جاھان ئاگېنتلىقى 2-مارت خەۋىرى؛ لەگلەك تورى تەرجىمىسى: سۇرىيەنىڭ ھەلەبتىكى ئىنقىلابچى ئۆكتىچى كۈچلەر ، بىرلەشكەن دۆلەتلەر تەشكىلاتى ئالاھىدە ۋەكىلى ستافىن مىستۇرانىڭ پىلانىنى رەت قىلىدىغانلىقىنى ئېلان قىلدى.
ھەلەب ئىنقىلابچى كۈچلەر ھەيئىتى ئەزاسى مۇھەممەد يەھيا نانا، تۈركىيەنىڭ غەزىئانتەپ ۋىلايىتىدىكى سۇرىيەلىكلەر مەكتىپىدە ئاخبارات ئېلان قىلىش يىغىنىدا، ھەلەبتىكى سىياسىي كۈچلەرنىڭ ئىنقىلابچى كۈچلەرگە قاراشلىق ئىكەنلىكىنى ئېيتتى، نانا بۇ سەۋەبتىن مىستۇرانىڭ تەييارلىغان پىلانىنى رەت قىلىدىغانلىقىنى تەكىتلەپ مۇنداق دېدى: « بەششار ئەسەد ھۆكۈمىتنىڭ دۆلەتتە خىمىيلىك قۇرال ۋە خەلقئارا قانۇنغا قارشى ۋارىل بومبىسى ئىشلىتىشى ۋە دۆلەتتە ئىنسانى تراگىدىيە يۈز بەرگەنلىكى سەۋەبىدىن ب د ت ۋەكىلى مىستۇرانىڭ پىلانى، كېلىشكىلى بولىدىغان بىر پىلان ئەمەس. بۇنىڭدىن بۇرۇنقى بىردەكلىككە كېلىنگەن كلىشىملەر بويىچە سۇرىيەدە ۋاقىتلىق ھۆكۈمەت قۇرۇلۇشى ۋە ئەسەدنىڭ ۋەزىپىسىدىن چۈشۈشى بىلەن مىستۇرانىڭ پىلانى بىر بىرى بىلەن ماسلىشىدۇ. سۇرىيە ۋە خەلقى بىر پۈتۈندۇر، شەرقى گۇتا، دەرئا ۋە ھۇمۇستا تۆكۈلگەن قانلار بىلەن ھەلەبتە تۆكۈلگەن قانلار ئوخشاشتۇر، بىر بىرىدىن پەرقى يوق».
نانا، بۇ سەۋەبتىن مىستۇرا بىلەن كۆرۈشۈشنى رەت قىلىپ، سۇرىيەدە ئەسەد ۋە ئۇنىڭ قوللىغۇچىلىرىنىڭ ھاكىمىيەتتىن چۈشۈشى ۋە ئۇرۇش جىنايىتى سادىر قىلغانلارنىڭ جازالىنىشىنى تەلەپ قىلىدىغانلىقىنى ئېيتىپ مۇنداق دېدى؛ «خەلقئارا جەمئىيەتتىن دۆلەتتىكى پۇقرالارنىڭ قوغدىلىشى ۋە مەزھەبچى قۇراللىقلارنىڭ دۆلەتتىن چىقىرۋېتىلىشىنى تەلەپ قىلىمىز، خەلقىمىزگە سۇرىيەدە ئىنقلاب ئ‍ەمەلىيەتكە چىققانغا قەدەر كۈرىشىمىزنى داۋاملاشتۇرىدىغانلىقىمىزنى بىلدۈرىمىز» دېدى.

ب د ت ئالاھىدە ۋەكىلى ستافىن مىستۇرا ، ئۆكتەبىر ئېيىدا سۇرىيە كىرزىسىنىڭ ھەل قىلىنىشى ئۈچۈن يېڭى بىر تەكلىپ سۇنغان ئىدى؛«ھەلەبتىن باشلاپ باشقا رايۇنلاردا ئىجرا قىلىنىدىغان «توڭلىتىلغان رايۇن» قۇرۇش پىلانى ئۈستىدە مىستۇرا بىلەن سۇرىيە پرېزىدېنتى بەششار ئەسەد سۆھبەتتە بولدى.
پىلاندا ھەم ئەسەد ھۆكۈمىتى ھەم ئۆكتىچىلەر ھەلەبتىن باشلاپ بەلگىلەنگەن رايۇنلاردا ئۇرۇش توختىتىش ئېلان قىلىدۇ. مىستۇرا بۇ توڭلىتىلغان رايۇنلارنىڭ كېيىنكى مۇزاكىرىلەر ئۈچۈن مۇقەددىمە بولىدىغانلىقىنى ئېيتقان ئىدى.
پىلان ئىجرا قىلىنىش مەركىزى بولغان ھەلەب رايۇنى بىر قانچە ئايدىن بېرى ئەسەد ھۆكۈمىتى تەرىپىدىن قورشاۋغا ئېلىنماقتا، ئۆكتىچىلەر ھەلەب رايۇنىنىڭ مەركىزىنى باشقا رايۇنلارغا تۇتاشتۇرىدىغان 4 كىلومىتىرلىق كارىدوردا قارشىلىق بىلدۈرمەكتە. ئەسەد ئارمىيسنىڭ قورشاۋغا ئېلىشى نەتىجىسىدە مىڭلىغان سۇرىيەلىك تۈركىيەگە كېتىشكە مەجبۇر بولماقتا.