zol خەۋەر تورى خەۋىرى لەگلەك تورى تەرجىمىسى .ئامېرىكىنىڭ توسۇپ زەربە بېرىش تور بېكىتى بۇنىڭدىن ئىلگىرى ئامېرىكا مۇداپىئە ئىشلىرى ھۆددىگىرىنىڭ سابىق ياللانمىسى سىنوۋدىن تەمىنلىگەن ھۆججەتتىن كۆرسىتىلىشىچە ئامېرىكا ۋە ئەنگلىيە ئاخبارات تارماقلىرى خاككىر ۋاستىسى بىلەن ئۆزەك ئىشلەپ چىقىرىش ماگناتى گېمئالتونىڭ ئىچكى قىسىم سىستېمىسىغا تاجاۋۇز قىلىپ كىرىپ ،يانفۇن ئارقىسى مەخپىيەتلىكىنى قوغداشقا ئىشلىتىدىغان مەخپى نومۇرلۇق ئاچقۇچنى ئوغرىلىۋالغانلىقىنى ،بۇ ئارقىلىق ئوغۇرلۇقچە ئاڭلاش ۋە يانفۇن ئالاقىسىنى كۆزىتىش ئىقتىدارىغا ئىگە بولغانلىقى توغرىسىدا خەۋەر بەرگەن ئىدى .ۋەقە ئاشكارىلىغاندىن كېيىن كىشىلەرنىڭ كەڭ دائىرىدە دىققىتىنى تارتتى .25-فېۋرال گېمئالتو شىركىتى فرانسىيەنىڭ پارىژ شەھىرىدە ئاخبارات ئېلان قىلىش يىغىنى ئېچىپ بۇ ۋەقەگە ئىنكاس قايتۇرۇپ ،شىركەتنىڭ ئىچكى قىسمىدا تەكشۈرۈش ئېلىپ بارغاندىن كېيىن ئۆزلىرىنىڭ ئەنگلىيە ئامېرىكا ئاخبارات تارماقلىرىنىڭ ھۇجۇمىغا ئۇچرىغان بۇلىشى مۇمكىنلىكىنى ئېيتتى .
گېمئالتو شىركىتىنىڭ باش ئىجرائىيە ئەمەلدارى ئولىۋېر پىئو شۇ كۈنى ،شىركەتنىڭ ئىچكى قىسىمدىكى تەكشۈرۈشتە ئامېرىكا ئەنگلىيە ئاخبارات تارماقلىرىنىڭ گېمئالتوغا قارىتا قوزغىغان ھۇجۇم ھەرىكىتىنىڭ ھەقىقەتەن مەۋجۇت ئىكەنلىكى توغرىسىدا يېتەرلىك ئىسپات تېپىلغانلىقىنى ئېيتتى .ئۇ مۇنداق دېدى :>گېمئالتوغا قارىتىلغان ھۇجۇم قىلىش ۋەقەسىنىڭ يۈز بەرگەنلىك ئېھتىمالى يۇقىرى ،بۇ ئامېرىكا دۆلەت خەۋەپسىزلىكى ئىدارىسى ۋە ئەنگلىيە ھۆكۈمەت خەۋەرلىشىش باش شىتابىدىن كەلگەن دېيىلگەن ھۆججەتلەردە تەسۋىرلەنگەن بىر قىسىم ئەھۋاللار گېمئالتو ئۆزى تەكشۈرۈپ چىققان بەزى ئىشلار بىلەن مۇناسىۋەتلىك بۇلۇپ چىقتى <.
گېمئالتو شىركىتى مەزكۇر شىركەتنىڭ 2010-يىلى ۋە 2011-يىلىدا ئىككى قېتىم مۇرەككەپ ھۇجۇمىدا ،ھۇجۇم قىلغۇچىنىڭ گېمئالتو شىركىتىنىڭ خادىمى سىياقىغا كىرىۋېلىپ خېرىدار بىلەن يېقىنلاشقانلىقى ھەمدە مەخپى نومۇرلۇق ئاچقۇچنى ئالداپ قولغا كەلتۈرگەنلىكىنى بىلدۈردى .
ئېيتىلىشىچە ،بۇ خىل ھۇجۇم قىلىش يېڭىلىققا ئىگە ئىكەن ،بۇنى ئىلگىرى پەقەتلا كۆرۈپ باقمىغان ئىكەن ،ئۇ ئادەتتىكى خاككىر ياكى قارا قول تەشكىلاتلارنىڭ قىلمىشى ئەمەستەك قىلىدۇ ،ئەمما گېمئالتو شىركىتى يەنە يانفونلارنىڭ بۇ تۈردىكى ھۇجۇملارنىڭ تەسىرىگە ئۇچرىمايدىغانلىقى ،شۇڭا ھۇجۇم قىلىش ۋەقەسىنىڭ زور كۆلەمدە مەخپىيەتلىكنىڭ ئاشكارىلىنىپ كېتىشىنى كەلتۈرۈپ چىقارمىغانلىقى بىلدۈردى .دېمەك ئامېرىكا ئاخبارات ئىدارىسىنىڭ سەتچىلىكى بۇنىڭلىق بىلەنلا توختاپ قالمايدۇ .
لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى : LEGLEK