىشىپ كىتىۋاتقان مىھىرلەر ئارىسىدا قاپقارا بوپ كەتكەن بىچارە  يۈرۈكۈمنى يەنە داۋاملىق سوقۇشقا مەجبۇر قىلىمەن . بۇ كۈنلەر شۇنداق ئۆتۈۋاتىدۇكى خۇددى ئادەملەر بىلەن ئادەملەر ئارىسىغا شەيتان تۈكۈرۈپ قويىۋاتقاندەك . . . ‹‹باشقىلارنىڭ ساڭا مىھرىبان بولۇشىدىن ئۈمۈد كۈتمە . ئەمەلىيەتتە ئىنسان قەلبى سوغۇق گۆرگە ئوخشايدۇ . ئۆزىنىڭكىدىن باشقا ھەرقانداق ئىش ئۇنىڭ ئۈچۈن يات . ›› بۇ قۇرلارنى نەلەردىندۇر ئوقۇغىنىم ئىسىمدە يوق . ئەمما ناھايىتى ياخشى كۆرگەنلىكىم ئۈچۈن ئىسىمدە ساقلىۋالغانمەن . ھەر قىتىم قانداقتۇر بىر ئىشلار ياكى ھىس تۇيغۇلار تۈپەيلى يۈرىكىم سىقىلىپ بىئارام بولغانلىرىمدا مۇشۇ سۆزلەر بىلەن ئۆز - ئۆزۈمگە تەسەللى بېرىپ يۈرىمەن . . . كۈنلەر يەنىلا ئاۋالقىدەك .  بارا- بارا نۇرغۇن ئىشلارنىڭ سەۋەبىنى چۈشەنمىگەنسىرى پىسخىكامدىن گۇمانلىنىپ ئۆزۈمگە پىسخىكا جەھەتتىن مەسلىھەت بىرەلىگۈدەك بىرى بىلەن پىكىر ئالماشتۇرۇپ بېقىشنى ئويلاپ يۈرگەن كۈنلىرىمنىڭ بىرىدە يەنە بىر قىتىم  چىشىمنى قېرىشتۇرىدىغان ئىشلارنىڭ بىرىگە يولۇقتۇم . داۋامى بار . . . ..  .

زۇبەييا

	ئەسسالامۇ ئەلەيكۇم مىنى ھەر تەرەپتىن قوللاپ ۋە ماڭا ئىلھا مەدەتلەرنى بېرىپ كىلىۋاتقان قېرىنداشلىرىم . ھەممىڭلارغا كەمىنە پېقىردىن سالام ! بۇ ھىكايەمگە نىسبەتەن ئۆز پىكىرلىرىنى بايان قىلىپ قەلىمىمگە ئۈزلۈكسىز بەرىكەت تىلەپ كىلىۋاتقان تورداشلارغا رەھمەت . ئەسەرنى يىزىۋىتىپ مەندە ئوقۇرمەنلەرگە نىسبەتەن كىچىككىنە چۈشەنچە بىرىپ ئۆتۈش خىيالى تۇغۇلغانلىقى ئۈچۈن مەزكۇر قۇرلارنى يىزىپ ئولتۇرۇپتىمەن  .  ھىكايىدىكى ۋەقەلىكلەرنى بىر تەرەپتىن راست ئىشلار خاتېرىسى دەپ چۈشەنسەڭلارمۇ بولىدۇ . چۈنكى بىر كۈنلەردە مەن مۇشۇنداق بىر ئىشلارغا شاھىت بولۇپ كۆرگەن ۋە بىلگەنلىرىمنى  ئەدەبىياتنىڭ بەدىئىيلىك دەرىجىسىگە كۆتۈرۈپ قەلەمگە ئېلىپ چىقتىم  . ئۆگىنىش ئالدىراشچىلىقلىرى ۋە باشقا سەۋەبلەر تۈپەيلى ئەسىرىمنى ۋاقتى - ۋاقتىدا ھوزۇرۇڭلارغا سۇنالمىدىم . ئەمما ئاز بولسىمۇ ھەركۈنى بىر بۆلەكتىن يوللاشقا كاپالەتلىك قىلىمەن . مىنى  داۋاملىق قوللاپ قۇۋەتلەپ كىلىۋاتقان تورداشلارغا يەنە بىر قىتىم رەھمەت .  . .

