ناتونۇش قىزنىڭ كۈندىلىك خاتىرىسى (زۇبەييا)

xahida0997

	بۇ ئەسەر ناھايىتى ئۆزگىچە چىقىۋاتىدۇ.داۋامىنى كۈندە بىر باپتىن يوللايمەن دىگەن،داۋامىنىساقلايمىز.

دىلئۈز

	داۋامى چىققۇچە بىشىنى ئۇنتۇپ قالماي دەپ قايتا ئۇقۇپ چىقتىم ... يەنە داۋامىنى يۇللىمايدىغان بۇلسا ئاچچىقىم كەپ قالىدۇ جۇمۇ ...

yurkimzida

	دىلئۈز يوللىغان ۋاقتى  2014-12-31 10:40 PM داۋامى چىققۇچە بىشىنى ئۇنتۇپ قالماي دەپ قايتا ئۇقۇپ چى ... ئىشى چىقىپ قالغاندۇ ،بېسىم قىلساق ياخشى بىر ئەسەر روياپقا چىقمايدۇ ،ئەڭ ياخشىسى سۈكۈتتە ساقلىغان تۈززۈك قېرىندىشىم ،تىنىقىمز بولسا ئۇقۇيمىز ئاخىرنى شۇنداققۇ ؟

زۇبەييا

	داۋامى . . . . . . . ئەتراپىمدا ھەركۈنى ،  ھەر سائەت ، ھەر مىنۇتلاردا يىڭى ئۆزگىرىشلەر يۈز بېرىپ تۇرماقتا . بۇ يېڭىلىقلارنىڭ باش سەۋەپچىسى يەنىلا ئادەملەر . مەن  بىلەن قانداشلىق مۇناسىۋىتى بولمىغانلارنىڭ ئارىسىدا ماڭا مۇناسىۋەتسىزلا بولسا مەيلى كىم نىمىلا ئىش قىلسۇن پەرۋا قىلماس بولۇپ قالدىم . قاچانلاردىن بۇيان مەن ئۈچۈن تاڭلار ئاتماس بولغانلىقىنى بىلمەيمەن . ماڭا نىسبەتەن  بىر سوتكا ۋاقىتنىڭ ھەممىسى كىچە . چۈنكى مەن ماڭا قاچانلاردىندۇر سالجىدەك چاپلىشىۋالغان چەكسىز قۇرۇق خىيال ۋە ئىزتىراپلار ، بىزارلىقلار ئىچىدىكى چۈشكۈنلۈك ھەم روھى قۇرغاقلىق ئىچىدە نىمىلەرگىدۇر تەشنا بولۇپ قاغجىراپ كەتكەن يۈرىكىمنىڭ نىسىپ بولۇپلا قالسا مەيلى قاچان بولۇشىدىن قەتئىي نەزەر كۈنلەرنىڭ بىرىدە شۇ ئازاپلىق تۇيغۇلاردىن قۇتۇلسا  بۇ مەزگىىلنىڭ مەن ئۈچۈن دەل تاڭ ئاتقان ۋاقىت بولىدىغانلىقىغا شەكسىز ئىشىنىمەن . تاكى مۇشۇ تاڭ ئاتمىغۇچە مەن ئۆزۇمنىڭ  ھايات ئادەملەر ئارىسىدا ، رىئال دۇنيادا ياشاۋاتقىنىمغا ئىشىنەلمەيمەن . ناۋادا شۇ كۈنلەر ماڭا نىسىپ بولماي قالسا مەن مەڭگۈ يالغۇز ئۆزۈمگىلا تەۋە كىچىلىرىم قوينىدا ئۆلۈپ كىتىشىممۇ ھەم مۇمكىن . قالايمىقان روھى دۇنيالىرىم ئارىسىدا تەكرار - تەكرار داۋاملىشىۋاتقان يىڭى كۈنلەرنى ئۇزۇتىۋاتىمەن . توغرىراقىنى دىگەندە مەن ئۇلارنى ئەمەس ، ئۇلار مىنى ئاداققى مەنزىلگە _قەبرىستانلىققا ئۇزۇتىۋاتىدۇ . ھەممىنى بىلىپ تۇرىمەن . ئىتراپ قىلىشقا جۈرئىتىم ياكى رايىم يوق . بىر چاغلاردا ھاياتقا بولغان تەلىپىم ئىنتايىن ئاددى ئىدى . ئاجايىپ شىرىن ، تاتلىق خىياللارنى قىلاتتىم . مەيلى قانچىلىك ئۇزاققا سوزۇلغان خىياللارنى قىلىشىمدىن قەتئىي نەزەر ئەڭ ئاخىرىدا ھەممىسى كۈنلەرنىڭ بىرىدە جىق پۇل تاپسام دادام - ئاپاملارغا شەھەر سىرتىدىراق بولسىمۇ مۇھىتى ياخشى ھاۋاسى ساپ جايدىن مىۋىلىك بېغى ۋە كىچىككىنە كۆلى بار  چوڭ ئۆي