ۋاڭيى تورى خەۋىرى لەگلەك تورى تەرجىمىسى

توي مۇراسىمىغا قاتناشقاندا ئابرۇيىنى كۆز كۆز قىلىش ئۈچۈن يالغان ماشىنا نومۇر تاختىسى ياسىغان. بۇ يېقىندا خېنەن ئۆلكىلىك قاتناش ساقچىلىرى بايقىغان جىنايى قىلمىش. ماشىنا ئىگىسنى كۈتۈۋاتقىنى بولسا قاماققا ئېلىش ۋە جەرىمانە قۇيۇش جازاسى.

3-ئاينىڭ 12-كۈنى سەھەر سائەت بىردىن ئاشقاندا خېنەن ئۆلكىلىك يۇقىرى سۈرئەتلىك قاتناش ساقچىلىرى تۆتىنچى تارماق ئەترىرىنىڭ خەلق ساقچىلىرى بېيجىڭ شياڭگاڭ-ئاۋمېن يۇقىرى سۈرئەتلىك تاشيولىنىڭ خېنەن ئۆلكىسى بىلەن خېبېي ئۆلكىسىنىڭ پاسىلىدا نومۇر تاختىسى « 晋C 888B8 » ( جىن خېتى خېنەن ئۆلكىسىنىڭ قىسقارتىلما نامى.) بولغان بىر ماشىنىنى بايقىغان. بىراق ماشىنا ئىگىسى خۇاڭ X نىڭ يول يۈرۈش كېنىشكىسىدە كۆرسىتىلگىنى بولسا « 晋C 99868 » نومۇر تاختىسى بۇلۇپ چىققان. ساقچىلار خۇاڭ X نىڭ ماشىنىسى ئىچىدىن « 晋C 99868» بولغان نومۇر تاختىسىنى تاپقان.

بۇنىڭغا قارىتا خۇاڭ X چۈشەندۈرۈپ ئۆزىنىڭ ئەسلى يۇرتىنىڭ خۇبېي ئۆلكىسىدە ئىكەنلىكىنى، بۇ بىر نەچچە كۈندە يۇرتىغا قايتىپ بىر توي مۇراسىمغا قاتناشقانلىقىنى ، ھەمدە « 晋C 888B8» ( خەنزۇچە ئاھاڭ تەرجىمىسى : بېيىش بېيىش بېيىش چوقۇم بېيىش دەپ ئېلىنغان.) بولغان نومۇر تاختىسىنى ئېسىۋالسا قارىماققا خېلى ئابرويى باردەك كۆرىنىدىغانلىقى ئۈچۈن مۇشۇنداق قىلغانلىقىنى، ئەمما ئويلىمىغان يەردىن قايتاشىدا قاتناش ساقچىلىرى تەرىپىدىن بايقىلىپ قالغانلىقىنى ئېيتقان.

خەلق ساقچىلىرىنىڭ ئېيتىشىچە خۇاڭ X نىڭ قىلمىشى يالغان قاتناش ۋاستىلىرى نومۇر تاختىسى ئىشلەتكەن دەپ ئەيىبلىنىدىكەن. مۇناسىۋەتلىك بەلگىلىمىلەرگە ئاساسەن ئۇ 15 كۈندىن تۆۋەن تۇتۇپ قېلىنىدىكەن ھەمدە 2000 يۈەندىن يۇقىرى 5000 يۈەندى تۆۋەن جەرىمانىگە ئۇچرايدىكەن. ھازىر بۇ دېلو خېبېي ئۆلكىلىك يۇقىرى سۈرئەتلىك تاشيول قاتناش ساقچىلىرىنىڭ تېخىمۇ ئىچكىرلەپ بىر تەرەپ قىلىشىغا تاپشۇرۇپ بىرىلگەن.