جاھان ئاگېنتلىقى 24-فېۋرال خەۋىرى؛ لەگلەك تورى تەرجىمىسى: مىسىر پرېزىدېنتى ئابدۇلفەتتاھ سىسى ئىمزالىغان يېڭى قانۇن، تىنچلىق قىسىملىرىنىڭ نامايىشچىلارغا مۇداخىلە قىلىش ھۇقۇقى «مىللىي بىخەتەرلىك ۋە ئۇمۇمى تەرتىپ» سەۋەبىدىن تېخىمۇ كېڭەيتىلىدۇ. يېڭى چىقرىىلغان قانۇندا «مىللىي بىخەتەرلىك ۋە ئۇمۇمى تەرتىپ» نى روياپقا چىقىرىش ئۈچۈن بىخەتەرلىك كۈچلىرىگە نامايىشچىلارغا مۇداخىلە قىلىش ھۇقۇقى بېرىش ھەققىدە كەڭ توختالغان. قانۇنغا ئاساسلانغاندا، سوتچىلار سوت مەھكىمىسدىن گۇمانلىق كىشىلەرنى «تېرورچى» دەپ ئاتاپ سوتلاشنى تەلەپ قىلالايدۇ. يېڭى قانۇندا يەنە تېرورچى دەپ ئىلان قىلىنغان گۇرۇپ ۋە كىشىلەرنىڭ چەكلىنىشى ۋە مال-مۈلۈكلىرى مۇسادىرە قىلىنىش قاتارلىق قارالار چىقىرىلغان.

مىسىردا 2013-يىلى ئىيۇلدا دۆلەتنىڭ دېموكراتىك يول بىلەن سايلانغان تۇنجى پرېزىدېنتى مۇھەممەد مۇرسى ھەربى ئىنقلاب بىلەن تەخىتتىن چۈشۈرۈلگەندىن كېيىن، ھەربى ھۆكۈمەت بولغان سىسى ھۆكۈمىتى دەسلەپ مۇسۇلمان قېرىنداشلار تەشكىلاتى قاتارلىق بىر قانچە سىياسىي گۇرۇپپىلارنى چەكلىدى ۋە تېرورچى تەشكىلاپ دەپ ئ‍ېلان قىلغان ئىدى. مۇسۇلمان قېرىنداشلار تەشكىلاتى ئەزالىرى ئ‍ۆلۈمگە ھۆكۈم قىلىندى ۋە ياكى ئېغىر تۈرمە جازاسىغا مەھكۇم بولدى. نۇرغۇنلىغان ئىنسان ھەقلىرى ئورگانلىرى مىسىردىكى ئەھۋاللارغا قارشىلىق بىلدۈرگەن بولسىمۇ ھەربى ئىنقلاب ھۆكۈمىتى قارارىدا چېكىنىش بولمىدى ۋە نامايىشچىلارغا مۇداخىلە قىلىشنى كېڭەيتىپ داۋاملاشتۇردى. 3-ئىيۇل ھەربى ئۆزگىرىشىدىن كېيىن ئاۋغۇست ئېيىدا قاھىرەدىكى مىڭلارچە نامايىشچى بىخەتەرلىك قىسىملىرىنىڭ قاتتىق مۇداخىلە قىلىشى نەتىجىسىدە ھاياتىدىن ئايرىلدى.

ئىنسان ھەق-ھۇقۇقلىرى رىئايە قىلىنمىغان مىسىردا ، ئىچكى ئىشلار مىنىستىرى مۇھەممەد ئىبراھىمنىڭ ئارمىيە ۋە ساقچى دائىرلىرى بىلەن ئۆتكۈزگەن يىغىنىنىڭ ئاۋاز ھۆججىتى ئوتتۇرغا چىقتى. ئەلجەزىرە ئاگېنتلىقى ئېرىشكەن ئاۋاز ھۆججىتىدە كۆرسىتىلىشچە، ئىبراھىم ھەربى ئ‍ىنقلابقا قارشى چىققان نامايىشچىلارنى چەكلەش ئۈچۈن ئارمىيە ۋە ساقچىلاردىن بارچە كۈچىنى ئىشلىتىشنى تەلەپ قىلغان. ئەلجەزىرەنىڭ قولدىكى ئاۋاز ھۆججىتىدە، ئىچكى ئىشلار مىنىستىرى ئىبراھىم سابىق پرېزىدىنت مۇھەممەد مۇرسىنىڭ تۈرمىگە كىرىشى بىلەن ئ‍اخىرلاشقان 30-ئىيۇل نامايىشلىرىغا ئارمىيە ۋە ساقچىلارنىڭ زور ياردەم قىلغانلىقىنى ئېيتقان. ئىبراھىم ئاۋاز ھۆججىتىدە، «ھەممىمىز بارلىق رەھبەرلەر، مۇسۇلمان قېرىنداشلار ھۆكۈمىتى ۋە ئىسلامچىل سىياسەت ئېقىمىغا قارشى. سىلەر بىلەن 30-ئىيۇلدىن بۇرۇن يىغىن ئاچتۇق، ئېسىمدە قېلىشچە شۇ يىغىندا سىلەرگە 30-ئىيۇل نامايىشىغا ياردەم بېرىشىڭلارنى ئېيتقان ئىدىم. بەلكى ئۇ ۋاقىتتا سىلەرگە ئوچۇق شەكىلدە ئېيتالمىدىم، ئەمما سىلەر مەقسىتىمنى چۈشەنگەن ئىدىڭلار، شۇنداقمۇ؟ ئۇنىڭدىن كېيىن تەلىماتلار ياخشى چىقتى، ھېچكىم بىرەر مىنۇت ئىككىلىنىشتە بولمىدى» دەپ سۆز قىلغان.

ئاۋاز ھۆججىتىدە يەنە، ئىبراھىمنىڭ كەلگۈسىدە بولىدىغان ھەرقانداق بىر نامايىشقا قارشى ساقچىلارنىڭ قاتتىق مۇداخىلە قىلىىشى كىرەكلىكىنى ئېيتقانلىقى مەلۇم بولغان، ئىبراھىم ئاۋاز ھۆججىتىدە؛«ھەرقانداق بىر قارشىلىق نامايشى بولسا ئۇنىڭغا كەسكىن شەكىلدە مۇداخىلە قىلىڭلار، بۇ شەكىلدىكى نامايىشلارنىڭ يۈز بېرىشىگە رۇخسەت قىلماڭلار، ئەگەر زۆرۈر بولسا مەسچىتتىن چىقىۋاتقان ۋاقىتتا مۇداخىلە قىلىڭلار، ئۇلارغا نامايىش قىلىشقا پۇرسەت بەرمەڭلار،بىرەر 100 كىشىنىڭ توپلىشىپ قېلىشىغا ھەم رۇخسەت قىلماڭلار. چۈنكى بۇ 100 كىشى 1000 ياكى 2000 بولۇپ قالىدۇ، ئۇ ئەھۋالدا قىيىن ئەھۋالدا قالىمىز، ئەگەر قارشىلىق نامايىشى يۈز بېرىپ قالسا نامايىشچىلارغا قانداق قىلساڭلار بولىدۇ» دەپ سۆز قىلغان.