‹‹ئەنگلىيە كۈندىلىك پوچتا گېزىتى››نىڭ خەۋىرىگە قارىغاندا، شۇ يەر ۋاقتى 2015-يىلى 20-يانۋار فىرانسىيەنىڭ پارىژدا ئافرىقىنىڭ مالىدىن كەلگەن لاسسانا باتىلى يەھۇدىيلارنىڭ تاللا بازىرىدا يۈز بەرگەن تۇتقۇن قىلىش ۋەقەسىدە ئىپادىسى كۆرۈنەرلىك بولغانلىقى ئۈچۈن ‹‹قەھرىمان›› دەپ تەرىپلەنگەن ھەمدە فىرانسىيە دۆلەت تەۋەلىكىگە ئۆتۈش شەرىپىگە ئېرىشكەن. باتىلى يەھۇدىيلار تاللا بازىرىنىڭ ئىشچىسى بولۇپ، ۋەقە يۈز بەرگەندە، ئۇ مېھمانلارنى باشلاپ سوغۇق ساقلاش ئۆيىگە قېچىپ كىرىپ، چىراغلارنى ئۆچۈرۈپ، سوغۇق ساقلاش ئۆيىنىڭ توك مەنبەسىنى ئۈزۈۋەتكەن. ئىگىلىنىشىچە، ئۇ بىر بوۋاقنى ئۆز ئىچىگە ئالغان يەتتە كىشىنىڭ ھاياتىنى ساقلاپ قالغان.

2006-يىلىدىن بۇيان باتىلى ئىزچىل فىرانسىيەدە تۇرۇپ كەلگەن، بۇلتۇر ئۇ فىرانسىيە دۆلەت تەۋەلىكىگە ئۆتۈشنى ئىلتىماس قىلىشقا باشلىغان.

ۋەقە ھەققىدە:

فىرانسىيەنىڭ شەرقىدىكى يەھۇدىي تاللار بازىرىدا 9-يانۋار تۇتقۇن قىلىش ۋەقەسى يۈز بەرگەن، ۋەقە يۈز بەرگەندە ئافرىقىلىق بىر مۇسۇلمان دۇكان خادىمى خەتەرگە قارىماي قورقۇپ كەتكەن كىشىلەرنى سوغۇق ساقلاش ئۆيىگە باشلاپ كىرىپ، ئۇلارنى ئايلىنىپ ئۆتۈپ كېتىشكە دەۋەت قىلغان. ئۇنىڭ جاسارىتى ۋە ئىشلىرى ھەققىدە فىرانسىيەنىڭ تاراتقۇلىرىدا بەس-بەستە خەۋەر بېرىلگەن، ئۇنىڭ سۈرەتلىرىمۇ توردا كۆپلەپ تارقالغان.

بۇ غەربىي ئافرىقىدىكى مالىدىن كەلگەن 24 ياشلىق دۇكان خادىمى باتىلى بولۇپ، ئەڭ ئاز دېگەندىمۇ ئالتە كىشىنىڭ ھاياتىنى قۇتقۇزۇپ قالغان. ئۇ تولىمۇ خىجىلچان بولۇپ، پەقەت ئۆزىنى كۆرسىتىشنى خالىمايدۇ، ئۇ ۋەقەدىن كېيىن فىرانسىيەدىكى BFMTV تېلېۋىزىيە ئىستانسىسىنىڭ زىيارىتىنى قوبۇل قىلغاندا، بىر توپ ئادەمنىڭ يەر ئاستى ئۆيىگە يۈگۈرۈپ كىرگەنلىكىنى كۆرۈپ دەرھال سوغۇق ساقلاش ئۆيىنىڭ ئىشىكىنى ئاچقانلىقىنى، ئاندىن بىر قىسىم كىشىلەرنى مۆكۈۋېلىشقا دەۋەت قىلغانلىقىنى، تېررورچىلارنىڭ بايقاپ قېلىشىدىن ساقلىنىش ئۈچۈن، ئۇ يەنە سوغۇق ساقلاش ئۆيىنىڭ چىراغلىرى ۋە توك مەنبەسىنى ئۈزۈۋەتكەنلىكىنى ئېيتىدۇ.

ئۇ قورقۇپ كەتكەن خېرىدارلارغا: سىلەر بۇ يەردە جىم تۇرۇڭلار، مەن سىرتقا چىقىپ كىرەي.

باتىلى ئارقىدىنلا مال توشۇش لىفىتى بىلەن سىرتقا چىقىدۇ، ساقچى تەرەپ دەسلەپتە باتىلىنى جىنايەت گۇماندارلىرىنىڭ شېرىكى ئوخشايدۇ، دەپ ئويلاپ، ئۇنى ئىككى قولىنى كۆتۈرۈپ يېتىشقا بۇيرۇق بېرىدۇ، ئارقىدىنلا قولىغا كويزا سېلىپ يېرىم سائەتتەك ئاۋارە قىلىدۇ. ئۇنىڭ چۈشەندۈرۈشى بىلەن ساقچى تەرەپ دۇكان ئىچىدىكى ئەھۋاللاردىن خەۋەر تاپىدۇ.