25-يانۋار سائەت 16:10 ئۆتكەندە، شەھەر ئاھالىسى نيۇ يۈلەن ئۈرۈمچى شەھىرى يېڭى دېموكراتىيە يولى غەربىي ئۈچ كوچا يول ئېغىزىدىكى بىر قۇدۇق يېنىدا بىر دۆۋە قىزىل رەڭلىك پۇللارنىڭ چېچىلىپ ياتقانلىقىنى كۆرگەن. ئۇ 40 مىنۇت ساقلىغاندىن كېيىنمۇ ھېچكىمنىڭ كەلمىگەنلىكىنى كۆرۈپ پۇللارنى يىغىپ ساقچىخانىغا تاپشۇرۇپ بەرگەن.

ــ پۇللار ناھايىتى يېڭى بولۇپ، يېڭىلا بانكىدىن ئېلىنغاندەك ئىدى،- دېدى ئۇ مۇخبىرغا شۇ كۈنكى ئىشلارنى ئەسلەپ. ئۇنىڭ ئېيتىشىچە، ئۇنىڭ قىزى شىنشىڭ كوچىسىدىكى بىر مەكتەپتە ئوقۇيدىغان بولۇپ، ئۇ قىزىنى ئالغىلى كېتىۋېتىپ بۇ پۇللارنى تېپىۋالغان ۋە يولدىن ئۆتكەن-كەچكەنلەردىن پۇل يوقىتىپ قويغان-قويمىغانلىقىنى سورىغان، شۇنداقلا 40 مىنۇتقا يېقىن پۇلنىڭ ئىگىسىنى ساقلاپ تۇرغان.

ــ مەن BRT1-لىنىيە ئاپتوبۇسىنىڭ شوپۇرى، ئاپتوبۇستا دائىم دېگۈدەك يولۇچىلار نەرسىلىرىنى ئۇنتۇلۇپ قالىدۇ، بىزمۇ ئۇ نەرسىلەرنىڭ ئالاھىدىلىكى بويىچە ئىگىسىنى تاپالايتتۇق، بىراق، بۇ قېتىم بۇ پۇلنىڭ ئىگىسىنى تېپىش تەسكە چۈشتى،-دېدى نيۇ يۈلەن.

شىنشىڭ يولى ساقچىخانىسىدىكى بۇ دېلونى قوبۇل قىلغان ساقچى چيۇ يوڭ مۇخبىرغا:‹‹ئەينى چاغدا پۇلنى سانىسام 7200 يۈەن چىقتى، پۇللارنى ۋاقتىنچە ساقچىخانا ساقلاپ بېرىدۇ، پۇلنى يوقىتىپ قويغۇچى كېلىپ ئېلىۋالسا بولىدۇ، بىز پۇل تېپىۋېلىنغان يول ئېغىزىغا ئورنىتىلغان ئېلېكتىرونلۇق كۆز خاتىرىسىدىكى دەلىل-ئىسپاتلار بويىچە پۇلنى ئۆز ئىگىسىگە تاپشۇرىمىز›› دېدى.