ۋاڭيى تورى خەۋىرى لەگلەك تورى تەرجىمىسى

جۇڭگۇ كۈندىلىك گېزىتى تورى 2-ئاينىڭ 2-كۈنى تېلېگراممىسى. ئەنگىلىيە « كۈندىلىك پوچتا گېزىتى » نىڭ 2-ئاينىڭ 2-كۈنى خەۋەر قىلىشىچە ئەنگىلىيىلىك ئايال تېس كىرىستىن ياش چىرايىنى ساقلاش ۋە يۈزىگە قورۇق چۈشۈشنىڭ ئالدىنى ئېلىش ئۈچۈن يېقىنقى 40 يىل ۋاقىت ئىچىدە ئىزچىل ئۆزىنىڭ سۇس ئىپادىسىنى ساقلاپ كەلگەن.

ھازىر 50 ياشقا كىرگەن كىرىستىن مۇنداق دەيدۇ :« مېنىڭ يۈزۈمدە قورۇق يوق. چۈنكى مەن ئۆزۈم ئارقىلىق يۈز مۇسكۇللىرىمنى كونتىرول قىلىشنى مەشىق قىلىمەن. ھەر بىر ئادەم مەندىن بوتولىزىم تاياقچە باكتىرىيەسى ( 肉毒杆菌 ) ئۇرغۇزدىڭىزمۇ دەپ سورايدۇ، بىراق مەن ئۇنداق قىلمىدىم. مېنىڭچە بۇ مېنىڭ كىچىكىمدىن باشلاپ قاقاقلاپ كۈلۈپ باقمىغانلىقىم ھەتتا كۈلۈمسىرەپ باقمىغانلىقىمنىڭ سەۋەبى بولسا كېرەك. مەن ئۆزۈمنىڭ ئىرادەمنىڭ جاۋابىنى كۆردۈم، ھازىر يۈزۈمدە بىرمۇ قورۇق يوق.»

كىرىستىن تەمكىن ھالدا مۇنداق دەيدۇ :« مەن بەك ئابرويپەرەس، ياشلىقىمنى ساقلاپ قالغۇم بار. مېنىڭ ئامالىم بوتولىزىم تاياقچە باكتىرىيەسىدىن تەبىئىي، ھەرقانداق قىممەت باھالىق گىرىم بۇيۇملىرى ياكى يۈز ئۇۋۇلاشتىن ئۈنۈملۈك.» كىرىستىن راستىنلا بۇنىڭ ئۈچۈن نۇرغۇن تىرىشچانلىق كۆرسەتكەن. توي قىلغان ۋە بالىلىق بولغان مۇشۇنداق خۇشاللىق ۋاقىتلاردىمۇ ئۆزىنىڭ قارتا يۈزىنى ساقلاپ كەلگەن، كۈلۈپ باقمىغان.

ئەمەلىيەتتە كۈلمەسلىك ئۇسۇلى ئارقىلىق قورۇق چۈشۈشنىڭ ئالدىنى ئالغان ئايال پەقەت كىرىستىن بىر ئايال ئەمەس. ھازىر 34 ياشقا كىرگەن ئامېرىكىلىق تاماشا ساھەسىدىكى داڭلىق ئايال جېن كادسىن مۇ ئامال بار كۈلمەيدۇ. چۈنكى كۈلگەندە يۈزىگە قورۇق چۈشۈپ قالىدىكەن.