ئەنگلىيە دۇنيادا مۈلكى 30 مىليون ئامېرىكا دوللىرىدىن ئاشىدىغان كىشىلەر ئەڭ كۆپ دۆلەت.

 جۇڭگو ئىقتىساد تورى خەۋىرى لەگلەك تورى تەرجىمىسى  ئەنگلىيە «كۈندىلىك پوچتا گېزىتى» نىڭ تور پونكىتىدا 9- ماي ئېلان قىلىنغان خەۋەرگە ئاساسلانغاندا، «بايلىق كۆزەتكۈچى» تاراتقۇسى ئېلان قىلغان ئەڭ يېڭى سانلىق مەلۇماتتا كۆرسىتىلىشچە، ئەنگلىيەنىڭ پايتەختى لوندوندا مۈلكى 30 مىليون ئامېرىكا دوللىرى (تەخمىنەن 184 مىليون يۈەن) دىن ئاشىدىغان كىشىلەرنىڭ سانى 4224 نەپەر بولۇپ، بۇ جەھەتتە دۇنيادىكى باشقا ھەر قانداق شەھەردىن يۇقىرى ئورۇندا تۇرىدىكەن.

سانلىق مەلۇماتتا كۆرسىتىلىشچە، بۇ رەت تەرتىپتە توكيو ئىككىنچى ئورۇندا تۇرىدىغان بولۇپ، مۈلكى 30 مىليون ئامېرىكا دوللىرىدىن ئاشىدىغان كىشىلەرنىڭ سانى 3525 نەپەر ئىكەن؛ سىنگاپور ئۈچىنچى ئورۇندا تۇرىدىغان بولۇپ، مۈلكى 30 مىليون ئامېرىكا دوللىرىدىن ئاشىدىغان كىشىلەرنىڭ سانى 3154 نەپەر ئىكەن؛ نيۇيورك تۆتىنچى ئورۇندا تۇرىدىغان بولۇپ، مۈلكى 30 مىليون ئامېرىكا دوللىرىدىن ئاشىدىغان كىشىلەرنىڭ سانى 2929 نەپەر ئىكەن.

گەرچە ئامېرىكا دۇنيادىكى ئەڭ چوڭ ئىقتىسادىي گەۋدە بولسىمۇ، ئەمما نيۇيوركنىڭ رەت تەرتىپى بىر قەدەر تۆۋەن. چۈنكى لوندوندەك شەھەرلەرگە دەرىجىدىن تاشقىرى بايلار بىر قەدەر زىچ مەركەزلەشكەن، ئەمما ئامېرىكىدا بولسا بايلار پۈتۈن مەملىكەتكە تارقالغان. ئەنگلىيەدىكى مۈلكى 30 مىليون ئامېرىكا دوللىرىدىن ئاشىدىغان كىشىلەرنىڭ %40 تى لوندونغا مەركەزلەشكەن، ئامېرىكىدا بولسا مۈلكى 30 مىليون ئامېرىكا دوللىرىدىن ئاشىدىغان كىشىلەرنىڭ ئاران %7 تى نيۇيوركقا مەركەزلەشكەن.

خۇسۇسىي بايلىقنىڭ يەر شارى خەرىتىسى: مىلياردېرلار بىلەن 10 مىليوندىن ئارتۇق پۇلى بار كىشىلەر ئەڭ كۆپ جايلار.

ئەمما، مۇتەخەسسىسلەرنىڭ مۆلچەرلىشىچە، 2020- يىلىغا بارغاندا، جۇڭگو شەھەرلىرىدىكى 10 مىليوندىن ئارتۇق پۇلى بار كىشىلەرنىڭ سانى بىر ھەسسە كۆپىيىدىكەن، قارىغاندا جۇڭگو ئەنگلىيەگە يېتىشىۋالىدىغان ئوخشايدۇ. بۇ تەتقىقاتقا ئاساسلانغاندا، ھىندىستانمۇ بۇ جەھەتتە جۇش ئۇرۇپ راۋاجلىنىدىغان بولغاچقا، ئەنگلىيەدىكى مىليونېرلارنىڭ سانى 6- ئورۇندىن 8- ئورۇنغا چۈشۈپ قېلىشى مۇمكىن.

توكيودا مۈلكى 30 مىليون ئامېرىكا دوللىرىدىن ئاشىدىغان كىشىلەرنىڭ سانى 3525 نەپەر بولۇپ، بۇ رەت تەرتىپتە لوندوندىن قالسىلا ئىككىنچى ئورۇندا تۇرىدۇ.

سىنگاپوردا مۈلكى 30 مىليون ئامېرىكا دوللىرىدىن ئاشىدىغان كىشىلەرنىڭ سانى 3154 نەپەر بولۇپ، بۇ رەت تەرتىپتە ئۈچىنچى ئورۇندا تۇرىدۇ。

لەگلەك تورى ئۈندىدار سالونىنى قۇشۇۋېلىڭ ئىزدەش نومۇرى :LEGLEK