نىلۇفەر

	زۇبەييا يوللىغان ۋاقتى  2014-12-22 08:36 PM ئەسسالامۇ ئەلەيكۇم مىنى ھەر تەرەپتىن قوللاپ ۋە ماڭا ئى ... ۋە ئەلەيكۇم ئەسسالام شۇنداق ياخشى يېزىۋاتىسىز، ھارماڭ! مەنچە «مەن» نىڭ يۈرىكى ھەرگىزمۇ قارا ئەمەسكەن، بەلكى شۇنچە ئاق ۋە ساپكەن. پەقەت بىر قەۋەت نېپىز تۇمان توسۇۋالغان چېغى! تىرىشىڭ، ئاخىرىغا تەشنامەن!

yurkimzida

	ئۇقۇغىچى مەن دەڭ .... بىرخىل بېرىلىپ ئۇقۇپ كەتتىم ئۈزەمچە بۇ ھىكايىڭىزنى ،قەلەمگە راسلا ئېپىڭىز باركەن ،ئۈلىۋېلىش دىگەن قۇرلارنى ئۇقۇپ ئولتۇرۇپ  ھېلىقى بىر كۈندىكى ساراڭ خيالىم ئىسىمگە كەپ قالدى ،ئادەم دىگەن خام سۈت ئەمگەن دەيدىكەن كونىلار ،مىنىڭچە شۇ توغرا گەپ . ھەركىم ھەرنىمە دەيدىكەن ۋاختى كەگەندە ئۈزىنى ئويلىمايدىغان ئادەم ئازكەن ،يوق دىسەك بولمايدۇ چۈنكى بىز بىلمەيمىز .سىزنىڭ شاھىت بولغان ھەقىقەتلىرڭىز بەلكىم ئاز بىر قىسمدۇ ،ئادەملەر ھەركۈنى ھەقىقەتكە شاھىت بولۇپ ياشايمىز ،مەيلى يامانلىق تەرەپتىن ياكى ياخىشىلىق تەرەپتىن بولسۇن بىز كۆزمىز كۆرگىنى ،قۇلىقىمىز ئاڭلىغىنىغا شاھىت. شۇ ھەقىقەت بولمىغىنىدا مەنپەئەت تۇقۇنىشى يۈز بەرمەيتى ،مەنپەئەتنى بىرىنجى ئورۇنغا قۇيۇش ئەڭ ئەقىللىق ئادەملەرنىڭ تاللىشى ،نىمىشقا دىسڭىز مەنپەئەتىڭىزنى ئويلاشماي ياشسىڭىز سىز بار-بارا يوقۇلۇپ كىتسىز ،ئۇنتۇلۇپ كىتسىز ،تىرىك تۇرۇپ ئۆلۈپ كىتسىز ،سىزگە ئوخشاپ يۈركى قارداپ كىتدىغان ئەھۋاللارمۇ يۈز بىرىدۇ . ھېچكىم ئۆز مەنپەتىدىن كىچەلمەيدۇ ،مەن ھازىرغىچە ئۆز مەنپەتىدىن كىچىپ توغرا يولنى تاللىغان ئادەملەرنى ئاڭلىدىم ،لېكىن كۆزۈم كۆرمىدى ،بەلكىم مىنىڭ ئالاقە دەئىرەم بەك تار بولغانلىقتىن مەن كۆرمىگەن بولۇشۇم مومكىن . ھاياتتا ھىس قىلغانلىرڭىزنى داۋاملىق يېزىۋىرىڭ ،قەلەم قۇۋۋىتڭىزگە كۆز تەگمىسۇن ،ئەسەرڭىزنىڭ نادىرلىنىشغا تىلەكداشمەن ،ئاللاغا ئامانەت

xatuti

	مەنمۇ بەكلا قىزىقىپ كۆرۈۋاتىمەن..........داۋامىنى توختىتىپ قويماڭ ھە

太阳

	بەك ياخشى يىزىپسىز،ئۇ قىزنىڭ زىرەكلىكىگە غەيرىتىگە قايىلبولماي تۇرامىدىم،ئادەملەر نىمانچە پەسكەشلىشىپ كەتكەندۇ توۋا خۇدايىم ،