ئىلىپ بەرسەم ، ئۆزۈم قۇرغان سودا شىركىتىم ، قىپقىزىل ماشىنام ، جىق پۇللىرىم بولسا  ، ئاپامنىڭ كىسىلىنى ئەڭ ياخشى دوختۇرخانىلاردا داۋالاتسام ، دادام - ئاپاملارنى يىراق يىراقلارغا ئاپىرىپ ساياھەت قىلدۇرسام ، ھەركۈنى ئىشتىن يىنىپ قوللىرىمدا جىق يەيدىغان نەرسىلەرنى كۆتۈرۈپ ئۇلارنىڭ يىنىغا بارسام ، ئۇلار خۇددى ھازىرقىدەكلا مىنى ئەركىلىتىپ سۆيۈپ كەتسە . .  . . .. . مانا بۇلار مىنىڭ تولۇقسىزغا چىققان ۋاقىتلاردىكى پەقەت ئۆزۈم ئۈچۈنلا شۇنچىلىك گۈزەل ئەمما باشقىلار ئاڭلىسا ئاجايىپ بىمەنە ھىس قىلىدىغان خىياللىرىم ئىدى . مەن بۇ خىياللىرىمنى بىرەرقىتىممۇ ئېغىزىمدىن چىقىرىپ باقمىدىم  .  تولۇق ئوتتۇرىغا چىققىنىمدا بولسا بارا - بارا قىلىدىغان خىياللىرىمنىڭ دائىرىسى تارايدى . پەقەت ئۆزۈم ھەققىدىلا ئويلىنىدىغان بولدۇم . ئۆگىنىشلەردە ھەممىنى ھەۋەستە قالدۇرسام ، ھەرخىل  پائالىيەت ۋە مۇكاپات سەھنىلىرىدە ئەڭ ياخشى نەتىجە ئالغانلار قاتارىدا ئىزلىرىم قالسا ، ئىچكىردىكى ئەڭ ياخشى شارائىتلارغا ئىگە ئالىي مەكتەپلەردە ئوقۇسام ، قايتىپ كەلگەندىن كىيىن ھۆكۈمەتنىڭ دەپتىرىدىن مەن ئۆلگىچە ئىسمىم ئۆچۈرۈلمەيدىغان تۆمۈر تاۋاققا ئىگە بولسام . . . .. خىياللار خىيال پىتى قىلىلىۋەردى . مەن بولسام مانا ھازىرقى ھالغا __ بارا- بارا چىرىپ كىتىۋاتقان مەن گە ئايلىندىم . مەن ئەڭ ياخشى ياشاتماقچى بولغان ، دۇنيالىقىمدىكى ماڭا بېرىلگەن نېئمەتلىرىم ھىسابلانغان ئاشۇ ئادەملەر  مانا ئەمدىلىكتە خۇددى بىر بىرى بىلەن بەسلىشىۋاتقاندەك كۈندىن - كۈنگە قېرىپ ھالسىزلانغىلى تۇردى . ئالىي مەكتەپكە ئۆتتۈم ئەمما قانداقتۇر ئارزۇيۇمدىكىدەك ئىچكىردىكى داڭلىق مەكتەپلەرگە ئەمەس . نۇرغۇن خىياللىرىم بار . يوق ئەمەس ھىلىھەممۇ بار ئەمما قانداقتۇر بۇرۇنقىدەك قايسى بىر شېركەتلەرنى قۇرۇش ئەمەس پەقەت بىر كىشىلىك ئاددى خىزمەتكە ئېرىشىش . . . . ئارزۇ - ئارمانلىرىم شۇنچىلىك ئاددى ، شۇنچىلىك قىممەتسىز ھەم ئىتىبارسىز . ھەر قىتىم ئۆزۈمنى ئۆزۈم ئالداپ ‹‹ئۇنداق ئەمەس ››دەپ باش چايقىساممۇ يەنىلا ماھىيەت جەھەتتىن شۇنچە يىللاردىن بۇيان مەيلى نىمە قىلغان بولۇشۇمدىن قەتئىي نەزەر ھەممە ئۇرۇنۇشلىرىمنىڭ ئوقۇش پۈتتۈرگەندىن كىيىن جەمىيەتتىن بىر كىشىلىك خىزمەت تىپىپ ھۆكۈمەتنىڭ تۆمۈر دەپتىرىگە يىزىلىشتىن باشقىسى ئەمەسلىكىنى ئىنكار قىلالمايمەن .   ئۆزۈمنى ئىنسان بولۇشقا مۇناسىپ كەلمەيدىغاندەك ھىس قىلىمەن . ھالىمغا قاراپ ئۆز- ئۆزۈمدىن يىرگىنىمەن . ئۆزۈمنىڭ ئۈستىدىن ئۆزۈمنى زاڭلىق قىلىپ كۈلىمەن . مەن نەقەدەر نەقەدەر بىچارە ئىنسان ھە ؟ . . . . . داۋامى بار . . . . . .

