جاھان ئاگېنتلىقى 26-ماي خەۋىرى؛ لەگلەك تورى تەرجىمىسى: مالىينىڭ پايتەختى باماكودا بىرلەشكەن دۆلەتلەر تىنچلىق ساقلاش قىسىمى ئەسكەرلىرى نامەلۇم قۇراللىق كىشىلەرنىڭ تۇيۇقسىز تۇزىقىغا چۈشۈپ 1 ئەسكەر ھاياتىدىن ئايرىلدى، يەنە بىر ئەسكەر يارىلاندى. ب د ت تىنچلىق ساقلاش قىسمىدىن ئىسمىنى ئاشكارىلاشنى خالىمايدىغان بىر خادىم، نامەلۇم قۇرالىق كىشىلەرنىڭ باماكو ئايرۇدرومى يولىدا تىنچلىق ساقلاش قىسمى ئەسكەرلىرىگە تۇزاق قۇرۇلغانلىقى، ۋە 1 ئەسكەرنىڭ ئۆلۈپ يەنە بىرىنىڭ يارىلانغالىقىنى ئېيتتى. مالىينىڭ شىمالى رايۇنى 2012-يىلى يانۋاردا ھۆكۈمەتكە قاراشلىق قىسىملەر ۋە ئىسيانچىلار ئارىسىدىكى توقۇنۇشلاردىن كېيىن قۇراللىق گۇرۇپپىلار تەرىپىدىن كونترول قىلىۋېلىنغان، توقۇنۇش بارغانسىرى كىڭەيگەندىن كېيىن ھۆكۈمەت تەرەپ فرانسىيەدىن ھەربىي ياردەم تەلەپ قىلغان.
مالى پرېزىدېنتى ئامادو تومانى2012-يىلى 22-مارتتىكى پرېزىدېنت سايلىمىغا بىر ئاي قالغاندا ھەربىي ئۆزگىرىش بىلەن ئاغدۇرۇلغان ئىدى. بۆلگۈنچى ئىسيانچىلارنىڭ شىمالدىكى كىدال، تىمبۇكتۇ ۋە گاۋ رايۇنلىرىنى كونترول قىلىۋېلىشى ۋە كېيىن باماكودىكى ئۆتكۈنچى ھۆكۈمەتنىڭ ياردەم تەلەپ قىلىشى بىلەن فرانسىيە رايۇنغا ھەربىي مۇداخىلە قىلغان ئىدى.
ھۆكۈمەت ئالجىرىيە ۋە خەلقئارا جەمئىيەتنىڭ ياردىمى بىلەن 2014-يىلى ئىيۇلدا يارىشىش ئۇچرىشىشى ئېلىپ بېرىپ نەتىجىدە 1-مارتتا 6 دانە قۇراللىق گۇرۇپپا بىلەن ئالجىرىيە كېلىشىمىنى ئىمزالىغان ئىدى. مالىينىڭ شىمالىدىكى ئەڭ تەسىرى زور قۇراللىق گوروپپىلاردىن ئازاۋاد ئازاتلىق ھەرىكىتىگە قاراشلىق ئازاۋاد ھەرىكىتى تەشكىللەش ئورنى كېلىمىشنى ئىمزالىمىغان. ئازاۋاد ئورگىنى دائىرلىرى ئۆتكەن ئاي كېلىشىمنىڭ ھازىرقى ھالىتىنى ئىمزالىمايدىغانلىقىنى، كېلىشىمدە ھالقىلىق مەسىلىلەردە ئۆزگەرتىش ئېلىپ بېىش كىرەكلىكىنى تەكىتلەپ، ئازاۋاد رايۇنى مۇستەقىللىق ئېلان قىلىشى بىلەن شىمالدىكى تىمبۇكتۇ ، گاۋ ۋە كىدال رايۇنلىرىنىڭ بىرلەشتۈرۈلىشى ۋە يېڭى رايۇننىڭ سىياسىي ئۆلچەمگە ئىگە بولوشىنى تەلەپ قىلغان ئ‍ىدى.