رېيتىر ئاگېنتلىقى 8-مارت خەۋىرى؛ لەگلەك تورى تەرجىمىسى: ئامېرىكىدا 50 يىل بۇرۇن قارا تەنلىكلەرنىڭ ئاۋاز بېرىش ھۇقۇقىنى قوغداش ئۈچۈن يۈرۈش قىلغان كىشىلەرگە ساقچىلار تەرىپىدىن قاتتىق مۇداخىلە قىلىنىشى بىلەن يۈز بەرگەن «قانلىق يەكشەنبە» ۋەقەسى ، ئالاباما شىتاتىنىڭ سەلما بازىرىدا خاتىرلەندى. پرېزىدېنت ئوباما 40 مىڭ كىشى بىلەن بىرلىكتە كوچىدا يۈرۈش پائالىيتى ئۆتكۈزدى.
ئامېرىكىدا قارا تەنلىكلەرنىڭ ئوخشاش ئاۋاز بېرىش ھۇقۇقىنى قوغداش ئۈچۈن كۈرەش سىمۋولىغا ئايلانغان «قانلىق يەكشەنبە» ۋەقەسى، 40 كىشى قاتناشقان يۈرۈش پائالىيتى بىلەن خاتىرلەندى. ئالاباما شىتاتىنىڭ سەلما بازىرىدا 1965-يىلى 7-مارتتىكى ۋەقە يۈز بەرگەن كۆۋرۈكتە ئۆتكۈزۈلگەن يۈرۈش ھەرىكىتىگە ئامېرىكا پرېزىدېنتى بىراك ئوبامامۇ قاتناشتى.
تەخمىنەن 40 مىڭ كىشى قاتناشقا يۈرۈش پائالىيىتىگە، ئامېرىكا پرېزىدېنتى بىراك ئوباما ۋە سابىق پرېزىدېنت جورجى بوش ئائىلىسى بىلەن ۋە يەنە يۈزدىن كۆپ ئامېرىكا خەلق ۋەكىللىرى قاتناشتى.
ئامېرىكا پرېزىدېنتى بىراك ئوباما، «قارا تەنلىكلەرنىڭ باراۋەرلىك كۈرىشىگە نۇرغۇن ھەسسە قۇشۇلدى، ئەمما «قانلىق يەكشەنبە» ۋەقەسىدىن 50 يىل كېيىنمۇ يۈرۈشىمىز تۈگىمىدى، ئەمما نىشانغا يېقىنلىشىۋاتىمىز» دېدى.
ئوباما« بۇ كۆۋرۈكتىن ئۆتكەن ئامېركىلىقلارنىڭ بەلكى سانى ئاز ئىدى، ئەمما مىليونلارچە كىشىنىڭ جاسارىتى بار ئىدى. سايلامدا ئاۋازغا ئېرىشەلمىسىمۇ بۇ مىللەتكە رەھبەرلىك قىلدى» دېدى.
ئوباما، ئامېرىكا ئەدلىيە مىنىستىرلىكىنىڭ ۋەقە ھەققىدىكى دوكلاتىنى كۆزدىن كەچۈرۈپ، ساقچىلارنىڭ قارا تەنلىكلەرگە قارىتا قاتتىق كۈچ ئىشلەتكەنلىكىنى ئ‍ەيىبلىدى. «قانلىق يەكشەنبە» ۋەقەسىنىڭ 50 يىللىق خاتىرە كۈنى، ئامېرىكىدا قارا تەنلىكلەرگە قارىتا ساقچىلارنىڭ قاتتىق بېسىمى قىززىق نوقتا بولىۋاتقان مەزگىلگە توغرا كەلدى. ئامېرىكىدا ھەر يىلى مىڭلارچە كىشى ساقچىلارنىڭ ئوقى بىلەن ئۆلۈۋاتىدۇ، ئۇلارنىڭ كۆپىنچىسى قارا تەنلىكلەر…
ئۆتكەن يىلى ئامېرىكىنىڭ فىرگسۇن رايۇنىدا بىر قارا تەنلىك ياشنىڭ ساقچىنىڭ ئوق چىقىرىشى بىلەن ئۆلتۈرۈلىشىدىن كېيىن باشلانغان نامايىشلار، مەزكۇر رايۇندا قالايمىقانچلىق ۋە ھۆكۈمەتكە بويسۇنماسلىق ۋەقەلىرىگە يول ئاچتى.
1965-يىلى 7-مارتتا 600 نامايىشچى باراۋەر ئاۋاز ھۇقۇقىنى تەلەپ قىلىپ ھۆكۈمەت بىناسىغا مېڭىۋاتقىنىدا كۆۋرۈك ئۈستىدە ساقچىلارنىڭ قاتتىق مۇداخىلە قىلىشىغا ئۇچرىغان ئىدى.