زۇبەييا

	داۋامى . . . .   ...... ئويلىغانسىرى ئاخىرى چىقمايدىغان تۈگۈمەس خىياللار دەقىقەسىرى سىنى ئازابلاب ئارام بەرمەيدۇ . خۇددى بىرى كىچىك ئەمما ناھايىتى ئۆتكۈر تىرناقلىرى بىلەن يۈرىكىڭنى دائىم تاتىلاۋاتقاندەك . . . . . .  .. . بەلكىم تولا دادلاشلىرىمدىن سەنمۇ زېرىككەنسەن ھە خاتىرەم . يىقىندىن بۇيان بولۇپ ئۆتكەن ئىشلارنى بىلگىڭ كىلىۋاتامدۇ ؟ئەمىسە ساڭا دەپ بېرەي . ساڭا دىمەي دىىسەممۇ سەندىن باشقا دەپ بەرگۈدەك ھىچنىمەم يوق . سىنى ئۆزۈمگە سىرداش قىلىۋىلىپ بۇرۇنقىدىن ئۆزۈمنى كۆپ يىنىكلەپ قالغاندەك ھىس قىلىمەن . ئوقۇش - ئۈگۈنۈشلەر يەنىلا بۇرۇنقىدەك  . ھىچ بىر ئالاھىدە نەتىجىلەرمۇ يوق . ئالدىنقى قىتىم ئۈندىدارغا مۇناسىۋەتلىك  يۈز بەرگەن ئاشۇ ئىككى ئىتىن كىيىن تېلىفۇنۇمدىن ئۈندىدارنى يۇيۇۋەتتىم .  ئۆزۈممىغۇ زېرىكىپ تۇراتتىم . پەقەت سىنىپ ۋە فاكۇلتىتلار ئارىسىدىكى ئۇقتۇرۇشلاردىن خەۋەرسىز قالماسلىق ئۈچۈنلا ئۈندىدارنى ئىشلىتىپ كىلىۋاتاتتىم . شۇ ئىشلار يۈز بەگەندىن كىيىن  ئۈندىداردىن ئىبارەت بۇ ‹‹زامانىۋى  دەللال›› دىن شۇ قەدەررايىم قايتتى . شۇنىڭدىن بۇيان ئورۇنلاشتۇرۇش ۋە ئۇقتۇرۇشلاردىن سىنىپ بويىچە ئەڭ كىيىن خەۋەر تاپىدىغان بولدۇم . كىشىلەر ئۈندىدار ، كوت - كوت قاتارلىقلاردىن قانداق پايدىلىنىش شۇ ئادەمنىڭ نىيىتىگە باغلىق دىيىشىدىكەن . ئەمما مەن ئۈندىدارنى  شۇنچە ئىشلار بىشىمغا كەلگۈدەك قانداقتۇر بىر باشقىلار بىلەن تونۇشۇش ياكى باشقا مەقسەتلەر ئۈچۈن ئىشلەتمىگەن ئىدىم . ئۈندىدارنى ئىشلىتىشىم پەقەت زۆرۈرىيەت ئۈچۈنلا ئىدى . قايسى بىر پاسىق كەتكەن نىيەت ئەمەللىرىمگە ئۇ كۈنلەرنى كۆرگىنىمنىڭ سەۋەبىنى بىلمەيمەن . ئۈندىدارنى ئاچمىغاندىن كىيىن پۈتۈن دۇنيا مىنى ئۇنتۇپ كەتكەندەك ھىس قىلدىم . روزى ھېيىتتا ھىچكىمدىن ئايەمنى مۇبارەكلەپ ئىيتىلغان دىل سۆيۈنگۈدەك ھىچ بىر تېلىفۇن ياكى ئۇچۇر تاپشۇرىۋالمىدىم . بەلكىم ئۈندىدارىمغا ئايەمنى مۇبارەكلەيدىغان ھەرخىل پاساھەتلىك سۆزلەر تەرەپ - تەرەپتىن يېغىپ كەتكەندۇ . ‹‹ تېلىفۇن قىلىشىپ ھېيىت  - ئايەمنى تەبرىكلەيدىغان ئىشلار تۈگەپتۇ. ئۈندىدارغا رەھمەت .››دەپ ئويلىدىم ئىچىمدە . . . . .. داۋامى بار . . . .

زۇبەييا

	ئەسسالامۇ ئەلەيكۇم تورداشلار . كەمىنە ئاپتوردىن سىلەرگە ئىھتىرام !!! يىقىنقى بىر نەچچە كۈندىن بۇيان ئىمتاھان ئالدىراشلىقلىرى تۈپەيلى ھەركۈنى بىر بۆلەكتىن يوللايمەن دىگەن سۆزۈمگە ئەمەل قىلالماي قالدىم . كۆپچىلىكتىن تۆۋەنچىلىك بىلەن ئۆزرە سورايمەن . بىر نەچچە كۈنلۈك ئىمتاھانلار ئاياقلاشقاندىن كىيىن ئەسەرنىڭ داۋامى يەنە داۋاملىق ھوزۇرۇڭلاردا بولىدۇ . ئەمما ۋاقىت قانچىلىك ئۇزۇنغا سوزۇلۇپ كىتىشىدىن قەتئىي نەزەر ئەسەرنى ھەرگىزمۇ تولۇق تاماملىماي تۇرۇپ يېرىم يولدا توختىتىپ قويمايمەن . مىنى يېقىندىن قوللاپ كەلگىنىڭلار ئۈچۈن يەنە بىر قىتىم رەھمەت . ئەزىز تىنىڭلار ئامان بولسۇن . !!!!!

yurkimzida

	بىرىنجى بوپ ئۇقۇدۇممۇ نىمە ،ئەمدى مەن قىزىققان ئىشىمغا نىسبەتەن بىرخىل ئىچكىرلەپ كىرىپ كىتدىغان ساراڭ بىر بالا  ،سورغۇم كىلىۋاتىدۇ بولۇپمۇ مۇشۇ بۈلەكنى ئۇقۇۋېتىپ ئويلاپ قالدىم ،دىمىسمۇ ھازىر يالغۇز مۇنۇ خاتىردىكى قىزنىڭ ئەھۋالى نۇرغۇن قىز-ئوغۇللاردا بار . بۇ كىمنىڭ خاتىرسى ؟

زۇبەييا

	yurkimzida يوللىغان ۋاقتى  2015-1-2 08:56 PM بىرىنجى بوپ ئۇقۇدۇممۇ نىمە ،ئەمدى مەن قىزىققان ئىشىمغ ... تورداشلار بۇ خاتىرىنى كىمنڭ دەپ ئويلىسا شۇنىڭ . بۇ توغرىسىدا ئارتۇق چۈشەنچە بېرەلمەيمەن .

ankux

	نىمدا  تەستە چىقىدىكى  دەپتىمە  تىخى داۋامىنى

yurkimzida

	زۇبەييا يوللىغان ۋاقتى  2015-1-2 09:19 PM تورداشلار بۇ خاتىرىنى كىمنڭ دەپ ئويلىسا شۇنىڭ . بۇ توغ ... نىمىشقا ؟